អាហារប្រភេទខ្លះអាចជាមូលហេតុបង្កឲ្យមានក្លិនស្អុយផ្អូម តែបញ្ហាទាំងនេះយើងអាចដោះស្រាយបានតាមវិធីដូចខាងក្រោមí១-ទឹកខ្មេះ : កន្សែងជូតខ្លួនងាយនឹងកើតក្លិនផ្អូមបំផុត ។ ប្រសិនបើកើតមានបញ្ហានេះ សូមណែនាំឲ្យប្រើទឹកខ្មេះលាយជាមួយទឹកធម្មតាក្នុងបរិមាណ ៥០ ភាគរយស្មើគ្នា រួចហើយយកកន្សែងមានក្លិនផ្អូមដាក់ត្រាំទៅក្នុងនោះ
មួយយប់ លុះព្រឹកឡើងយកទៅបោកតាមធម្មតា រួចហាលឲ្យស្ងួត ។
កម្ចាត់ក្លិនផ្អូមនៅក្នុងទូខោអាវប្រើនំបុ័ងបន្ទះដាក់ក្នុងចាន រួចចាក់ទឹកខ្មេះឲ្យជោកទុកវាក្នុងមួយយប់ នោះក្លិនផ្អាប់ផ្អូមនឹងបាត់អស់គ្មានសល់ ។
២-ស្លឹកតើយ : ប្រសិនបើទីសម្លៀកបំពាក់ ឬ បន្ទប់ទឹកមានក្លិនមិនល្អនោះ សូមប្រើស្លឹកតើយមួយក្តាប់លាងទឺកឲ្យស្អាត កាត់វាជាកង់ៗ រួចដាក់ក្នុងចានរក្សាទុកនៅក្នុងទូបន្ទប់ នោះវានឹងប្រែក្លិនគួរឲ្យភ្ញាក់ផ្អើលមិនខាន។
៣-សម្បកផ្លែឈើ : សម្បកផ្លែឈើដូចជា ក្រូចឆ្មារ ក្រូចពោធិ៍សាត់ មិនមែនជាសំរាមអត់ប្រយោន៍នោះទេ ព្រោះវាអាចជួយបំបាត់ក្លិននៅក្នុងធុងសំរាមរបស់អ្នកបានយ៉ាងពូកែ បំផុត ។
៤-ខ្ញី និង រំដេង : ប្រសិនបើបន្ទប់ទឹករបស់លោកអ្នកពោរពេញទៅដោយក្លិនមិនល្អ សូមណែនាំឲ្យយករំដេង ខ្ញី ស្លឹកគ្រៃមកដំឲ្យបែកគ្នា រួចខ្ចប់នឹងក្រណាត់សស្តើង រក្សាទុកនៅក្នុងទឹកអាចជួយកម្ចាត់ក្លិនមិនល្អបានដែរ ។
៥-ក្រូចឆ្មារ : ប្រសិនបើក្នុងបន្ទប់ណាមួយក្នុងគេហដ្ឋានរបស់លោកអ្នកមានក្លិនមិនល្អ សូមប្រើផ្លែក្រូកឆ្មារចិតជាចំណិតស្តើងៗដាំក្នុងទឹកឲ្យពុះ ដោយពេលដាំមិនចាំបាច់គ្របគម្របទេ ។ ជាតិប្រេងក្រអូបពីផ្លែក្រូចឆ្មារនឹងជួយបំប្លែងក្លិនមិនល្អ នៅក្នុងបន្ទប់ឲ្យក្លាយទៅជាក្លិនមួយក្រអូបប្រហើរគួរឲ្យចង់ស្រូបយក បំផុត៕
No comments:
Post a Comment