យោងទៅតាមប្រភពព័ត៌មានដេលី ម៉េល ចេញផ្សាយកាលពីថ្ងៃអង្គារទី១០ មេសា ឆ្នាំ ២០១២ បានឱ្យដឹងថា ក្រុមហ៊ុន Facebook មានគម្រោងចំណាយទឹកប្រាក់១ពាន់លានដុល្លារសហរដ្ឋអាមេរិកដើម្បី ទិញកម្មវិធី Soft ware Instagram ដែលជាកម្មវិធីមួយសម្រាប់ចែករំលែករូបថត និងមានមុខងារផ្សេងៗទៀតសម្រាប់បណ្តាញសេវាកម្មសង្គមនុស្សសម័យ ថ្មី ។
លោក Mark Zuckerberg នាយកប្រតិបត្តិក្រុមហ៊ុន Facebook បាននិយាយឱ្យដឹងថា កិច្ចព្រមព្រៀងនេះទើបតែបានកើតឡើងបានប៉ុន្មានថ្ងៃកន្លងមកនេះ បន្ទាប់ពីសេវាកម្មបែបនេះបានផ្តល់ទៅឱ្យរបកគំហើញថ្មីសម្រាប់ ប្រភេទទូរស័ព្ទ Android បន្ថែមជាមួយទូរស័ព្ទម៉ាកល្បីរបស់ក្រុមហ៊ុន Apple ផងដែរ ។
លោកបានបន្តទៀតថា សារសំខាន់ក្នុងប្រព័ន្ធ Instagram គឺវាធ្វើឱ្យមនុស្សអាចចែករំលែករូបថតដ៏ស្រស់ស្អាតដែលពួកគេ បានបានថតជាមួយនឹងទូរស័ព្ទដៃរបស់ពួកគេ ។ លើសពីនេះទៀត ប្រព័ន្ធ Instagram អាចធ្វើឱ្យរូបថតរបស់លោកអ្នកដែលពណ៌ស-ខ្មៅដូចកាលពីទសវត្សទី ៧០អ៊ីចឹង និយាយរួមវាអាចជួយធ្វើឱ្យមនុស្សគ្រប់ៗគ្នាកម្សាន្តសប្បាយជាមួយ នឹងស្ទីលរូបថតគ្រប់ប្រភេទទាំងអស់ ។ ជាពិសេសជាងនេះទៅទៀតនោះការទិញយកបច្ចេកវិទ្យាទំនើបមួយនេះ វានឹងលុបបំបាត់ដៃគូប្រជែងពីព្រោះសព្វថ្ងៃនេះអ្នកប្រើ ប្រាស់ប្រព័ន្ធ Instagram មានចំនួនជាង៣០លាននាក់ដែលជាគូប្រជែងរបស់ Facebook។
គួររំលឹកថា Instagram ត្រូវបានបង្កើតឡើងដោយលោក Kevin Systrom និងMike Krieger កាលពីឆ្នាំ២០១០ បច្ចុប្បន្នមានបុគ្គលិកបម្រើការចំនួន១៤នាក់ ។ បច្ចេកវិទ្យានេះពីដំបូងប្រើប្រាស់បានតែជាមួយប្រភេទទូរស័ព្ទ ដើម iPhone iPad និង iPad Touch បន្ទាប់មកវាត្រូវបានគេយកមកប្រើប្រាស់ជាទូរស័ព្ទប្រភេទ Android ៕
No comments:
Post a Comment