នៅពេល ដែលអ្នកបានផ្លាស់ប្តូរពាក្យស្បថស្បែរ អ្នកបានសន្យារនឹងដៃគូរបស់អ្នកថា អ្នកនឹងនៅជាមួយគេ “រហូតដល់ថ្ងៃស្លាប់”។ ដូច្នេះ តើមានអ្វីកើតឡើងដែលធ្វើឱ្យអ្នកឈានទៅដល់ចំណុចមួយដែលអ្នកគិតពី ការលែងលះ? ប្រសិនបើអ្នកចងចាំនូវអ្វីដែលធ្វើឱ្យអ្នកធ្លាក់ចូលទៅក្នុងមន្ត ស្នេហ៍កាលពីគ្រាដំបូង អ្នកអាចសិក្សាពីវិធីសាស្ត្រដើម្បីសង្គ្រោះជីវិតអាពាហ៍ពិពាហ៍របស់ អ្នកដោយការអនុវត្តតាមការណែនាំសាមញ្ញខាងក្រោមនេះ៖
១. រៀបចំពេលវេលាខ្លះនៅជាមួយគ្នា៖ បិទទូរស័ព្ទ ទូរទស្សន៍ និងការកម្មវិធីជជែកកំសាន្តជាមួយ
មិត្តភក្តិតាមអ៊ីនធើណេតរបស់អ្នក ។ បន្ទាប់មកអង្គុយចុះជាមួយគ្នានិងស្តាប់គ្នានិយាយឱ្យបានជាក់ច្បាស់ ។ ចែករំលែកអារម្មណ៍របស់អ្នកជាមួយនឹងដៃគូរបស់អ្នក ហើយស្តាប់គាត់និយាយពីអារម្មណ៍របស់គាត់វិញ។
មិត្តភក្តិតាមអ៊ីនធើណេតរបស់អ្នក ។ បន្ទាប់មកអង្គុយចុះជាមួយគ្នានិងស្តាប់គ្នានិយាយឱ្យបានជាក់ច្បាស់ ។ ចែករំលែកអារម្មណ៍របស់អ្នកជាមួយនឹងដៃគូរបស់អ្នក ហើយស្តាប់គាត់និយាយពីអារម្មណ៍របស់គាត់វិញ។
២. សរសេរសំបុត្រស្នេហាឱ្យគ្នាទៅវិញទៅមក៖ ចូរចំណាយពេលវេលាខ្លះដើម្បីផ្ញើរសំបុត្រជាការរំឭកដល់ដៃគូរបស់ អ្នកថាអ្នកស្រឡាញ់គាត់ ពិតជាអាចជួយឱ្យអ្នកត្រលប់មកផ្សាភ្ជាប់គ្នាវិញបាន។ បន្ថែមពីលើនេះទៀត ការបញ្ជាក់ពីគុណសម្បត្តិល្អបំផុតរបស់មនុស្សសំខាន់ម្នាក់នោះ អាចជួយរំឭកអ្នកពីអ្វីដែលធ្វើឱ្យអ្នកលង់ស្រឡាញ់គាត់កាលពីគ្រា ដំបូង។
៣. រៀបគម្រោងការណាត់ជួបពេលយប់៖ គូស្នេហ៍ជាច្រើនរស់នៅជាមួយគ្នាយ៉ាងមានសេចក្តីសុខក្នុងរយៈពេល ប៉ុន្មានឆ្នាំក្រោយពេលរៀបការ ដែលក្រោយមកពួកគេឈប់តុបតែងខ្លួននឹងធ្វើការណាត់ជួបចេញក្រៅ ជាមួយគ្នា។ អ្នកអាចផ្តល់ថាមពលដល់ទំនាក់ទំនងជាមួយដៃគូរបស់អ្នកឡើងវិញដោយការ រៀបគម្រោងចេញក្រៅជាមួយគ្នាម្តងក្នុងមួយសប្តាហ៍ ពេលនោះអ្នកគ្មានជម្រើសអ្វីផ្សេងនោះទេក្រៅពីការរៀបចំតុបតែងខ្លួន ឱ្យបានស្អាតបំផុត។
៤. ធ្វើអ្វីម្យ៉ាងដើម្បីខ្លួនឯង៖ ប្រសិនបើអ្នកមានអារម្មណ៍ថារូបរាងរបស់អ្នកមិនស្អាត អ្នកប្រហែលជាគិតថាដៃគូរបស់អ្នកក៏គិតដូច្នោះដែរ។ ចូរបង្កើតកម្មវិធីហាត់ប្រាណដើម្បីជួយអ្នកក្នុងការបញ្ចុះទម្ងន់ និងទទួលទានអាហារឱ្យបានត្រឹមត្រូវ។ ចូរទិញសម្លៀកបំពាក់ថ្មីសម្រាប់ការណាត់ជួបពេលយប់ ឬចំណាយពេលមួយថ្ងៃដើម្បីស្ប៉ា។ ចូរធ្វើអ្វីម្យ៉ាងដែលអាចធ្វើឱ្យអ្នកមានអារម្មណ៍ប្រសើរឡើងចំពោះ ខ្លួនឯ។
៥. ទុកដៃគូរបស់អ្នកជាមនុស្សសំខាន់បំផុត៖ ជាមួយនឹង ការងារនិងកូនៗដែលទាមទារការចាប់អារម្មណ៍ពីអ្នកមិនឈប់ឈរ វាងាយស្រួលណាស់ដែលអ្នកនឹងមិនយកចិត្តទុកដាក់លើដៃគូរបស់អ្នក។ ប៉ុន្តែនៅថ្ងៃណាមួយ វានឹងជាថ្ងៃដែលអ្នកទាំងពីរនៅជាមួយគ្នាតែពីរនាក់ជាថ្មី ម្តងទៀត ហើយអ្នកនឹងស្វែងយល់ថាអ្នកមិនស្គាល់មនុស្សដែលគេងក្បែរអ្នកនោះ ច្បាស់ប្រាកដនោះទេ។ ចូរចំណាយពេលខ្លះជារៀងរាល់ថ្ងៃសម្រាប់ដៃគូរបស់អ្នក ហើយបង្ហាញឱ្យគេដឹងថា អ្នកតែងតែគិតពីគេជានិច្ច។
No comments:
Post a Comment