ក្រុងញូវយ៉កៈ ការសិក្សាស្រាវជ្រាវថ្មីមួយបានឲ្យដឹងថា បណ្តាក្រុមស្រ្តីដែលមានឋានៈខ្ពង់ខ្ពស់ និងមានអំណាចធំដុំនៅក្នុងសង្គមងាយនឹងកើតកលល្បិច ក្បត់ស្នេហ៍មិនចាញ់ក្រុមបុរសប៉ុន្មានទេ។
ជាទូទៅក្នុងសង្គម គេសង្កេតឃើញថា បុរសៗមានអត្រាលេចធ្លោច្រើនជាងនារីៗនៅក្នុងសកម្មភាពក្បត់គូ ស្នេហ៍។ តែនេះក៏ដោយសារតែក្នុងសង្គមខ្ពង់ខ្ពស់មានចំនួនបុរសច្រើនជាង ស្ត្រី ។
លោក ច័ររី ឡេមមឺ អ្នកស្រាវជ្រាវនៃសាកលវិទ្យាល័យទីបឺក ប្រទេសហូឡង់ បានវិភាគទិន្នន័យមនុស្សចំនួន ១៥៦១ នាក់នៅក្នុងប្រព័ន្ធអ៊ីនធឺណិត។
ការ ស្ទង់មតិបានឲ្យដឹងថា អំណាច និងការផិតក្បត់ ជាកត្តាដែលមានសម្ព័ន្ធភាពនឹងគ្នា ពោលគឺមនុស្សកាន់តែមានអំណាច កាន់តែមានទំនោរទៅរកភាពផិតក្បត់ដៃគូ មិនថាបុគ្គលនោះជាមនុស្សស្រី ឬប្រុសទេ។
តែទោះជាយ៉ាងណា ច័ររី ឡេមមឺ ក៏សង្កត់ធ្ងន់ដែរថា ការដែលអត្រាផិតក្បត់ខ្ពស់ចំពោះមនុស្សប្រុសនោះក៏ដោយសារ បច្ចុប្បន្នមិនសូវមានមនុស្សស្រីមានទ្រព្យធនឬកាន់អំណាចច្រើនដូច បុរស។
លោកបានបន្ថែមថា៖ «ក្រុមស្រ្តីទាំងឡាយ កាន់តែមានអំណាច ពួកគេកាន់តែមានជំនឿចិត្តលើខ្លួន ដែលនាំឲ្យមានការផ្លាស់ប្តូរឥរិយាបថ និងទំនោរទៅរកការផ្លាស់ប្ដូរដៃគូ។ អំណាចក៏អាចធ្វើឲ្យស្ត្រីមានភាពក្លាហានក្នុងការកុហក ឬក៏ផិតក្បត់ភាគីបុរសផងដែរ»៕
No comments:
Post a Comment