ព្រៃ«អាអូហ្គីហ្គាហារ៉ា» ជាព្រៃស្រោងមានដើមឈើច្រើនគឺជាទីតាំងដែលជនជាតិជប៉ុនភាគច្រើន ជ្រើសរើសយកធ្វើជាកន្លែងសម្រាប់បញ្ចប់ជីវិតរបស់ខ្លួន ស្ថិតនៅជើងភ្នំភ្លើង«ហ្វូជី» ប្រទេសជប៉ុន ។
ជារៀងរាល់ឆ្នាំអាជ្ញាធរជប៉ុនប្រទះឃើញសព យ៉ាងតិច១០០នាក់ ខ្លះចងភ្ជាប់នឹងដើមឈើខណៈពេលសាកសពជាច្រើនទៀតដេកស្លាប់អស់រយៈ ពេលជាច្រើនឆ្នាំ។ ហេតុផលដែលមនុស្សជាច្រើនយកព្រៃអាអូហ្គីហ្គាហារ៉ា ធ្វើជាទីតាំងអត្តឃាតនៅតែជារឿងអាថ៌កំបាំង ទោះបីជាមានមនុស្សជាច្រើនសន្និដ្ឋានថា អ្នកដែលជ្រើសរើសយកព្រៃនោះធ្វើជាទីតាំងសម្រាប់ស្លាប់ អាចជាកម្លាំងទាក់ទាញទឹកចិត្តពីរឿងព្រេងមួយដែលប្រើតំបន់ព្រៃ ខាងលើធ្វើជាឈុតឆាក ។
លោកអាស៊ូសា ហាយ៉ាណូ អ្នកស្រាវជ្រាវនិងថែរក្សាតំបន់ព្រៃអាអូហ្គីហ្គាហារ៉ា អស់រយៈពេលជាង៣០ឆ្នាំបង្ហើបឱ្យដឹងថា សូម្បីតែរូបលោកក៏មិនយល់ថា តើចរន្តនៃការពេញនិយមនេះចេញមកពីប្រភពណា ? តួនាទីជាប្រចាំរបស់លោកមួយទៀតគឺស្វែងរកមនុស្សដែលធ្វើអត្តឃាតនៅក្នុង ព្រៃ ឬចូលទៅហាមឃាត់ ។ ក្នុងអំឡុងពេលប្រហែល២០ឆ្នាំកន្លងមក លោកបានប្រទះឃើញសពតិចជាង១០០នាក់ ។លោកអាស៊ូសា ហាយ៉ាណូ ជាអ្នកធរណីវិទ្យាបានដឹកនាំក្រុមការងារចងក្រងឯកសារមកពី«Vice World» ចូលទៅទីតាំងដែលមានឈ្មោះថា «ជូហ្គាយ» ដើម្បីចែករំលែកបទពិសោធន៍ដែលខ្លួនធ្លាប់ជួបប្រទះកន្លងមក ។
លោកបានបង្ហាញដល់ក្រុមការងារមើលស្លាក ស្នាមមួយចំនួននៅលើដើមឈើដែលបង្ហាញឱ្យឃើញពីសភាពផ្លូវចិត្ត របស់អ្នកកំពុងត្រៀមធ្វើអត្តឃាត ឬអ្នកខ្លះទៀតបានប្តូរចិត្តចង់រស់នៅបន្ត ។ ការរៀបចំជាឯកសារខាងលើក៏បានបង្ហាញរូបភាពគួរឱ្យតក់ស្លុត ក្នុងព្រៃមរណៈមានដូចជារូបរាងដែលគ្មានវិញ្ញាណព្យួរនៅលើដើម ឈើ រួមទាំងទ្រព្យសម្បត្តិរបស់អ្នកស្លាប់ និងស្លាកស្នាមនៃស្ថានភាពសោកស្តាយឬរារែកនៅមុនពេលពួកគេ សម្រេចចិត្តបញ្ចប់ជីវិត ។
គួរបញ្ជាក់ថា ក្នុងព្រៃមរណៈខាងលើក៏មានស្លាកសញ្ញាដាស់តឿនសតិបិទនៅតាម ផ្លូវទស្សនាធម្មជាតិជាមួយនឹងតំបន់ហាមចូល ដើម្បីឱ្យមនុស្សដែលគិតចង់សម្លាប់ខ្លួនត្រិះរិះពិចារណាជាថ្មី ព្រោះនៅពេលឈានចេញពីចំណុចនេះ មនុស្សជាច្រើនគ្មានថ្ងៃនឹងវិលត្រឡប់វិញឡើយ ៕
No comments:
Post a Comment