ការផឹកគ្រឿងស្រវឹងហួសប្រមាណនៅតាមភោជនីយដ្ឋានជារឿយៗត្រូវគេចាត់ទុកថា ជាព្រឹត្តិការណ៍ឬក៏ពិធីមួយដែលយុវវ័យទូទៅ និងនិស្សិតសាកលវិទ្យាល័យចូលចិត្តធ្វើ ហើយវាក៏ជាការកំសាន្តសប្បាយ ដែលពួកគេយកមកជំនួសការចូលក្លឹបហាត់កីឡានិងសកម្មភាពក្នុងសង្គមនានាផងដែរ។ ប៉ុន្តែយោងតាមការសិក្សាមួយរបស់សាកលវិទ្យាល័យស៊ីនស៊ីនណាទីរបស់អាមេរិកបានបង្ហាញថា សកម្មភាពរបស់ពួកយុវវ័យទាំងអស់នេះអាចបំផ្លាញការលូតលាស់ខួរក្បាលរបស់ពួកគេបាន។
ក្រុមស្រាវជ្រាវដែលដឹកនាំដោយលោកទីម ម៉ាកឃ្វីននីបានធ្វើការពិសោធន៍ដោយស្គែនខួរក្បាលអ្នកដែលផឹកគ្រឿងស្រវឹងច្រើនហួសប្រមាណ២៩នាក់ ដែលពួកគេទាំងនេះមានអាយុចន្លោះពី១៨ទៅ២៥ឆ្នាំ។ ជាលទ្ធផលគេរកឃើញថា បរិមាណជាតិអាល់កុលខ្ពស់នៅក្នុងខ្លួនជាប់ទាក់ទងទៅនឹងcortical-thinning of the pre-frontal cortex ដែលជាផ្នែកមួយរបស់ខួរក្បាលសម្រាប់បញ្ជាឱ្យមានការប្រុងប្រយ័ត្ននិងធ្វើការសម្រេចចិត្ត។ វាក៏ជាកូនសោសំខាន់នៅក្នុងការធ្វើឱ្យដំណើរកត្តាផ្លូវចិត្ត ខ្វះការគិតពិចារណា ។
លោកម៉ាកឃ្វីននី បានពិនិត្យមើលផ្នែកពណ៌ប្រផេះរបស់ខួរក្បាលនៃកោសិកាខួរក្បាលដែលបញ្ជាការគិត គឺការទទួលនិងបញ្ជូនសារ។ លោកបានបន្តថា៖«យើងបានមើលឃើញភស្តុតាងដែលថា ការផឹកស្រាច្រើនហួសប្រមាណកាត់បន្ថយភាពសុចរិត ពោលគឺការប្រុងប្រយ័ត្ន ការសម្រេចចិត្ត និងភាពវៃឆ្លាតក្នុងផ្នែកពណ៌សរបស់ខួរក្បាល តែបើធៀបនឹងផ្នែកពណ៌ប្រផះនៃខួរក្បាលគឺអាល់កុលអាចមានឥទ្ធិពលផ្សេងពីនេះ »៕
No comments:
Post a Comment