ក្រុម អ្នកវិទ្យាសាស្រ្ដ បានរកឃើញគុណប្រយោជន៍ថ្មីរបស់ទឹកដោះគោជូរ គឺអាចជួយជម្រុញថាមពលសិចរបស់បុរស។ ក្រុមអ្នកជំនាញមកពីវិទ្យាស្ថានម៉ាសាឈូសេតនៃបច្ចេកវិទ្យា បានរកឃើញរបកគំហើញថ្មីនេះ តាមរយៈការធ្វើពិសោធន៍ទៅលើសត្វកណ្ដុរឈ្មោល។
ពួកគេបានរកឃើញថា កណ្ដុរឈ្មោលដែលស៊ីទឹកដោះគោជូរ មានភាពប្រសើរជាងកណ្ដុរដែលស៊ី
អាហារធម្មតាចំនួន ៥ភាគរយ និងលើសកណ្ដុរដែលស៊ីអាហារមិនត្រឹមត្រូវចំនួន ១៥ភាគរយ។នេះជាការបញ្ជាក់ឲ្យកាន់តែច្បាស់បន្ថែមទៀតពីផលប្រយោជន៍នៃ ទឹកដោះគោជូរចំពោះសុខភាពផ្លូវភេទរបស់បុរស ខណៈការផ្សាយពាណិជ្ជកម្មទឹកដោះគោជូរខ្លះនាពេលកន្លងមក ក៏មានបញ្ចូលផលប្រយោជន៍ថ្មីនេះដែរ។
ក្រៅពីជម្រុញថាមពលសិច ទឹកដោះគោជូរក៏ត្រូវបានរកឃើញថាអាចជួយរក្សារាងឲ្យស្ល៊ីមស្អាត ពោលគឺមិនឡើងទម្ងន់ ទាំងបុរស និងស្រ្ដី។
សារធាតុប្រូបាយអូទិច ដែលមានក្នុងទឹកដោះគោជូរ ត្រូវបានក្រុមអ្នកស្រាវជ្រាវប៉ាន់ស្មានថាជាមូលហេតុដែលធ្វើឲ្យ មានការរកឃើញបែបនេះ។
ទោះជាយ៉ាងណាក្ដី នេះគ្រាន់តែជាលទ្ធផលនៃការស្រាវជ្រាវប៉ុណ្ណោះ ហើយក៏ជាការស្រាវជ្រាវលើកដំបូងទាក់ទងនឹងរឿងនេះផងដែរ ដូច្នេះអាចនឹងមានការស្រាវជ្រាវបន្ថែមផ្សេងទៀត ដើម្បីបញ្ជាក់ឲ្យកាន់តែច្បាស់៕
No comments:
Post a Comment