វិធីផាត់មុខ ចូលរួមពិធីផ្សេងៗ

 ស្រ្តីភាគច្រើន នៅពេលត្រូវទៅចូលរួមពិធីផ្សេងៗដូចជា ពិធីជប់ លៀងមង្គលការរមមែងត្រូវតុបតែងផាត់មុខអោយស្រស់ស្អាត ប៉ុន្តែអ្នក ខ្លះមានបញ្ហាត្រង់មិនដឹងថា ត្រូវផាត់មុខបែបណាទើបស្អាត
សមរម្យ ។
  ពេលនេះ អ្នកស្រីពេជ្រ ពិសី ម្ចាស់ហាងសម្អាងការពិសីពេជ្រ សូមណែនាំជូនពីវិធី ផាត់មុខដូចខានក្រោម ... ។
  ចាប់ផ្តើមដោយការសម្អាតស្បែកមុខ បាញ់ទឹករ៉ែធម្មជាតិ ដើម្បីអោយស្បែកមុខមាន ជាតិសើមបន្ទាប់មកទើបប្រើក្រែមបង្រ្កាបស្បែកមុខ ដើម្បីធ្វើអោយផ្ទៃមុខមានពណ៌
ស្មើគ្នា ។
  ប្រើម្សៅស្អិត (ម្សៅទ្រនាប់) ដោយជ្រើសរើសពណ៌អោយសមនឹងស្បែកមុខ រួចលាបលើផ្ទៃមុខចំនួន ៥ចំណុច គឺថ្ងាស ច្រមុះ ចង្កា ថ្ពាល់សងខាងនិងត្របកភ្នែក ។ ហៃឡាយថ៍ (High Light) នៅក្រោមត្របកភែ្នក ការពារមិនអោយឃើញភ្នែកខ្មៅ ។ បើសិនជាមុខអ្នកគួរជ្រើសរើសប្រើ Concealer (ក្រែមបំបាត់ស្នាម) ជំនួសវិញបន្ទាប់មក ផាត់ថ្ពាល់អោយស្រស់ថ្លា ដោយពណ៌ផ្កាឈូកខ្ចីបែបធម្មជាតិ ។
  យកម្សៅផាត់មកផាត់លើផ្ទៃមុខរបស់អ្នកអោយសព្វ រួចទើបយកជក់មកបោសអោយ ពេញផ្ទៃមុខការពារមិនអោយមានកម្ទេចម្សៅ ។
  គូសចិញ្ចើមអោយស្អាតបែបធម្មជាតិ ដោយខ្មៅដៃពណ៌ត្នោត គូសមិនអោយចុង ចិញ្ចើមធ្លាក់ពេករួចលាបត្របកភ្នែកដោយប្រើពណ៌ដំបូង គឺត្រួយចេក បន្ទាប់មក គឺ ពណ៌ស្លែក្រម៉ៅត្រង់កន្ទុយភ្នែករួចទើបគូសរង្វង់ភ្នែកក្រោមពណ៌ស្លែក្រម៉ៅ ដើម្បីអោយ ឃើញភ្នែកកាន់តែមូលស្អាត ។ បន្ទាប់មក ប្រើម៉ាស្ការ៉ា (Mascara) ជាការស្រេច ។
  រង្វង់មាត់ស្រស់ស្អាតបែបធម្មជាតិ ដោយប្រើក្រែមលាបមាត់ពណ៌ខ្ចីៗ ដើម្បីអោយ ឃើញមាត់បែបមនុស្សមានសុខភាពល្អ និងបែបនារីទាន់សម័យ ៕