ជាទូទៅ នៅពេលយប់សត្វល្អិតវាតែងតែ មករោមអំពូលភ្លើងយ៉ាងកុះករ ហើយរំខានដល់អ្នកអង្គុយ ឬ បរិភោគនៅក្បែរៗនោះ ។ បងប្អូនកសិករយើងខ្លះបានកាច់យកមែកឈើមកចងជុំវិញចង្កៀង ដើម្បីឲ្យសត្វមករោមនៅលើមែកឈើនោះ ។ ប៉ុន្តែទោះបីយ៉ាងណាក៏ដោយ សត្វទាំងនោះនៅតែរំខានយើងដដែល ។
ទាក់ទងទៅនឹងបញ្ហានេះ លោក ហួរ ស្រេង ដែលជាប្រធានកម្មវិធីនៃអង្គការសេដាក ប្រចាំស្រុកបាភ្នំ ខេត្តព្រៃវែង គាត់មានបទពិសោធន៍យ៉ាងសាមញ្ញក្នុងការចាប់សត្វទាំងនោះ ដោយគ្រាន់តែយកថង់មកព្យួរក្បែរអំពូលភ្លើង ហើយរយៈពេលមួយម៉ោងក្រោយមកសត្វទាំងនោះក៏ហើរចូលទៅក្នុងថង់អស់ ។
លោកបានបញ្ជាក់ថា សត្វល្អិតដែលហើរចូលក្នុងថង់នោះ ភាគច្រើនសុទ្ធសឹងជាសត្វល្អិតចង្រៃ ដូចជា ពពួកមមាចត្នោត ...៘ ក្រោយពីចាប់បានហើយសត្វល្អិតទាំងនោះអាចប្រើធ្វើជាចំណីមាន់បានយ៉ាងល្អប្រើសើរ ។
បទពិសោធន៍ដ៏សាមញ្ញនេះ លោកបានយកទៅអនុវត្តនៅភូមិរបស់លោក ក្នុងភូមិឧត្តម ឃុំព្រែកខ្សាយ ‹ ក › ស្រុកពាមរក៍ ខេត្តព្រៃវែង និងនៅស្រុកបាភ្នំ ខេត្តព្រៃវែង បានយ៉ាងមានប្រសិទ្ធភាព ។
សរុបមក ថង់ប្លាស្ទិកចងព្យួរចោលជិតអំពូលភ្លើង ជាវិធីសាស្ត្រមួយយ៉ាងសាមញ្ញ និងងាយបំផុតក្នុងការទាក់សត្វល្អិតចង្រៃយកទៅបំផ្លាញចោល ឬយកទៅប្រើប្រាស់សំរាប់ជាចំណីមាន់ ៕
No comments:
Post a Comment