តើអ្នកមិនចង់រង់ចាំដើម្បីស្វែងយល់ថាតើការ ថើបជាលើកដំបូងរបស់អ្នកនឹងមានលក្ខណៈបែបណាដែរឬទេ?យើងនឹង ទម្លាយរឿងនេះអោយអ្នកភ្ញាក់ផ្អើល។
ការថើបអាចផ្តល់អារម្មណ៍ថាអស្ចារ្យ, ប៉ុន្តែវាគ្មានពាក់ព័ន្ធទៅនឹងអ្វីមួយដែលអស្ចារ្យហួសហេតុ ឬអ្វីផ្សេងនោះទេ។ អ្នកនៅតែនិយាយអំពីបបូរមាត់, អណ្តាត និងទឹកមាត់របស់អ្នកដទៃ។ និយាយបែបនេះមិនមែនចង់ធ្វើអោយអ្នកខ្ពើមនិងខកចិត្តនោះទេ។
ទាំងនេះគឺជាចំនុចទាំង៥ដែលអ្នកអាចរំពឹងពីការថើបលើកដំបូងរបស់អ្នក
១. វាលក្ខណៈហាក់ដូចជាឆ្គាំឆ្គងបន្តិច
គ្មាននរណាម្នាក់មានការល្អឥតខ្ចោះទៅនឹងការថើបលើកដំបូងរបស់ពួក គេនោះទេនៅពេលពួកគេសាកល្បងនោះ។ យ៉ាងណាមិញ, កុំបារម្ភ។ ដៃគូរបស់អ្នកនឹងមានអារម្មណ៍ភិតភ័យក៏ដូចគ្នាដែរ ទោះបីជានេះមិនមែនជាការថើបលើកទីមួយរបស់ពួកគេក៏ដោយ។ ប្រសិនបើពួកគេជាដៃគូរស្រលាញ់គ្នាទៅវិញទៅមក, អ្វីដែលកើតឡើងអំឡុងពេលថើបនោះមិនមែនជាបញ្ហានោះទេ។ អ្នកទាំងពីរនឹងចែករំលែកនូវការថើបនោះច្រើនជាងនេះនៅពេលអនាគត។
២. វានឹងសើមជាងអ្វីដែលអ្នកបានគិត
ការមានអារម្មណ៍ថាថើបដែលអាចអោយមានសំណើម និងត្រជាក់អាចនឹងចាប់ចំនុចខ្សោយរបស់អ្នកក្នុងដំណាក់កាលដំបូង។វា នឹងធ្វើអោយអ្នកស្រើបស្រាជាខ្លាំង។
៣. អ្នកនឹងមិនត្រូវការប្រើប្រាស់អណ្តាតច្រើនដូចអ្វីដែលអ្នកបានគិតនោះទេ
បបូរមាត់អាចធ្វើបានសកម្មភាពយ៉ាងច្រើនដោយខ្លួនវា។ ជាការពិតណាស់ ក្នុងប្រភេទផ្សេងៗគ្នានៃការថើប, ការថើបខ្លះដែលត្រូវបានគេចាត់ទុកថាល្អបំផុតនោះ គឺមិនប្រើប្រាស់អណ្តាតទាល់តែសោះ។ អ្នកទាំងពីរនឹងបានល្អប្រសើរពីការសាកល្បងប្រភេទនៃការថើប ទាំងនោះមុន បេលដែលធ្វើការថើបដែលឈានដល់ការប្រើអណ្តាតរបស់អ្នកដែលនោះនឹង ជាបទពិសោធន៍ញាក់សាច់ថ្មីមួយទៀតសម្រាប់អ្នក។
៤. វានឹងប្រើរយៈពេលខ្លីជាងអ្វីដែលអ្នកបានគិត
ការថើបនឹងមិនបន្តហើយបន្តទៀតដូចទៅនឹងភាពយន្តនោះទេ។ ក្នុងកាលៈទេសៈជាក់ស្តែង, អ្នកត្រូវការដកដង្ហើម។ ការថើមមិនមែនជាការប្រណាំងចម្ងាយឡើយ។ គ្មានអ្វីដែលខុសចំពោះការថើបលើកដំបូងដែលប្រើរយៈពេលខ្លីតែ ផ្អែមល្ហែមនិងធ្វើអោយមានការចងចាំចង់ថើបទៀតនោះទេ។
៥. អ្នកនឹងខ្លាចអំពីអ្វីដែលអ្នកធ្វើ ប៉ុន្តែអ្នកមិនត្រូវខ្លាចទេ
ប្រសិនបើគំនិតអវិជ្ជមានបានចូលមកក្នុងខួរក្បាលរបស់អ្នក, ព្យាយាមលុបបំបាត់វាចោលភ្លាម។ ការថើមមិនមែនជាកិច្ចការនៅសាលានោះទេ, ដូចនេះសូមកុំគិតវាច្រើនពេក។ ការថើបល្អបំផុតគឺចេញពីចិត្ត និងមិនមែនចេញមកពីខួរក្បាលនោះទេ៕
No comments:
Post a Comment