វិធីកាត់បន្ថយភាពតប់ប្រមល់ការងារ
ការសិក្សា និងជីវភាពប្រចាំថ្ងៃ
សុទ្ធតែជាកត្ដាប្រឈមនឹងអារម្មណ៍ធុញថប់ និងតប់ប្រមល់។
ខ្ញុំបាទសូមចែករំលែកនូវវិធីសាស្រ្ដងាយៗ
និងល្អបំផុតដើម្បីបំបាត់បញ្ហាខាងលើ សូមធ្វើចលនាដង្ហើម
ស្ដាប់តន្រ្ដី
និងស្វែងរកទីកន្លែងសមរម្យដើម្បីស្រែកបន្ធូរអារម្មណ៍។
សូមចាប់ផ្ដើមបន្ធូរខ្យល់ដង្ហើមចេញពីពោះមកខាងក្រៅមួយៗ
ជាជាងព្យាយាមពើងស្មាដកដង្ហើមធំៗ។
អ្នកអាចស្ដាប់តន្រ្ដីតាមចំណូលចិត្ដទាំងចង្វាក់ញាក់
និងលន្លង់លន្លោច។ ម្យ៉ាងវិញទៀត ប្រសិនបើអាចទៅរួច
អ្នកអាចរកទីកន្លែងខ្ពស់ និងស្ងាត់ល្អ
ដើម្បីស្រែកឲ្យអស់ពីពោះ។ វិធីសាស្រ្ដខាងលើនេះ
អាចនឹងផ្ដល់អត្ថប្រយោជន៍ចំពោះការកាត់បន្ថយភាពតប់ប្រមល់៕
វិធីបង្កើតចំណងមិត្ដភាពជាមួយអ្នកខាងក្រៅមនុស្ស មួយចំនួន ទំនងជារស់នៅឯកោ ស្ងប់ស្ងាត់ និងមិនសូវចាប់អារម្មណ៍អ្វីដែលនៅជុំវិញខ្លួន។ ទាំងនេះ អាចធ្វើឲ្យពួកគេឃ្លាតឆ្ងាយពីទំនាក់ទំនងជាមួយអ្នកដទៃ និងសង្គម ដូច្នេះខ្ញុំចង់លើកឡើងនូវចំណុចខ្លះៗដែលអាចជួយដោះស្រាយបញ្ហា នេះ។ ព្យាយាមផ្សារភ្ជាប់ទំនាក់ទំនងជាមួយមិត្ដភក្ដិ និងមនុស្សនៅជុំវិញខ្លួន ថ្វីដ្បិតតែមមាញឹកក្នុងការសិក្សា ឬក៏ការងារក្ដី។ វិធីទំនាក់ទំនងដ៏ល្អក្រៅពីការជជែកគ្នាផ្ទាល់មាត់ គឺការផ្ញើសារអេឡិចត្រូនិក និងទូរស័ព្ទជាដើម។ ម្យ៉ាងវិញទៀត អ្នកគួរតែចៀសវាងពីទង្វើឆ្មើងឆ្មៃ និងអំនួតក្អេងក្អាង ប៉ុន្ដែគួរតែរួសរាយ និងរក្សាស្នាមញញឹម ពីព្រោះវាអាចទាញការចាប់អារម្មណ៍ពីអ្នកដទៃបានយ៉ាងងាយ៕
វិធីសាស្រ្តជោគជ័យក្នុងការសិក្សាមនុស្ស គ្រប់រូប សុទ្ធតែមានខួរក្បាល និងប្រព័ន្ធប្រសាទដូចគ្នា។ តើហេតុអ្វីបានជាមានសិស្ស និស្សិតខ្លះរៀនឆាប់ចេះ និងអាចដោះស្រាយសំណួរប្រកបដោយប្រសិទ្ធភាពជាងសិស្សដទៃ? ជឿ ឬក៏មិនជឿ យ៉ាងហោចណាស់ អ្នកត្រូវតែអនុវត្ដឲ្យបាន៥ចំណុចដូចខាងក្រោមនេះ។ ទីមួយ អ្នកត្រូវចេះកំណត់គោលដៅឲ្យបានច្បាស់លាស់ថាតើអ្នកចង់បានអ្វី នៅទីបញ្ចប់។ ទីពីរ អ្នកគួរតែរៀបចំគម្រោង និងកាលវិភាគឲ្យបានត្រឹមត្រូវ ដើម្បីជួយក្រើនរំឭករូបអ្នកជានិច្ច។ ទីបី ការប្រកាន់ភ្ជាប់នូវការអនុវត្ដអ្វីដែលអ្នកគ្រោងទុក គឺជាកត្ដាសំខាន់បំផុត។ ទីបួន អ្នកអាចតាមដានព័ត៌មានឲ្យបានជាប់ជាប្រចាំដើម្បីជាចំណេះដឹង ជាក់ស្ដែងក្នុងសង្គម។ ចុងក្រោយ ត្រៀមលក្ខណសម្បត្ដិ និងសម្ភារពាក់ព័ន្ធដើម្បីចាប់ឱកាសប្រឡងជាប់៕
វិធីថែរក្សារាងឲ្យនៅតែស្អាតជានិច្ចសុភាព
នារីទាំងអស់ អាចថែរក្សារាងដ៏ស្រស់ស្អាតឲ្យគង់វង្ស
តាមរយៈការកំណត់របបអាហារឲ្យបានត្រឹមត្រូវ។
អ្នកត្រូវកាត់បន្ថយការទទួលទានអាហារពេលព្រឹក និងល្ងាច
ឬក៏អាចជំនួសដោយផ្លែចេក។ ប៉ុន្ដែ
អ្នកមិនត្រូវបង្អត់អាហារថ្ងៃត្រង់ជាដាច់ខាត
ពីព្រោះវាជាអាហារដ៏សំខាន់បំផុត។ ក្រៅពីកាត់បន្ថយរបបអាហារ
អ្នកអាចបរិភោគទឹកតែក្ដៅជាប្រចាំ
ពីព្រោះវាអាចជួយសម្រកសារធាតុខ្លាញ់ចេញពីក្នុងខ្លួន។
សូមមិត្ដនារីសាកល្បងអនុវត្ដបែបនេះជារៀងរាល់ថ្ងៃ
វាអាចជួយឲ្យអ្នកទទួលបាននូវរូបរាងស្រស់ស្អាតយ៉ាងឆាប់រហ័ស៕
វិធីធ្វើឲ្យទឹកមុខស្រស់ថ្លាទោះបីជា អ្នកធ្វើការងារហត់នឿយយ៉ាងណាក៏ដោយ អ្នកត្រូវតែព្យាយាមគេងឲ្យបានគ្រប់គ្រាន់១០ម៉ោងក្នុង១ថ្ងៃ។ ការធ្វើរបៀបនេះ ជារៀងរាល់ថ្ងៃ ធ្វើឲ្យទឹកមុខរបស់យើងនិងនៅតែស្រស់ថ្លាជានិច្ច។ ការគេងបានគ្រប់គ្រាន់ធ្វើឲ្យរាងកាយ និងខួរក្បាលមានភាពស្រស់ស្រាយ និងរឹងមាំ ដូច្នេះទឹកមុខរបស់អ្នកក៏ស្រស់ស្រាយដូចគ្នា។ ផ្ទុយទៅវិញ បើសិនអ្នកគេងមិនបានគ្រប់គ្រាន់ នឹងធ្វើឲ្យខួរក្បាលចុះខ្សោយ គិតយឺត ខ្មៅក្រោមភ្នែក និងមានទឹកមុខស្លេកស្លាំងជាដើម៕
វិធីឈរឲ្យបានត្រង់ខ្លួន បង្កើនទំនុកចិត្តដំបូង
អ្នកត្រូវតែព្យាយាមហាត់ឈរឲ្យត្រង់ខ្លួន
ផ្អែកទៅនឹងជញ្ជាំងឲ្យបានពី១០ទៅ១៥នាទីក្នុង១ថ្ងៃ
រហូតក្លាយជាទម្លាប់។ នៅពេលដែលអ្នកឈរបានត្រង់ដងខ្លួន
នឹងធ្វើឲ្យអ្នកមើលទៅមានរាងស្វែល
ហើយការធ្វើបែបនេះក៏នឹងជួយបង្កើនជំនឿចិត្តលើខ្លួនឯងដែរ។
ត្រូវប្រុងប្រយ័ត្នចំពោះការពត់ពែន កោងខ្លួនរបស់អ្នក
ត្រូវព្យាយាមកែតម្រូវរហូតដល់ក្លាយជាទម្លាប់៕
វិធីផាត់មុខតាមបែបធម្មជាតិរបស់យុវតីសម័យថ្មីតើ មិត្តយុវតីទាំងអស់ចង់តុបតែងមុខបែបធម្មជាតិដែរឬទេ? ខ្ញុំសូមណែនាំវិធីងាយៗដើម្បីទទួលបានភាពស្រស់ស្អាតក្នុងការ ផាត់មុខស្របតាមស្ទីលយុវវ័យសម័យថ្មី។ ដំបូងឡើយ អ្នកត្រូវលាបម្សៅទ្រនាប់ក្រមួននៅលើផ្ទៃមុខឲ្យបានសព្វល្អ។ ក្រោយមក ប្រើផ្សៅ Flora ដែលមានពណ៌សល្មម មកផាត់តប់ថ្នមៗលើស្បែកមុខ។ នៅពេលម្សៅចូលសព្វល្អហើយ អ្នកត្រូវយកម្សៅក្រមួនពណ៌ដិតល្មមមកផាត់ពីលើបន្ថែមទៀតទៅតាម ទម្រង់ដែលអ្នកចូលចិត្ដ។ សូមបញ្ជាក់ថា ការតុបតែងនៅត្រង់រង្វង់ភ្នែក និងបបូរមាត់ ត្រូវតែមានសភាពស្រាលបំផុត ដើម្បីរំលេចសម្រស់ធម្មជាតិ៕
វិធីស្លៀកពាក់ឲ្យបានស្អាតសម្លៀក
បំពាក់ជាគ្រឿងតុបតែងចម្បងដែលជួយបង្កើនសម្រស់រាងកាយ។
អ្នកគួរស្លៀកសម្លៀកបំពាក់ណាដែលអ៊ុតបានរៀបរយ
និងតម្រូវតាមរាងកាយអ្នក។
ប្រសិនបើអ្នកជាសិស្សត្រូវស្លៀកពាក់ជាឯកសណ្ឋានជាសិស្ស
ហើយឯកសណ្ឋានទំាងនោះត្រូវតែអ៊ុតឲ្យបានរៀបរយ។
បើចូលរួមក្នុងកម្មវិធីជប់លៀងផ្សេងៗ
សម្លៀកបំពាក់របស់លោកអ្នកត្រូវតែមានផាសុកភាព មានក្លិនក្រអូប
ហើយត្រូវតែរៀបចំឲ្យបានសមតាមកម្មវិធី ដែលអ្នកចូលរួម។
សម្លៀកបំពាក់ប្រភេទនេះនឹងជួយលើកសម្រស់អ្នកឲ្យមើលទៅក្មេង
និងស្រស់ស្អាតជាងមុន។ ជឿជាក់ថា
វិធីខាងលើពិតជាមិនពិបាករហូតដល់អ្នកមិនអាចធ្វើបាននោះទេ៕
វិធីថែរក្សាស្បែកពីកម្ដៅថ្ងៃជាមួយផ្លែឪឡឹកដោយ សារតែកម្ដៅផែនដីកំពុងតែកើនឡើងជាលំដាប់ វាអាចបំផ្លាញដល់សុខភាពស្បែករបស់យើង។ ដូច្នេះ ខ្ញុំសូមបង្ហាញវិធីសាមញ្ញងាយៗតាមធម្មជាតិដើម្បីស្រោចស្រង់ស្បែក របស់អ្នកនៅពេលរងការខូចខាតពីកម្ដៅព្រះអាទិត្យ។ ដំបូងឡើយ អ្នកត្រូវប្រើផ្លែឪឡឹកមួយចម្រៀក និងទឹកឃ្មុំមួយស្រាបព្រាកាហ្វេ រួចក្រឡុកបញ្ចូលគ្នា។ មុនពេលយកល្បាយខាងលើមកលាបលើផ្ទៃមុខរបស់អ្នក អ្នកត្រូវលុបលាងមុខជាមួយទឹកស្អាត និងយកសំឡីផ្សើមទឹកក្ដៅឧណ្ហៗដើម្បីជូតស្អាតធូលី។ ក្រោយពីលាបបំពោកលើផ្ទៃមុខ អ្នកត្រូវទុករយៈពេលពី១៥ទៅ២០នាទី រួមសឹមលាងសម្អាតជាមួយទឹកក្ដៅឧណ្ហៗម្ដងទៀត ជាការស្រេច៕
វិធីកម្សាន្តជាមួយឧបករណ៍ iPod Nanoដោយ
សារតែមានការអភិវឌ្ឍផ្នែកបច្ចេកវិទ្យា
មនុស្សភាគច្រើនឈ្លក់វង្វងនឹងសម្ភារនិយម។ ប្រសិនបើយើងមានiPod
Nano នៅក្នុងដៃ វាកាន់តែផ្ដល់ភាពឡូយឆាយមួយកម្រិតទៀត។ iPod
Nano ផ្ដល់ភាពទំនើបក្នុងការគ្រប់គ្រងតន្រ្ដី
ដោយគ្រាន់តែអូសបន្ដិចដើម្បីស្ដាប់ចម្រៀង
និងបង្ហាញចំណងជើងនៃបទចម្រៀងនីមួយៗ។ iPod Nano
អាចទៅទីកន្លែងណាជាមួយអ្នកបានគ្រប់ពេលវេលាមិនថា កន្លែងការងារ
ឬក៏ហាត់ប្រាណនោះទេ។ នៅពេលដែលអ្នកពាក់វា
អ្នកអាចគ្រប់គ្រងតន្រី្តដោយគ្រាន់តែប៉ះវា
ឬក៏អូសតាមម្រាមដៃប៉ុណ្ណោះ។ ដូច្នេះ
អ្នកមិនចំាបាច់ពិបាករាវរកទេ ជាពិសេស
សម្រាប់ការធ្វើលំហាត់ប្រាណរបស់អ្នក៕ 
No comments:
Post a Comment