ជីវប្រវត្តិ ដែលភាសាអង់គ្លេសហៅថា Curriculum vitae (CV) ឬហៅម្យ៉ាងទៀតថា résumé ត្រូវបានគេប្រើសម្រាប់រៀបរាប់សង្ខេបពីជីវប្រវត្តិផ្ទាល់ខ្លួន ការអប់រំ ការងារ ឬភាពជោគជ័យនៃចំណេះវិជ្ជា។ តើអ្នកគួរសរសេវាដោយចាប់ផ្តើមពីចំណុចណាមុន?
១. ប្រមូលផ្តុំព័ត៌មានរបស់អ្នក៖ កម្រិតនៃការសិក្សា សញ្ញាប័ត្រ អត្ថបទដែលបានចេញផ្សាយ សៀវភៅនិងអត្ថបទដែលបានសរសេ ជំនាញដែលមាន មុខវិជ្ជាដែលបានបង្រៀន និងរង្វាន់ដែលទទួលបាន។
២. សម្រេចចិត្តទៅលើរចនាបទ៖ វាត្រូវមានរបៀបទ្រង់ទ្រាយជាក់លាក់ទៅលើគ្រប់កម្មវត្ថុ។
៣. បញ្ជាក់ពីកម្មវត្ថុរបស់អ្នក៖ តើអ្នកស្វែងរកការងារ? ឬការទទួលពាក្យចូលរៀនថ្នាក់អនុបណ្ឌិត?
៤. ពិនិត្យមើលគំរូជីវប្រវតិ្តនៅក្នុងសៀវភៅនិងទស្សនាវដ្តីនិងតាមគេហទំព័រដែលបង្ហាញពីការងារនិងកម្មវិធីសិក្សា។
៥. ប្រសិនបើអ្នកកំពុងស្វែងរកការងារធ្វើ ចូរកត់ត្រានូវមុខវិជ្ជាដែលអ្នកបានបង្រៀន (មុខវិជ្ជាដែលបង្រៀនក្រោយគេត្រូវសរសេរមុនគេ) រួមមានវិទ្យាស្ថាន ផ្នែក និងមុខវិជ្ជាដែលបានបង្រៀន។ អ្នកក៏គួរបញ្ជាក់ពីឋានៈ ដូចជាប្រធានផ្នែក អ្នកណែនាំ ឬសមាជិកក្រុម ។ល។
៦. ប្រសិនបើអ្នកគឺជាសិស្ស ចូរកត់ត្រាសញ្ញាប័ត្រ, ពិន្ទុ GPA, បទពិសោធន៍ និងការអប់រំមុន។
៧. បន្ថែមប្រធានបទសារណា និងចំណូលចិត្តជាព័ត៌មានលម្អិត។ ឯកសារទាំងនេះនឹងត្រូវប្រើជាការស្ទង់ពីបទពិសោធន៍ ភាពដែលអាចធ្វើការបាន និងចំណូលចិត្ត។
៨. ឱ្យមិត្តភក្តិឬមិត្តរួមការងារជួយមើល កែ និងពិនិត្យឯកសាររបស់អ្នកឡើងវិញ ដើម្បីធ្វើការកែសម្រួល។
៩. ចូរចងចាំក្នុងការបន្ថែមនូវអត្តចរិតរបស់អ្នកបន្តិចក្នុងជីវ ប្រវត្តិ តាមរយៈការប្រើប្រាស់ពាក្យពេចន៍ និងរចនាបទផ្ទាល់ខ្លួន។
១០. កែប្រែជីវប្រវត្តិរបស់អ្នករាល់ពេលដែលមានអ្វីផ្លាស់ប្តូរ៖ ការទទួលបានសញ្ញាប័ត្រថ្នាក់បណ្ឌិត ឬការទទួលបានស្នាដៃអ្វីផ្សេងៗ៕
No comments:
Post a Comment