អ្នក មានអារម្មណ៍ថាមិនស្រួលនៅក្នុងពោះ អ្នកដឹងថាមានអ្វីមិនស្រួល តែមិនអាចកំណត់ថាមានបញ្ហានៅត្រង់ណា។ ដូចគ្នាដែរនឹងមនោសញ្ចេតនារវាងអ្នក និងដៃគូ។ អ្នកមានអារម្មណ៍ថាគេហាក់ដូចជាឃ្លាតឆ្ងាយ តែងតែត្រលប់មកវិញយឺត ឬចេញទៅក្រៅដោយគ្មានមូលហេតុជាដើម ហើយរាល់ពេលដែលលើករឿងនេះឡើងមក គេតែងតែបដិសេធជានិច្ច។ ហេតុនេះហើយយើងនឹងបង្ហាញនូវ៧ចំនុច ដែលអ្នកអាចយកទៅសង្កេតមើលបាន ៖១. “ បងស្រលាញ់អូន តែបងមិនលង់ស្រលាញ់អូនទេ “
នៅពេលដែលអ្នកលឺឃ្លានេះ ដូច្នេះអ្នកគួរតែប្រយ័ត្នឲ្យមែនទែនទៅ។ នេះជាសញ្ជាមិនស្រួលឡើយ។
២. “ពួកយើងគ្រាន់តែជាមិត្តភក្តិ “
ឃ្លានេះ ក៏ជាសញ្ញាណ ដែលអាចនឹងបង្ហាញឡើងដោយដៃគូក្បត់ចិត្តរបស់អ្នកដែរ។ បើសិនជាដែគូរបស់អ្នកតែងតែចំណាយពេលយ៉ាងច្រើនជាមួយនឹងមិត្ត ថ្មីម្នាក់នោះ នេះវាកាន់តែបង្ហាញច្បាស់ទៀតហើយថាទំនាក់ទំនងរបស់ពួកគេមិនមែន ត្រឹមតែជាមិត្តភាពឡើយ។
៣. ស្រាប់តែចង់បានភាពផ្ទាល់ខ្លួន
បើសិនជាអ្នកទាំង២តែងតែបើកចំហដាក់គ្នាតាំងពីដើមរហូតមក តែភ្លាមៗភាពផ្ទាល់ខ្លួនស្រាប់តែលេចចេញឡើង ដូចជាការដាក់ពាក្យសំងាត់លើកុំព្យូរទ័រ ទូរស័ព្ទដែ ឬវិក័យ្យប័ត្រនៃការចំណាយជាដើមនោះ។ សកម្មភាពទាំងនេះ សុទ្ធតែបានបញ្ជាក់ថាដែគូរបស់អ្នកមានអ្វីលាក់បាំងនឹងអ្នកហើយ។
៤. “ បងត្រូវការកន្លែងសំរាប់ផ្តុំអារម្មណ៍ “
ស្រ្តី ឬបុរសដែលកំពុងតែមានទំនាក់ទំនងជាមួយនឹងអ្នកដទៃផ្សេងទៀត តែស្នើរសុំឲ្យមានកន្លែងផ្ទាល់ខ្លួន និងពេលវេលាផ្ទាល់ខ្លួន។ ពួកគេអាចនិយាយថានេះ គឺដោយសារតែអារម្មណ៍ស្មុគ្មស្មាញ និងតប់ប្រមល់របស់ពួកគេ ប៉ុន្តែនេះជាសញ្ញាប្រាប់ថាគេមានអ្នកផ្សេង ហើយកំពុងព្យាយាមស្វែងរកសេរីភាពរបស់គេ។
៥. ទំលាប់ធ្វើការជាប្រចាំរបស់គេមានការផ្លាស់ប្តូរ
ធ្វើការយឺតម៉ោង ទៅធ្វើការខុសម៉ោងដែលធ្លាប់ទៅ ឬយកចិត្តទុកដាក់ហួសហេតុលើការធម្មតា ដែលសឹងមិនជាប់ពាក់ព័ន្ធនឹងការងារផង។ នេះហើយ ជាសញ្ញាបញ្ជាក់ថា គេកំពុងក្បត់អ្នកហើយ។
៦. ចំណាយពេលច្រើនហួសហេតុជាមួយនឹងកុំព្យូទ័រ
សំរាប់ពិភពលោកក្នុងពេលបច្ចុប្បន្ន ជាមួយនឹងបច្ចេកវិទ្យាដ៏ទំនើប ដើម្បីក្បត់អ្នក ដៃគូរបស់អ្នកមិនចាំបាច់ទៅខាងក្រៅផងទេ ពីព្រោះប្រព័ន្ធអ៊ីនធើណែត អាចឲ្យគេធ្វើការទំនាក់ទំនងជាមួយអ្នកថ្មីបានយ៉ាងងាយស្រួល។
៧. ការហៅទូរស័ព្ទអាថ៌កំបាំង និងចំនាយពេលយ៉ាងច្រើនជាមួយនឹងទូរស័ព្ទ
ការក្បត់ចិត្ត អាចចាប់ផ្តើមដំបូងបំផុតតាមរយៈទូរស័ព្ទ ពិសេសគឺទូរស័ព្ទដៃ។ បើសិនជាដៃគូរបស់អ្នកបិទទូរស័ព្ទនៅពេលដែលចូលទៅដល់ ឬលុបប្រវត្តិនៃការហៅទូរស័ព្ទរបស់គេនោះ វាជាសញ្ញាបញ្ជាក់ពីការមិនស្មោះត្រង់របស់គេហើយ។
No comments:
Post a Comment