ស្ត្រី
អូស្ត្រាលីដើមកំណើតចិនម្នាក់
ដែលបានកាត់លិង្គរបស់អតីតដៃគូស្នេហ៍របស់នាងដើម្បីបញ្ឈប់មិនអោយ
បុរសនេះទៅមានកូនជាមួយនារីផ្សេងៗនោះនឹងជាប់គុកមិនដល់៤ឆ្នាំ
ផង។ជៀន ចេន ត្រូវបានកាត់ទោសកាលពីព្រឹកថ្ងៃពុធអោយជាប់គុក ៣ឆ្នាំ និង ៩ខែ បន្ទាប់ពីបានឆ្លើយទទួលទោសកំហុសពីបទមនុស្សឃាតលើអតីតដៃគូឈ្មោះ សៀន ប៉េងរបស់នាងនៅសង្កាត់ណត រីត នៃក្រុងស៊ីតនីកាលពីខែកុម្ភៈឆ្នាំ២០១១។
តុលាការបានទទួល ការសុំអង្វរទទួលកំហុសដើម្បីសម្រាលទោស និងបានដកចេញការចោទប្រកាន់ពីបទឃាតកម្ម ពីព្រោះចេនបានទទួលរង "ភាពមិនប្រក្រតីនៃខួរក្បាល" ដោយសារតែជំងឺផ្លូវចិត្ត និងជំនឿថាប៉េងនឹងយកកូនរបស់ពួកគេទៅកាន់ប្រទេសចិន។
តុលាការនិយាយថា នាងចេនជឿថា ប្តីរបស់នាងជាមនុស្ស "បោកប្រាស់ស្រីៗ" ដែលចង់តែអោយស្ត្រីមានទ្រព្យធនមានផ្ទៃពោះដើម្បីគាបយកប្រាក់ពី ពួកគេ។
នាងបានប្រាប់តុលាការជាន់ខ្ពស់ថា នាងបានដាក់ថ្នាំងងុយដេកក្នុងសម្លរបស់ប៉េង និងបន្ទាប់មកក្រៀវប្រដាប់ភេទរបស់គាត់នៅប៉ុន្មានម៉ោងក្រោយមក តែប៉េងបានស្លាប់នៅមន្ទីរពេទ្យ បន្ទាប់ពីរងរបួសអស់មួយយប់។
ចៅក្រមម៉ូនីកា ស្មីត បានបន្ថយទោសនាង ២៥ភាគរយ ដោយសារតែការសារភាពទទួលទោស។ បូករួមទាំងការជាប់គុកមុនការវិនិច្ឆយ នាងចេនអាចមានសេរីភាពនៅខែវិច្ឆិកាឆ្នាំ២០១៤៕
No comments:
Post a Comment