មនុស្សជាច្រើនចង់បាន ទំនាក់ទំនងស្នេហាមួយដែលមានភាពរ៉ូមែនទិច ប៉ុន្តែមិនដឹងថាគួរចាប់ផ្តើមដោយរបៀបណា។ ប្រសិនបើអ្នកកំពុងតែចាប់អារម្មណ៍នរណាម្នាក់ ហើយមិនដឹងថាត្រូវធ្វើយ៉ាងណាដើម្បីចាប់ផ្តើមទំនាក់ទំនងជាមួយនឹង មនុស្សម្នាក់នោះ ចូរអនុវត្តតាមការណែនាំខាងក្រោម៖
១. ស្វែងរកអ្វីដែលអ្នកចាប់អារម្មណ៍លើមនុស្សម្នាក់នោះ៖ វាអាចជាអ្វីដែលអ្នកទាំងពីរមានដូចគ្នា ឬអ្វីដែលអ្នកអាចបំពេញវាបាន។ ប្រើប្រាស់ចំណាប់អារម្មណ៍នោះដើម្បីបង្កើតទៅជាការសន្ទនា។
២. ស្នើឱ្យគេធ្វើអ្វីមួយដែលមិនប៉ះពាល់ដល់គេ ដូចជាការណាត់ជួបនៅកន្លែងសាធារណៈ ឬទៅចូលរួមព្រឹត្តិការណ៍កីឡា ឬដើរលេងក្នុងសួនច្បារ។ ប្រសិនបើអ្នកមានមិត្តភក្តិរួមគ្នា ចូរបបួលគេឱ្យចូលរួមផងដែរ។ ជៀសវាងការនៅឆ្ងាយពីអ្នកដទៃជាមួយនឹងមនុស្សដែលអ្នកមិនទាន់ស្គាល់ ច្បាស់។
៣. ស្មោះត្រង់ថាអ្នកគឺជានរណា និងអ្វីដែលអ្នកចង់បានពីទំនាក់ទំនងមួយនោះ៖ អ្នកមិនត្រូវចាប់ផ្តើមទំនាក់ទំនងមួយជាមួយនឹងភាពមិនស្មោះត្រង់នោះទេ ។ ចូរដើរតួជាខ្លួនអ្នក មិនត្រូវព្យាយាមកែប្រែអត្តចរិកពិតប្រាកដរបស់អ្នកឡើយ។ វានឹងធ្វើឱ្យមនុស្សម្នាក់នោះចូលចិត្តអ្នកក្នុងនាមជាអ្នក មិនមែនចូលចិត្តអត្តចរិករបស់អ្នកដែលអ្នកខំព្យាយាមកុហកគេនោះទេ។ ចូរចងចាំថា ប្រសិនបើទំនាក់ទំនងមួយនេះក្លាយទៅជាស្នេហាដែលមានរយៈពេលយូរ ការពិតនឹងលាតត្រដាងចេញមកនៅពេលណាមួយ។
៤. មិនត្រូវឈ្លានពាន ឬអន្ទះសារពេកនោះទេ៖ ប្រសិនបើអ្នកត្រូវបង្ខំឱ្យនរណាម្នាក់ដើរលេងជាមួយអ្នក អ្នកមិនត្រូវធ្វើបែបនេះនោះទេ។
៥. មិនត្រូវផ្ញើរសារដែលមានន័យបន្លំនោះទេ ជាពិសេសអំពីរឿងរួមភេទ៖ ចូរដឹងច្បាស់ពីការប្រើប្រាស់កាយវិការរបស់អ្នក និងទំនាក់ទំនងដែលមិនប្រើពាក្យសម្តីផ្សេងៗទៀត។
៦. បង្ហាញការចាប់អារម្មណ៍ទៅលើគេ៖ ស្វែងយល់ពីអ្វីដែលគេចូលចិត្តនិងមិនចូលចិត្ត, គ្រួសារ និងមិត្តភក្តិ, ការឱ្យតម្លៃនិងជំនឿ, និងគោលបំណងនិងក្តីស្រម៉ៃរបស់គេ។ ចូរស្វែងយល់ពីគេឱ្យបានច្បាស់ និងមិនត្រូវធ្វើការវាយតម្លៃគេលឿនពេកនោះទេ។ ព្យាយាមកុំគ្របដណ្តប់លើការសន្ទនាទាំងមូលដោយការនិយាយតែពីខ្លួន អ្នក។
៧. ចូរកុំព្យាយាមប្រញាប់បង្កើតជាទំនាក់ទំនងស្នេហាពេក ជាពិសេសប្រសិនបើអ្នកទើបតែបញ្ចប់ទំនាក់ទំនងស្នេហាជាមួយនឹងអ្នក ផ្សេង។ ពេលខ្លះវាអាចរឿងល្អក្នុងការនៅម្នាក់ឯងមួយរយៈ។
៨. ប្រសិនបើអ្នកបង្កើតមិត្តភាពមួយជាមួយនឹងមនុស្សម្នាក់ទៀត ហើយអ្នកទាំងពីរមិនមានអារម្មណ៍រ៉ូមែនទិចឬភាពទាក់ទាញផ្លូវភេទ ទៅវិញទៅមកទេនោះ ចូររក្សាមិត្តភាពនោះឱ្យនៅជាមិត្តភាព។ មិនត្រូវបង្ខំឱ្យកើតមានអ្វីដែលមិនគួរនឹងមាននោះទេ។ ភាពទាក់ទាញនិងអារម្មណ៍រ៉ូមែនទិចកើតឡើងតាមធម្មជាតិ ហើយមិនមែនជាអារម្មណ៍ដែលអ្នកអាចបង្កើតបាននោះទេ៕
No comments:
Post a Comment