អង្គរក្ស ៦ របស់ភ្នែក!

មនុស្សលោក​ឲ្យតម្លៃ​ដ៏ខ្ពស់​ ចំពោះកែវ​ភ្នែក ជាអារ៍ៈ ស្រឡាញ់ស្មើកែវភ្នែក ឬ កែវភ្នែក​ជាច្រក​ទ្វារ​នៃបេះដូង... ហេតុនេះ កត្តា១ក្នុងចំណោម​កត្តាសំខាន់ៗបំផុត សំរាប់មាន​សុខភាព​ល្អ គឺ​ការបរិភោគ​ផ្តល់នូវ​សារធាតុ​ដែលភ្នែក​ត្រូវការ ។
ជាបឋម​ គួររំលឹកថា ការអង្គុយ​ពីមុខ​អេក្រង់ទូរទស្សន៍ កុំព្យូទ័រ​យូរ គឺជាសត្រូវ​ដ៏សំខាន់​មួយ ចំពោះ​ភ្នែក ។ ម្យ៉ាងទៀតនោះ ចាំបាច់​ត្រូវយល់ថា ការបរិភោគ​មិនសមស្រប​ ក៏នាំមកនូវ​ជំងឺ​មិនតិចទេ ចំពោះភ្នែក ។

ហេតុនេះ គួរតែស្វែងរក​ និង​បរិភោគ​នូវអ្វីៗ​ ក្នុងនោះ​មាន​សារធាតុ​មានប្រយោជន៍​ សំរាប់​សុខភាព​ភ្នែក ជាអារ៍ៈ 
១- Luterne:


សារធាតុ ​ចម្រុះនេះ វា​មានប្រសិទ្ធិភាព​ការពារ​ភ្នែក​ ចំពោះ​កាំរស្មី UVA និង UVB ។ Luteine ក៏ជា “អំបោស” កម្ចាត់​បណ្តា​សមាសធាតុ​សេរី ហេតុនេះ វាជួយ​ការពារ​ស្រោម​កែវភ្នែក​ និង​កោសិកាទទួលអារម្មណ៍​របស់ភ្នែក ។ការសិក្សា ​របស់អ្នកវិទ្យាសាស្រ្ត​អាមេរិក នៅមហាវិទ្យាល័យ​ Harvard ជាក់ស្តែង​បានបញ្ជាក់ថា ការបំពេញឲ្យរាងកាយ​ 6 mg luteine តាមរយៈ​អាហារប្រចាំថ្ងៃ​ និង​កាត់បន្ថយ​អត្រា​របួសចំណុច​លឿង​ ប្រមាណ ៤៣% ។ សរីរាង្គ ​មនុស្ស​ ពុំមានលទ្ធភាព​បង្កើត​ Luteine ទេ ហេតុនេះ​ វាចាំបាច់​ត្រូវ​ទាញ​យក​ពីចំណី​អាហារ​ (មានក្នុងពោត Spina និងផ្នែកក្រហមនៃស៊ុត)​ ។

២- Vitamin A

សារៈសំខាន់​របស់វីតាមីន A ចំពោះ​សមត្ថកិច្ច​ចក្ខុវិញ្ញាណផ្តើមពីៈ

- Provitamin A ក្នុងស្នែងភ្នែក ដើរតួនាទី​ជាផ្នែកមួយ​នៃឋាមពល​កំណត់ពណ៌សម្បុរ​ ស្រូបទាញ​ពន្លឺព្រះអាទិត្យ ។

- ចូលរួម​ក្នុងដំណើរការ​ចម្រាញ់​ rodopsyne ដែលស្រូបទាញ​ពន្លឺ​កម្តៅថ្ងៃ ។

មាន​មនុស្សតិចណាស់​ដែលដឹងថា កង្វះវីតាមីននេះ ជាមូលហេតុ​បណ្តាល​ឲ្យ “ស្ងួតភ្នែក” ។Vitamin A មានស្រាប់ក្នុង​ស៊ុតមាន់ ត្រីសមុទ្រ ផ្លែប៊ឺ រីឯសារធាតុសំរាប់បំផ្លែងឲ្យទៅជា Vitamin A មានក្នុង​ ការ៉ុត ម្ទេសស្រស់ ប៉េងប៉ោះ ជម្ពូរ ត្រឡាច ស្វាយ.... ។

Vitamin A កាពារកូនក្រមុំភ្នែក​ ចំពោះឥទ្ធិពល​នៃសមាសធាតុ​សេរី

៣- Vitamin C និង E

Vitamin ទាំងនេះ ជួយការពារ​កូនក្រមុំ​ភ្នែក​ ជៀសផុតពីឥទ្ធិពល​នៃសមាធាតុ​សេរី ហេតុនេះ វាជួយ​ទប់ស្កាត់​ការរលាក​ ឆ្លងមេរោគ និងភាព​ចំណាស់នៃ​កោសិកាភ្នែក ។ ក្រៅពីនោះ វានៅបាន​ពង្រីក​ឥទ្ធិពល​ពង្រឹង​សំបក​ក្រៅ​នៃសសៃឈាម ផ្គត់ផ្គង់​អុកស៊ីហ្សែន​ដល់ភ្នែក ។ ទប់ស្កាត់​ការ​បែកសសៃឈាមតូចឆ្មារ ។ការសិក្សាវិទ្យាសាស្រ្ត ក៏បាន​បញ្ជាក់​ពីទល្ហីករណ៍ថា ការប្រើប្រាស់​ Vitamin C និង E កំរិតខ្ពស់​ អាចជួយ​ទប់ស្កាត់​បង្ការ និងពន្យឺត​ចំពោះ​ការវិវត្តន៍​នៃជំងឺ​ខ្វាក់មាន់ ក៏ដូចជា​ការចុះទ្រុឌទ្រោម​ នៃចំណុចលឿង ។Vitamin C មាន​ស្រាប់ក្នុងបន្លែ​ ពិសេស​ពពួក​ពណ៌បៃតង ផ្លែ​ឈើស្រស់ ផ្ទុយទៅវិញ​ Vitamin E មានស្រាប់ក្នុង​ប្រេងធញ្ញជាតិ សណ្តែកដី ស៊ុតមាន់ ទឹកដោះគោ ។ល។

៤- ពពួក Vitamin ក្រុម B

តួនាទី ​សំខាន់របស់ពួក Vitamin ក្រុម B នៅលើសមត្ថកិច្ច​របស់​ចក្ខុវិញ្ញាណ​ ផ្តើមចេញ​ពីភាពប្រាកដ​ប្រជា១ គឺៈ វាជួយ​ដល់​សមត្ថកិច្ច​របស់សសៃប្រសាទ​ចក្ខុវិញ្ញាណ ។ លទ្ធផល​សិក្សាវិទ្យាសាស្រ្ត​ ចុះផ្សាយ​លើទស្សនាវដ្តី​ថ្មី Archives of International Medecine អះអាងថា ពួក​វីតាមីន​ B6 និង B12 រួមជាមួយ​ Axit Folic អាចកាត់បន្ថយ​ដល់ទៅ​អត្រា ៣៤% ចំពោះ​គ្រោះថ្នាក់​នៃ​ការខូច​ចំណុចលឿង ទាក់ទង​ដល់វ័យ​របស់​ស្រ្តី ។គួរចងចាំដែរ សារធាតុ​ Choline នេះឯង​ (មាន​ក្នុងស៊ុតមាន់ អង្ករ សាច់គ្មានខ្លាញ់ ស្រូវសាលី សណ្តែកសៀង...) ជាសមសភាពមិនអាច​ខ្វះបាន ដើម្បី​ផលិត​ accetocholine (សារធាតុ​ចម្រុះ​ ចាំបាច់​ ដើម្បីរក្សាសំណើម​សមស្រប​សំរាប់ភ្នែក ។

សង្កសីការពារ​ភ្នែកពីឥទ្ធិពល​អាក្រក់​នៃបរិស្ថាន​រស់នៅ​

៥- សង្កសីៈ

វាគឺជាសារធាតុ ​រ៉េមួយ ជួយការពារភ្នែក​​ឲ្យជៀសផុតពី​ជាតិ​ពិសពុល​នៃបរិស្ថាន​ វាមានច្រើន​បំផុត​ ក្នុងស្រោមកែវភ្នែក ហើយកង្វះវា នាំឲ្យមីញ៉ូបភ្នែក ។ គ្រឿងសមុទ្រ សាច់​សត្វពាហនៈ ទឹកដោះគោ ស៊ុតមាន់ ផ្តល់ឲ្យនូវសង្កសីធម្មជាតិ ។

៦- សារធាតុខ្លាញ់ល្អៈ

សំខាន់បំផុត ​នោះ គឺ​អាស៊ីដខ្លាញ់ Omega-3 ជួយដល់​ការទប់ស្កាត់​ជំងឺរលាក ។ ក្រៅ​ពីនោះ អ្នកវិទ្យាសាស្រ្ត​អាមេរិក ក៏រកឃើញថា ការបង្កើន​សារធាតុ​ Omega-3 ជួយ​សម្រួល​ដល់លំហូរឈាម​ផ្តល់ឲ្យភ្នែក ។វាមាន​ក្នុង ត្រី ប្រេងអូលីវ ប្រេងគ្រាប់ធញ្ញជាតិ... ៕