យោង
តាមការស្ទាបស្ទង់ថ្មីមួយរបស់អ្នកស្រាវជ្រាវជនជាតិអង់គ្លេស
បានបង្ហាញថា អ្នកដែលតុបតែងបន្ទប់គេងដោយពណ៌ស្វាយ មានជីវិតផ្លូវភេទ
រស់រវើកបំផុត។
តាមរយៈការស្ទាបស្ទង់លើមនុស្សវ័យជំទង់អង់គ្លេស ចំនួន ២០០០ នាក់ ដោយក្រុមហ៊ុនលក់ទំនិញតាមវេបសាយ Littlewood បានរកឃើញថា អ្នកដែលមានបន្ទប់គេង ឬគ្រឿងសង្ហារឹមពណ៌ស្វាយ មានការរួមភេទ ៣,៤៩ដង ក្នុងមួយសប្តាហ៍។ រីឯពណ៌ដែលធ្វើឲ្យមានអារម្មណ៍ភេទខ្សោយបំផុត គឺពណ៌ប្រផេះ ដែលជាមធ្យមតែ ១,៨ ដង ក្នុងមួយសប្តាហ៍។
បើតាមអ្នកស្រីឡូរ៉េនស៍ ឡេវលីន បូវេន (Laurence Lewelyn Bowen) ដែលជាអ្នកជំនាញរចនាផ្ទះនៃក្រុមហ៊ុន Littlewood បានប្រាប់ថា “អស់រយៈពេលជាច្រើនឆ្នាំហើយ ខ្ញុំតែងតែប្រាប់ម្ចាស់ផ្ទះថា បន្ទប់គេង បង្កើតឡើងសម្រាប់ជីវិតសិច”។
កម្រាលពូក ក្នុងបន្ទប់គេង ក៏ធ្វើឲ្យមានភាពខុសគ្នាដែរ ដោយកម្រាលពូកធ្វើពីសូត្រ ជំរុញឲ្យជាមធ្យម ៤,២៥ ដង ក្នុង១សប្តាហ៍ ខណៈដែលកម្រាលពូកធ្វើពីរោមសត្វ អាចធ្វើឲ្យសិច ថយចុះគឺជាមធ្យម ១,៨ ដង ក្នុងមួយសប្តាហ៍។ រីឯពណ៌ផ្សេងទៀត ដែលសមស្របសម្រាប់សិចក្តៅរោលរាល រួមមាន ពណ៌ក្រហម មានអារម្មណ៍រោលរាល ៣,១៨ដង ពណ៌ផ្ទៃមេឃ ៣,០៤ដង និងពណ៌ខ្មៅ ២,៩៩ដង ហើយពណ៌ដែលពុំសូវសិចស៊ី គឺពណ៌បៃតង ១,៨៩ដង និងពណ៌ត្នោត មានអារម្មណ៍ពុះកញ្ជ្រោលត្រឹមតែ ១,៩៧ដង។
តាមការស្ទាបស្ទង់ក្នុងឆ្នាំ២០១១ នៅ ២៦ប្រទេស ដោយក្រុមហ៊ុនផលិតស្រោមអនាម័យ Durex (ឌូរិកស៍) បានរកឃើញថា អាមេរិក និងអង់គ្លេស ស្ទើរតែស្ថិតក្នុងបាតតារាងនៃការរួមភេទញឹកញាប់ និងភាពពេញចិត្តនៃជីវិត ខណៈដែលប្រទេសក្រិក ប្រេស៊ីល និងរុស្ស៊ី ស្ថិតនៅលំដាប់កំពូលក្នុងការស្ទាបស្ទង់៕
No comments:
Post a Comment