ប្រសិនបើបុរសគ្រាន់តែដឹងថា តើវាងាយស្រួលកម្រិតណាក្នុងការធ្វើឱ្យយើងស្រឡាញ់ យើងនឹងមិនមានល្បិចកលដូចដែលមនុស្សច្រើនខ្លាចនោះទេ។ យើងត្រូវការអារម្មណ៍ដែលត្រូវបានគេពេញចិត្ត និងលើសអ្វីៗផ្សេងទៀតនោះគឺ បំណងប្រាថ្នា។ ចូរអានបន្តដើម្បីយល់ឱ្យបានកាន់តែច្បាស់។
១. ការសរសើរ៖ អរគុណនាងនូវអ្វី ដែលនាងបានធ្វើសម្រាប់អ្នក មិនថាវាគឺជារឿងតូចប៉ុណ្ណានោះទេ។ នៅពេលដែលស្ត្រីយកចិត្តទុកដាក់នឹងអ្នក អ្នកត្រូវអរគុណនាង។ អ្នកអាចអរគុណដោយប្រើពាក្យសម្តី ការឱប និងថើប ឬការមិចភ្នែកដាក់នាង។ មិនថាវិធីសាស្ត្ររបស់អ្នកជាអ្វីនោះទេ អ្នកត្រូវធ្វើឱ្យនាងដឹងថាអ្នកសរសើរនិងពេញចិត្តនាង។ អ្នកកាន់តែសរសើរនាង នាងកាន់តែចង់ធ្វើអ្វីៗសម្រាប់អ្នក។
២. ភាពពិសេស៖ ស្ត្រីត្រូវការអារម្មណ៍ពិសេសពីដៃគូរបស់នាង។ វាគឺជារឿងសំខាន់ក្នុងទំនាក់ទំនងដែលអ្នកត្រូវដឹងថា ស្ត្រីមិនចង់មានអារម្មណ៍ថានាងគ្រាន់តែរាង្គកាយមួយនោះទេ។ បុរសត្រូវធ្វើឱ្យស្ត្រីដឹងថា នាងគឺជារង្វាន់ ហើយគេមានសំណាងណាស់ដែលមាននាង។ គេត្រូវស្វែងរកវិធីដើម្បីបង្ហាញនាងនិងប្រាប់នាងដោយប្រើ ពាក្យសម្តីថានាងមានសារសំខាន់ចំពោះគេប៉ុណ្ណា។
៣. ស្តាប់៖ ស្ត្រីចង់ឱ្យមនុស្សប្រុសឱ្យស្តាប់ខ្លួននិយាយ។ ពេលខ្លះបុរសខ្លាចនៅពេលដែលមនុស្សស្រីនិយាយ។ ប៉ុន្តែជាទូទៅនៅពេលដែលស្ត្រីនិយាយច្រើន មានន័យថានាងសប្បាយចិត្ត។ ប្រសិនបើបុរសដឹងពីបញ្ហានេះ ពួកគេនឹងមិនថាអីនោះទេនៅពេលដែលស្ត្រីនិយាយពីអ្វីដែលនាងបានធ្វើ ខ្លះក្នុងមួយថ្ងៃ ឬអារម្មណ៍របស់នាងចំពោះរបស់ផ្សេងៗ។ នៅពេលដែលស្ត្រីស្តាប់នូវអ្វីដែលភាគីខាងស្រីនិយាយ ហើយហាក់ដូចជាចាប់អារម្មណ៍ នោះស្ត្រីនឹងកាន់តែជិតស្និទ្ធនឹងគេ ព្រោះនាងមានអារម្មណ៍ថានាងមានអ្នកថែទាំយកចិត្តទុកដាក់យ៉ាង ពិតប្រាកដ។
៤. សេចក្តីស្រឡាញ់ និងភាពទន់ភ្លន់៖ ញញឹមដាក់ភាគីភរិយារបស់អ្នកនៅពេលដែលនាងដើរចូលក្នុងបន្ទប់។ និយាយពាក្យអរុណសួស្តី និងតែងតែថើបនាងមុនពេលគេង។ ប៉ះនាងឱ្យញឹកញាប់ បើទោះបីជាការប៉ះនោះមិនមែនបង្ហាញពីអ្វីដែលទាក់ទងនឹងការរួមភេទ ក៏ដោយ។ នៅពេលដែលបុរសប៉ះស្ត្រីយ៉ាងទន់ភ្លន់ គេកំពុងបង្ហាញពីសេចក្តីស្រឡាញ់ ហើយវាធ្វើឱ្យស្ត្រីមានអារម្មណ៍ថាមានសុវត្ថិភាពនិងមានតម្លៃ។
៥. ក្តីស្រម៉ៃនិងការគាំទ្រ៖ ពិភាក្សាពីក្តីសង្ឃឹមទៅថ្ងៃអនាគតរបស់អ្នក និងនិយាយពីក្តីស្រម៉ៃរបស់អ្នក។ គាំទ្រនាងនៅពេលដែលនាងស្វែងរកចំណាប់អារម្មណ៍របស់នាង ហើយនាងនឹងគាំទ្រអ្នកវិញ។
៦. លេង៖ មិនត្រូវបញ្ឈប់ការលេង ដោយសារតែអ្នកជាមនុស្សធំពេញវ័យនោះទេ។ ការលេងអុក លេងបៀរសន្លឹក និងគ្រាន់តែការដេញចាប់នាងជុំវិញផ្ទះក៏អាចជាភាពរីករាយបំផុត សម្រាប់អ្នកទាំងពីរដែរ៕
No comments:
Post a Comment