អ្នកដែលធ្លាប់មានទំនាក់ទំនងស្នេហា សុទ្ធតែដឹងថា ជម្លោះ ឬបញ្ហាតែងតែកើតមានឡើង។ ប៉ុន្តែបញ្ហាខ្លះ អាចនឹងជាបញ្ហាដែលផ្តល់ផលអាក្រក់ជាងអ្នកដទៃ ហើយអាចនឹងបង្កឱ្យមានការខូចខាតដែលមិនអាចកែប្រែបាន។ ដូច្នេះហើយ វាគឺជារឿងល្អក្នុងការលះបង់អ្វីៗគ្រប់យ៉ាង ដែលអ្នកមានទៅក្នុងទំនាក់ទំនងស្នេហានោះ មុននឹងសម្រេចចិត្តបញ្ឈប់ការព្យាយាមហើយបោះបង់
វា។ ប៉ុន្តែ ដើម្បីឱ្យទំនាក់ទំនងមួយដំណើរការបានល្អ ភាគីទាំងសងខាងត្រូវតែមានបំណងចង់ឱ្យវាកើតឡើង។ ការបង្ហាញភាគីខាងស្រីថា អ្នកមានចំណាប់អារម្មណ៍ក្នុងការដោះស្រាយបញ្ហា ប្រហែលជាផ្តល់កម្លាំងចិត្តឱ្យនាងធ្វើបែបនោះត្រលប់មកវិញដែរ។
១. ឱ្យដៃគូរបស់អ្នកអង្គុយចុះជាមួយអ្នក និងនិយាយពីបញ្ហាដែលអ្នកកំពុងតែជួបប្រទះ។ អនុញ្ញាតិឱ្យនាងនិយាយដោយបើកចំហរ និងរង់ចាំរហូតទាល់តែនាងនិយាយចប់មុន និងអ្នកនិយាយតបទៅវិញ។ ទុកពេលឱ្យនាងនិយាយរឿងគ្រប់យ៉ាងចេញក្នុងចិត្តឱ្យអស់ ហើយឱ្យនាងសួរអ្នកពីសំណួរទាក់ទងនឹងអាកប្បកិរិយារបស់អ្នកឬអ្វី ផ្សេងទៀតដែលនាងអាចនឹងមិនយល់។ ចូរអ្នកធ្វើបែបនោះដាក់នាងដូចគ្នាដោយនិយាយបើកចំហរនិងស្មោះត្រង់ បំផុត។ មិនត្រូវស្ទាក់ស្ទើរក្នុងការប្រាប់នាងនូវរឿងគ្រប់យ៉ាងដែលជា ការរំខានដល់អ្នកឬដែលមាននៅក្នុងចិត្តនោះឡើយ។ ព្យាយាមនិយាយចេញមកដោយសុភាពរាបសា ដោយបង្ហាញពីមូលហេតុនៃអារម្មណ៍ដែលអ្នកមាន។ ចំណុចសំខាន់គឺមិនមែនធ្វើឱ្យភាគីម្ខាងមិនសប្បាយចិត្តនោះទេ ប៉ុន្តែគឺដើម្បីលើកឡើងពីបញ្ហាដែលកំពុងមាន។
២. រីករាយនឹងទំនាក់ទំនងរបស់អ្នកដូចពេលដែលអ្នកទើបតែចាប់ផ្តើមធ្វើជា គូរស្នេហ៍។ ចូរចងចាំអ្វីដែលដែលធ្វើឱ្យអ្នកចាប់អារម្មណ៍នាងខ្លាំងបំផុត។ ចូរនាំនាងទៅទទួលទាននៅភោជនីយដ្ឋានដែលនាងចូលចិត្ត ឬរៀបចំគម្រោងអាហារពេលល្ងាចដ៏រ៉ូមែនទិច។ ទំនាក់ទំនងស្នេហាជាច្រើនដែលក្លាយទៅជាសោះកក្រោះដោយសារតែមិនមាន ភាពស្និទ្ធស្នាលគ្រប់គ្រាន់រវាងដៃគូទាំងពីរ។ ដកពេលវេលាខ្លះចេញពីការងារដ៏មមាញឹករបស់អ្នកដើម្បីបង្ហាញនាងពី ទំហំនៃសេចក្តីស្រឡាញ់របស់អ្នកចំពោះនាង។ ផ្ញើរសារខ្លីឱ្យនាងដើម្បីឱ្យនាងដឹងថានាងតែងតែនៅក្នុងអារម្មណ៍ របស់អ្នកជានិច្ចបើទោះបីជាអ្នកមិនអាចចំណាយពេលនៅជាមួយនាងក៏ដោយ ៕
No comments:
Post a Comment