អារម្មណ៍មួយនេះជារឿយៗតែងជាមូលហេតុនាំទៅរកភាពបែកបាក់។
ទោះជាយ៉ាងណាក៏ដោយ វាអាស្រ័យទៅលើមនុស្សជាអ្នកប្រើប្រាស់អារម្មណ៍នោះទេ បើចេះប្រើបានត្រឹមត្រូវភាពប្រចែប្រចណ្ឌ ដូចជាការបន្ថែមល្បោយស្នេហ៍ឲ្យកាន់តែមានរសជាតិឈ្ងុយឆ្ងាញ់ឡើង តែបើប្រើមិនបានត្រឹមត្រូវនឹងនាំទៅរកភាពអាក់អន់ស្រពន់ចិត្តរវាង គ្នា និងគ្នាដែលមិនយូរមិនឆាប់បង្កឲ្យមានភាពប្រេះឆាមិនខាន។
ដើម្បីឲ្យកាន់តែច្បាស់ ពេលនេះ Sabay នឹងលើកយកឫសគល់មួយចំនួនដែលនាំឲ្យមានភាពប្រចែប្រចណ្ឌ។
១. ការភ័យខ្លាចបាត់បង់មនុស្សជាទីស្រឡាញ់
ស្រឡាញ់មនុស្សម្នាក់ និងទទួលបានការស្រឡាញ់តប ជាអារម្មណ៍មួយដ៏ជ្រាលជ្រៅដែលអ្នកពិតជាមិនចង់បាត់បង់ដោយងាយៗ នោះឡើយ។ ប្រសិនបើអ្នកទទួលបាន សញ្ញាអវិជ្ជមានណាមួយកំពុងគំរាមកំហែងទៅលើសម្ពន្ធភាពអ្នកនិងគូ ស្នេហ៍ អ្នកប្រាកដជាមានប្រតិកម្មតបវិញក្នុងបំណងគាំពារស្នេហាអ្នក។
សម្ពន្ធភាពស្នេហា ដែលធ្វើឡើងដោយបើកចំហ និងជឿជាក់គ្នាទៅវិញទៅមក តែងទទួលបាននូវសុភមង្គលដ៏រឹងមាំជាងស្នេហាដែលមានការសង្ស័យ មិនទុកចិត្តគ្នា។ ជាធម្មជាតិ ទោះបីជាអ្នកជឿជាក់លើដៃគូយ៉ាងណា អ្នកតែងស្ដែងចេញនូវភាពមិនទុកចិត្ត ព្រោះយល់ថា គេអាចនឹងងាកចេញ ប្រសិនបើចំណាយពេលវេលាច្រើនជាងខ្លួន។
៣. ទុកដៃគូជាកម្មសិទ្ធិផ្ដាច់មុខ
ការស្រឡាញ់មនុស្សម្នាក់ ដល់កម្រិតមួយដែលគេហៅថា ”ស្រឡាញ់ផ្កាប់មុខ ” ហើយ នោះអ្នកនឹងឃើញរាល់ទង្វើ កាយវិការរបស់មនុស្សម្នាក់នោះល្អទាំងអស់។ ដូចសុភាសិតខ្មែរមួយលើកឡើងថា “ មិនបានឃើញមុខ ឃើញត្រឹមដំបូលផ្ទះក៏អស់ចិត្ត“។ បើដូចនេះ នៅពេលដែលឃើញមនុស្សដែលមានភេទផ្ទុយគ្នា មកនិយាយលេង ឬធ្វើអ្វីជាលក្ខណៈស្និទ្ធស្នាល បន្តិចនឹងធ្វើឲ្យអ្នកមានអារម្មណ៍ខឹងប្រចែប្រចណ្ឌជាមិនខាន។ អ្នកតែងចង់ឃុំឃាំងទុករូបគេសម្រាប់ខ្លួនឯង មិនចង់ឲ្យអ្នកដទៃមកក្បែរសូម្បីតែលែបខាយត្រឹមពាក្យសម្ដី។
សរុបមក ចង់បានស្នេហាដែលយល់ចិត្តតម្រូវឲ្យអ្នកចេះគ្រប់គ្រងអារម្មណ៍ ប្រចែប្រចណ្ឌក្នុងកម្រិតមួយដែលអាចទទួលយកបាន ជៀសវាងការយល់តែពីអារម្មណ៍របស់ខ្លួនតែម្នាក់ឯងដែលនឹងនាំទៅ រកភាពប្រេះស្រាំនៃស្នេហាតែប៉ុណ្ណោះ៕
No comments:
Post a Comment