សារព័ត៌មានបរទេសកាលពីថ្ងៃទី៩ មេសា ផ្សាយឱ្យដឹងថាលោក នីកូឡាស់ ប៊ើកហ្គ្រូអេន ម្ចាស់ហាងអាហារហ្វាសហ៊្វូតដ៏ល្បីឈ្មោះ«ប៊ើហ្គ័រ ឃីង» អាយុ៥០ឆ្នាំ មានទ្រព្យសម្បត្តិជាង១.៥០០លានផោន ប៉ុន្តែមានរហស្សនាមថាជា«មហាសេដ្ឋីពនេចរ» ព្រោះគ្មានលំនៅឋាន រថយន្ត និងនាឡិកាដៃ មានតែរបស់របរ និងសម្ភារមួយចំនួនជាប់តាមខ្លួនដូចគ្នានឹងមនុស្សពនេចរ ខុសគ្នាត្រង់ថាលោកមានប្រាក់ ។
លោកប៊ើកហ្គ្រូអេន ជាម្ចាស់ជំនួញ«ប៊ឺហ្គ័រ ឃីង» ដែលបានទិញក្នុងតម្លៃ៨៨១លានផោន។លោកធ្លាប់បានលក់លំនៅឋានក្នុង តំបន់ហ្វ៊ីហ្វ អាវ៉េញូវ នៅញូវយ៉ក និងកោះផ្ទាល់ខ្លួននៅខាងក្រៅឆ្នេរ ក្រុងម៉ៃអាមី កាលពី១២ឆ្នាំមុន ។
ស្ថានភាពនៃការរស់នៅរបស់លោកប៊ើកហ្គ្រូអេន ភាគច្រើន គឺធ្វើដំណើរនៅទូទាំងពិភពលោក ដើរកម្សាន្តជាមួយគូស្នេហ៍ដោយក្នុងមួយខែៗ បានស្នាក់នៅក្នុងសណ្ឋាគារទំនើប និងផ្លាស់ទៅទីក្រុងផ្សេងៗចំនួន១៤កន្លែង ។លោកប៊ើកហ្គ្រូអេន ជាមនុស្សមានប្រាក់ស្តុកស្តម្ភស្ថិតក្នុងក្រុមគ្រួសារខ្ពង់ ខ្ពស់ ដោយឪពុកជាជនជាតិអ៊ីស្រាអែល និងនៅពេលធំធាត់ក៏ចាប់ផ្តើមមិនស្តាប់ពាក្យចាស់ទុំ និងត្រូវបណ្តេញចេញពីសាលារៀន ។ ជាដំបូងលោកមិនចង់សិក្សាភាសាអង់គ្លេស ប៉ុន្តែចុងក្រោយបានចូលរៀននៅពេលផ្លាស់ទៅសហរដ្ឋអាមេរិក និងរៀនផ្នែកហិរញ្ញវត្ថុ នៅមហាវិទ្យាល័យញូវយ៉ក។
លោកបានបញ្ជាក់ប្រាប់ទីភ្នាក់ងារព័ត៌មានថា លោកេមិនត្រូវការវត្ថុដ៏មានតម្លៃណាមួយ ការគ្រប់គ្រងឬជាម្ចាស់ទ្រព្យគ្មានអ្វីគួរឱ្យចាប់អារម្មណ៍ និងជាវត្ថុដែលមិនស្ថិតស្ថិរ ប៉ុន្តែអំពើរបស់យើង ស្ថិតនៅលើរូបយើងគ្រប់ពេលវេលា និងជាវត្ថុដ៏មានតម្លៃយ៉ាងពិតប្រាកដ ។លោកប៊ើកហ្គ្រូអេន គឺជាមនុស្សម្នាក់ក្នុងចំនួន៥០ មហាសេដ្ឋីនៅលើពិភពលោក ដែលបរិច្ចាគទ្រព្យសម្បត្តិផ្ទាល់ខ្លួនជាងពាក់កណ្តាលដល់មូលនិធិ សប្បុរសធម៌ ៕
No comments:
Post a Comment