ការកែប្រែទម្រង់ភូមិសាស្ត្រជាប្រវត្តិសាស្ត្ររបស់ព្រះរាជាណាចក្រ កម្ពុជាដែលដំបូងបង្អស់មានឈ្មោះថា ហ្វូ-ណន ឬនគរភ្នំ និងបន្ទាប់មកគឺចេនឡានោះ បានបណ្តាលមកពីសកម្មភាពមនុស្ស ហើយត្រូវបានធ្វើឡើងជាច្រើនដំណាក់កាលនៃការវិវត្តន៍របស់សង្គម ។ ទោះជាយ៉ាងណាក៏ដោយ ក៏វិសាលភាពនៃបង្គោលខណ្ឌសីមា នៃដែនដីខ្មែរបុរាណនិងវឌ្ឍនភាពនៃវប្បធម៌ អារ្យធម៌របស់ប្រជាជនខ្មែរ នាសម័យមុនអង្គរនិងអង្គរ ពោលគឺមុនការលេចធ្លោរឡើងនូវរដ្ឋមួយចំនួន ដូចជារដ្ឋមន ឈ្មោះទ្វារវតី ចុងស.តទី៦ ដើមទី៧ និងរដ្ឋថៃនិងលាវ ក្នុងអម្លុងចុង ស.តទី១៣ និងទី១៤ នៃគ.ស ត្រូវបានកត់ត្រាដោយកំណត់ហេតុចិន និងបញ្ជាក់ដោយរបកគំហើញខាងបុរាណវិទ្យានិងជាតិពន្ធុវិទ្យា ។
ទាំងនេះជាមូលដ្ឋានគ្រឹះនៃប្រវត្តិសាស្ត្ររបស់ប្រជាជនខ្មែរ ដែលជាអ្នកស្រុកអាយ ស្ថិតក្នុងអម្បូរមន-ខ្មែរ ឥណ្ឌានិយមចាប់តាំងពី ស.តទី១ នៃគ.ស ដែលគេមិនត្រូវមើលរំលងឡើយ កាលបើគេចង់ស្វែងយល់អំពីវប្បធម៌ ក្នុងភូមិភាគអាស៊ីអាគ្នេយ៍ដែនគោកនេះ ។
ទាំងនេះជាមូលដ្ឋានគ្រឹះនៃប្រវត្តិសាស្ត្ររបស់ប្រជាជនខ្មែរ ដែលជាអ្នកស្រុកអាយ ស្ថិតក្នុងអម្បូរមន-ខ្មែរ ឥណ្ឌានិយមចាប់តាំងពី ស.តទី១ នៃគ.ស ដែលគេមិនត្រូវមើលរំលងឡើយ កាលបើគេចង់ស្វែងយល់អំពីវប្បធម៌ ក្នុងភូមិភាគអាស៊ីអាគ្នេយ៍ដែនគោកនេះ ។
ព្រះវិស្ណុស.ត ទី ៥-៦ នៅខេត្តសុរ៉ាតថានី និង ផាងង៉ា ភូមិភាគខាងត្បូងនៃប្រទេសថៃ (ឯកសារនាយកដ្ឋានវិចិត្រសិល្បះថៃ)
ភស្តុតាងវប្បធម៌ជាក់ស្តែងខាងលើ បង្ហាញឲ្យឃើញនូវលក្ខណៈសម្បូរបែបនៃវិស័យសិល្បៈ ស្ថាបត្យកម្មខ្មែរ ជាពិសេសបដិមាកម្ម បែបព្រាហ្មណ៍និងពុទ្ធនិយម ដែលបានផ្សារភ្ជាប់ជាមួយនឹងប្រព័ន្ធសាសនា រាប់ពាន់ឆ្នាំមកហើយ ។ មិនតែប៉ុណ្ណោះសោត ឯកភាពនៃវិស័យវប្បធម៌បុរាណខាងលើនេះ ដែលបានទទួលឥទ្ធិពលយ៉ាងខ្លាំងក្លាពីឥណ្ឌា ក៏ត្រូវផ្សារភ្ជាប់នឹងប្រវត្តិសាស្ត្រដ៏យូរលង់ហើយរុងរឿង របស់ព្រះរាជាណាចក្របច្ចុប្បន្នផងដែរ ដោយមូលហេតុប្រវត្តិសាស្ត្រ ។
ចម្លាក់ព្រះវិស្ណុស.ត ទី ៣-៤, ខេត្តនគរស្រីធម្មរាជ ភូមិភាគខាងត្បូងនៃប្រទេសថៃ (ឯកសារនាយកដ្ឋានវិចិត្រសិល្បះថៃ)
ដោយសារតែការកំណត់ភូមិសាស្ត្រជាប្រវត្តិសាស្ត្រនៃអាណាចក្រហ្វូ-ណន និងចេនឡា មិនបានត្រឹមត្រូវ បានជាមានផលប៉ះពាល់ដល់ការបកស្រាយជាអវិជ្ជមាន ជុំវិញទិន្នន័យបុរាណវិទ្យា ដែលស្ថិតនៅលើទីតាំងនានា ក្នុងខណៈដែលមានជនជាតិដើមភាគតិច គឺខ្មែរនិងសហគមន៍ មន-ខ្មែរ កំពុងរស់នៅយ៉ាងកុះករនៅឡើយ ។ កុំភ្លេចថា ការបកស្រាយ ពិពណ៌នាមិនច្បាស់លាស់ ឬភាពច្របូកច្របល់ ដែលប្រកបដោយគោលទស្សនវិជ្ជាបែបនយោបាយ ពីសំណាក់អ្នកស្រាវជ្រាវមួយចំនួន តាមពិតទៅ គឺបណ្តាលពីការមើលរំលងនូវកត្តាភូមិសាស្ត្រ ប្រវត្តិសាស្ត្រខាងលើនេះឯង ។ បើនិយាយម្យ៉ាងទៀត ពួកគេគ្រាន់តែបានផ្តោតទៅលើតែភូមិសាស្ត្រនាបច្ចុប្បន្នភាពតែប៉ុណ្ណោះ ។
ដូចនេះ វិធីសាស្ត្រមួយ ដែលមានអត្ថប្រយោជន៍យ៉ាងច្រើន ហើយអាចនាំយើងឲ្យមានការបង្កើននូវចំណេះចេះដឹង ពីអតីតកាលរបស់ខឿនវប្បធម៌ខ្មែរ ឲ្យមានភាពល្អប្រសើរ គឺការផ្តោតការចាប់អារម្មណ៍លើបរិបទសង្គមវប្បធម៌ខ្មែរ នាគ្រាបឋមនៃប្រវត្តិសាស្ត្រកម្ពុជា ដែលត្រូវបានកត់ត្រាក្នុងសំណេរចិនផ្សេងៗ ។ ពោលគឺការសិក្សាពីដំណាក់កាលដំបូងបង្អស់ នៃការបង្កើតរដ្ឋខ្មែរ និងសមិទ្ធិផលសង្គមទាំងឡាយ មុននឹងឈានដល់ការបែកបាក់ឬឳនភាពនៃនគរភ្នំ ដែលជាមូលហេតុនៃការបង្កើតរដ្ឋមន នៅលើទឹកដីចាស់ហ្វូ-ណន ជាការចាំបាច់ក្នុងការស្វែងយល់ឲ្យបានត្រឹមត្រូវ អំពីតួនាទីជាប្រវត្តិសាស្ត្រ របស់ប្រជាជនខ្មែរក្នុងការរួមវិភាគទានសាងសង់ខឿនវប្បធម៌ ថៃនិងលាវ (ឡាវ) ។
ហើយដើម្បីជាឧទាហរណ៍ អំពីឯកភាពនៃវប្បធម៌រវាងភូមិភាគផ្នែកកណ្តាល និងខាងត្បូងនៃប្រទេសថៃ និងប្រទេសខ្មែរបច្ចុប្បន្ន ចូរពិនិត្យមើលប្រភេទទេវរូបបុរេអង្គរមួយចំនួន ដែលគេបានរកឃើញក្នុងទឹកដីនៃព្រះរាជាណាចក្រថៃបច្ចុប្បន្ន ដែលផ្តើមចេញពីមនសិការនិងទេពកោសល្យដ៏ឧត្តុង្គឧត្តមរបស់សាសនិកខ្មែរ ក្នុងអតីតកាលដ៏យូរលង់ មុនការបង្កើតរដ្ឋថៃនិងលាវ ៕ (ម.ត្រាណេ)
ដូចនេះ វិធីសាស្ត្រមួយ ដែលមានអត្ថប្រយោជន៍យ៉ាងច្រើន ហើយអាចនាំយើងឲ្យមានការបង្កើននូវចំណេះចេះដឹង ពីអតីតកាលរបស់ខឿនវប្បធម៌ខ្មែរ ឲ្យមានភាពល្អប្រសើរ គឺការផ្តោតការចាប់អារម្មណ៍លើបរិបទសង្គមវប្បធម៌ខ្មែរ នាគ្រាបឋមនៃប្រវត្តិសាស្ត្រកម្ពុជា ដែលត្រូវបានកត់ត្រាក្នុងសំណេរចិនផ្សេងៗ ។ ពោលគឺការសិក្សាពីដំណាក់កាលដំបូងបង្អស់ នៃការបង្កើតរដ្ឋខ្មែរ និងសមិទ្ធិផលសង្គមទាំងឡាយ មុននឹងឈានដល់ការបែកបាក់ឬឳនភាពនៃនគរភ្នំ ដែលជាមូលហេតុនៃការបង្កើតរដ្ឋមន នៅលើទឹកដីចាស់ហ្វូ-ណន ជាការចាំបាច់ក្នុងការស្វែងយល់ឲ្យបានត្រឹមត្រូវ អំពីតួនាទីជាប្រវត្តិសាស្ត្រ របស់ប្រជាជនខ្មែរក្នុងការរួមវិភាគទានសាងសង់ខឿនវប្បធម៌ ថៃនិងលាវ (ឡាវ) ។
ហើយដើម្បីជាឧទាហរណ៍ អំពីឯកភាពនៃវប្បធម៌រវាងភូមិភាគផ្នែកកណ្តាល និងខាងត្បូងនៃប្រទេសថៃ និងប្រទេសខ្មែរបច្ចុប្បន្ន ចូរពិនិត្យមើលប្រភេទទេវរូបបុរេអង្គរមួយចំនួន ដែលគេបានរកឃើញក្នុងទឹកដីនៃព្រះរាជាណាចក្រថៃបច្ចុប្បន្ន ដែលផ្តើមចេញពីមនសិការនិងទេពកោសល្យដ៏ឧត្តុង្គឧត្តមរបស់សាសនិកខ្មែរ ក្នុងអតីតកាលដ៏យូរលង់ មុនការបង្កើតរដ្ឋថៃនិងលាវ ៕ (ម.ត្រាណេ)
No comments:
Post a Comment