ជារៀងរាល់ថ្ងៃមុនពេលចេញដំណើរ អ្នកបើកបរត្រូវត្រួតពិនិត្យយានយន្តនៅចំណុចដូចខាងក្រោម:
១. ពិនិត្យមើលគ្រឿងបំភ្លឺគ្រប់ប្រភេទ ដូចជា ភ្លើងកូត ភ្លើងស្តុប អោយមានដំណើរការល្អជានិច្ច។
២. ជូតកញ្ចក់បាំងខ្យល់ (Windshield) កញ្ចក់ឆ្លុះក្រោយ (Rear View mirror) អោយស្អាតជានិច្ច។
៣. ពិនិត្យឧបករណ៍ហ្រ្វាំងជាពិសេសបំផុតគឺប្រេងហ្រ្វាំង ប្រេងអំប្រាយ៉ា និងទឹកអាគុយ ត្រូវតែមានគ្រប់គ្រាន់តាមកំរិតអនុញ្ញាត។
៤. កង់យានយន្តត្រូវតែអោយតឹងល្មមសមស្របតាមទម្ងន់ផ្ទុក។ កៅស៊ូកង់ត្រូវមានក្រឡាជ្រៅល្អ និងមិនត្រូវមានស្នាមប្រេះឡើយ។
ចំពោះរថយន្តត្រូវមានកង់បំរុង ដែលមានគុណភាពល្អ អាចប្រើប្រាស់នៅពេលមានអាសន្ន។
៥. ពិនិត្យដៃចង្កូតមើលមានភាពធូរលុង ឬយ៉ាងណា។ បើធូរលុងត្រូវផ្អាកការធ្វើដំណើរហើយជួសជុលជាបន្ទាន់។
៦. ត្រូវមានសំភារះបំរុងមួយចំនួនសំរាប់ការពារនៅពេលរថយន្តខូចនៅតាមផ្លូវដូចជា:
- ខ្សែពានប៊ូហ្សីដែកគ្រីបកូនសោរគ្រប់ធុន
- ខ្សែកាបច្រវាក់“ សំរាប់រថយន្តដឹកជញ្ចូនមានសណ្តោងរីុម៉ក”
- ពិលបំភ្លឺជៀសវាងប្រើដែកកេះដែលនាំអោយមានគ្រោះថ្នាក់អគ្គីភ័យ។
- កញ្ចក់កាតាហ្វូត“កញ្ចក់ជ័រចាំងពន្លឺ” រាងត្រីកោណជ្រុងនីមួយៗមានប្រវែង ៤០សមសំរាប់ដាក់ការពាររថយន្តដែលខូចនៅ
កណ្តាលផ្លូវ។
៧. រៀបចំកន្លែងអង្គុយ និងកញ្ចក់ឆ្លុះក្រោយ និងពាក់ខ្សែក្រវាត់សុវត្ថិភាព អោយបានត្រឹមត្រូវមុនពេលចេញដំណើរ។
រៀបចំកន្លែងអង្គុយយ៉ាងណាអោយមើលទៅមុខបានច្បាស់ និងបានឆ្ងាយបើយើងជាមនុស្សមាឌទាបត្រូវមានដាក់ពូកទ្រនាប់ ( A seat cushion ) និងមិនត្រូវមានដាក់វត្ថុផ្សេងៗដែលនាំអោយច្រងេងច្រងាងនៅកន្លែង អង្គុយបើកបរឡើយ។
រៀបចំកញ្ចក់ឆ្លុះក្រោយនៅខាងក្នុង និងសងខាងរថយន្ត ដើម្បីមើលទៅខាងក្រោយឃើញដែនចក្ខុវិស័យ ( field of vision ) បានធំទូលាយ និងច្បាស់ល្អ។
- ការរៀបចំកន្លែងអង្គុយកញ្ចក់ឆ្លុះនៅពេលដែលយើងកំពុងបើកបរគឺជាកត្តានាំអោយមានគ្រោះជាយថាហេតុ។
- ត្រូវស្រលាញ់ជីវិតអ្នកដទៃដូចយើងស្រលាញ់ជីវិតរបស់យើងដែរ។
No comments:
Post a Comment