Tuesday, August 7, 2012
ប្រាកដទេថាអ្នកយល់ច្បាស់ពីការមានផ្ទៃពោះ?
ពេលមានផ្ទៃពោះស្ត្រីប្រឈមមុខនឹងបញ្ហាជាច្រើន ទាំងផ្នែករាងកាយនិងអារម្មណ៍។ ចូលដល់ដំណាក់កាលមានគភ៌ សរីរាង្គមួយចំនួនរបស់ស្ត្រីមានការប្រែប្រួលយ៉ាងខ្លាំង ។ ទាំងអស់នេះជាកត្តាដែលជំរុញឲ្យស្ត្រីងាយមានអារម្មណ៍មួម៉ៅ ឆាប់ខឹងដោយមិនដឹងខ្លួន។ ដូច្នេះភាគីជាស្វាមីឬអ្នកដែលនៅជុំវិញខ្លួន គួរយល់ចិត្តស្ត្រីមានផ្ទៃពោះឲ្យបានច្រើន កុំមានការមើលបំណាំឲ្យសោះ។
ស្ត្រីមានផ្ទៃពោះ មានលក្ខណៈប្រែប្រួលផ្នែករាងកាយដូចខាងក្រោម៖
ការប្រែប្រួលរបស់សុដន់៖
ខែទី១៖ សុដន់ទាំងពីចាប់ផ្ដើមធ្ងន់ជាងមុន តឹងនិងឈឺ។
ខែទី២៖ ក្បាលដោះមានសម្បុរក្រមៅជាងមុន។
ខែទី៤៖ សុដន់អាចបញ្ចេញសារធាតុរាវម្យ៉ាង ។ នេះហើយហៅថា ទឹកដោះដំបូងដែលសំបូរដោយប្រព័ន្ធការពារគាំពារសុខភាពមនុស្សនោះ។
ខែទី៥៖ មានស្នាមរង្វង់ពណ៌ត្នោតនៅជុំវិញក្បាលសុដន់។
ខែទី៨៖ សុដន់និងក្បាលសុដន់កាន់តែធំជាងមុន ហើយអាចមានអារម្មណ៍ឈឺ។
ខែទី៩៖ សុដន់មានសមត្ថភាពគ្រប់គ្រាន់ដើម្បីចិញ្ចឹមទារក ។
ជាទូទៅស្បូនមានប្រវែង៦.៥សង់ទីម៉ែត្រ និងមានទម្ងន់កន្លះខាំ ។ តែដល់ពេលសម្រាល ស្បូនមានទម្ងន់ដល់ទៅជិត១.៦គីឡូក្រាម។ ចាប់ពីខែទី៣ឡើងទៅយើងអាចមើលឃើញទំហំពោះប្រែប្រួលដោយភ្នែកទទេបាន។ ស្បូនមានការវិវដ្ដដូចខាងក្រោម៖
ខែទី២៖ ស្បូនមានទំហំប៉ុនកណ្ដាប់ដៃ
ខែទី៤៖ ស្បូនលូតមកនៅត្រឹមពាក់កណ្ដាលចន្លោះពីថ្ងាសក្រោមនិងផ្ចិត
ខែទី៥៖ ស្បូននៅត្រឹមផ្ចិត
ខែទី៨៖ ស្បូននិងទារកឈានមកដល់ចុងដង្ហើម
ខែទី៩៖ គភ៌លែងរីកធំទៀត ហើយស្បូនអាចផ្ទុកចំណុះបានជាង៤លីត្រ
ការវិវត្តចុងក្រោយមុនពេលឆ្លងទន្លេ៖
ត្រគាក៖ ត្រគាកបើកទូលាយ ហើយសន្លាក់ត្រគាកមានភាពបត់បែន ងាយឲ្យទារកចេញមកបាន។
ស្បូន៖ ស្បូនក្លាយជារីករួញបាន ហើយនៅពេលកើត ប្រវែងសរសៃសាច់ដុំស្បូនវែងជាងធម្មតាដល់ទៅ១៤ដង។
ទ្វារមាស៖ មានប្រវែងវែងជាងមុន និងធំជាងមុន។ មានការកើនឡើងនូវទឹករំអិល ដែលជួយការពារទារកពីមេរោគ។
Subscribe to:
Post Comments (Atom)
No comments:
Post a Comment