ខេត្តសៀមរាប
ប្រវត្តិសាស្រ្ត និងពត៌មានទូទៅ
ខេត្តសៀមរាប ត្រូវបានដាក់ឈ្មោះបែបនេះដើម្បី រំលឹកដល់ជ័យជំនះនៅកងទ័ពខ្មែរលើកងទ័ពសៀមនៃរាជាណាចក្រអយុធ្យានៅសតវត្សទី១៧។ សព្វថ្ងៃខេត្តសៀមរាបត្រូវបានគេស្គាល់ទូទាំងពិភពលោកថាជាខេត្តតាំងនៅនៃ ប្រាសាទអង្គរវត្ត ដ៏ល្បីល្បាញអស្ចារ្យដែលត្រូវបានរកឃើញឡើងវិញដោយអ្នករុករកជនជាតិបារាំង លោក ហង់រី មូហូត (Henri Mouhot) ក្នុងឆ្នាំ១៨៦០ ។បច្ចុប្បន្នប្រាសាទអង្គរវត្តត្រូវបានគេដាក់បញ្ចូលទៅជា សម្បតិ្តបេតិកភណ្ឌពិភពលោក ថែមទៀតផងនាថ្ងៃទី ១៤ ធ្នូ ឆ្នាំ ១៩៩២ ។ ខេត្តនេះមានទីតាំងនៅភាគខាងពាយ័ព្យនៃប្រទេសកម្ពុជា ក្បែរបឹងទន្លេសាប ដែលធ្វើដំណើរតាមបណ្តោយផ្លូវជាតិលេខ ៦ ដែលមានចំងាយប្រវែង ៣១៤ គ.ម ពីរាជធានីភ្នំពេញ មានពំ្រប្រទល់ខាងកើតជាប់នឹង ខេត្តកំពង់ធំ និងខេត្តព្រះវិហារ ខាងលិចជាប់នឹងខេត្តបន្ទាយមានជ័យ ខាងជើងជាប់នឹងខេត្តឧត្តរមានជ័យ និងខេត្តព្រះវិហារ និងខាងត្បូងជាប់នឹងខេត្តបាត់ដំបង និងបឹងទន្លេសាប។ ព្រំប្រទល់ជាប់បឹងទន្លេសាប មានប្រវែង ៨២ គ.ម ដែលស្ថិតនៅជាប់ស្រុកជីក្រែង ស្រុកសូត្រនិគម ស្រុកប្រាសាទបាគង ស្រុកសៀមរាប ស្រុកពួក និងស្រុកក្រឡាញ់។ ទីរួមខេត្តរបស់ខេត្តនេះគឺ ក្រុងសៀមរាប។ ខេត្តនេះ មានផ្ទីដីសរុបចំនួន ១០ ២៩៩ គីឡូម៉ែត្រការ៉េ ដែលចែកចេញជាក្រុង ០១ ស្រុក ១១ ឃុំ ៨៧ សង្កាត់ ១៣ និងភូមិសរុបចំនួន ៨៧៦។ ជាទូទៅខេត្តសៀមរាបមានចរិតជាតំបន់ជនបទ។ ប្រជាជនប្រមាណ ៧០% រស់នៅតាមទីជនបទឆ្ងាយពីក្រុងដែលផ្អែកលើមុខរបរកសិកម្មជាអាជីព។ ប្រជាជនប្រមាណ ១៨% រស់នៅតាមតំបន់ជាប់បឹងទន្លេសាបផ្អែកលើអាជីវកម្មនេសាទនិងធ្វើ ចំការដំនាំផ្សេងៗ និង១២%ទៀតរស់នៅតាមទីប្រជុំជននិងក្រុងដែលមានមុខរបរពាណិជ្ជកម្ម ទេសចរណ៍ និងបុគ្គលិករដ្ឋ។ ខេត្តនេះជាតំបន់ទេសចរណ៍ដ៍សំខាន់របស់ប្រទេសកម្ពុជា ដោយសារខេត្តនេះជាទីតាំងនៃប្រាសាទអង្គរវត្ត ដ៏ល្បីល្បាញនិង ប្រាសាទបុរាណដទៃទៀតជាច្រើន។ ថ្មីៗនេះ ក្រុងសៀមរាបកំពុងប្រែក្លាយរូបរាងជាក្រុងទំនើបតាមរយៈកំនើនសណ្ឋាគារ ភោជនីយដ្ឋាន ហាងលក់ទំនិញ ជាដើមដែលបំរើអោយវិស័យទេសចរណ៍ រមណីយដ្ឋានផ្សេងទៀតដែលនៅក្បែរក្រុងសៀមរាបមាន អង្គរធំ កសាងដោយព្រះបាទជ័យវរ្ម័នទី៧ ប្រាសាទបន្ទាយស្រី ប្រាសាទតាព្រហ្ម និងប្រាសាទរាប់រយទៀត។ តំបន់អង្គរត្រូវបានរងការលុកលុយជាច្រើនដងពីពួកសៀម ហើយទីបំផុតរាជធានីអង្គរត្រូវបានបោះបង់នៅឆ្នាំ ១៤៣១ ដែលបច្ចុប្បន្នតំបន់នេះគឺជាច្រកទ្វាមួយត្រលប់ទៅអតីតកាលនៃការបែកបាក់នៃសម័យអាណាចក្រអង្គរ របស់អាណាចក្រខ្មែរ ចាប់ពីស.វទី៩ ដល់ស.វទី១៥។ សំណង់ស្ថាបត្យកម្មអង្គរ មានប្រាសាទអង្គរវត្ត គឺត្រូវបានយកជានិមិត្តរូបមកតំណាងឲ្យប្រទេសកម្ពុជា និងមានសញ្ញានៅក្នុងទង់ជាតិនៃព្រះរាជាណាចក្រកម្ពុជា ជាពិសេសគឺប្រាសាទបាយន្ត័ នៅអង្គរធំ គឺសុទ្ធសឹងតែជាស្ថាដៃរបស់បុព្វបុរសខ្មែរដែលតំណាងឲ្យសាសនា វប្បធម៌ និងប្រពៃណីជាតិ ដ៏អស្ចារ្យរបស់ខ្មែរ។
ដំណើរកម្សាន្តទស្សនាប្រាសាទ៖
លោកអ្នកអាចរីករាយទស្សនាកម្សាន្តប្រាសាទនៅក្នុងតំបន់អង្គរបានដោយអាចចាប់ផ្តើមទស្សនាពីប្រាសាទអង្គរវត្ត នៅពេលថ្ងៃជិតលិច ពេលនោះលោកអ្នកនឹងអាចថតផ្តិតយករូបភាពនៃប្រាសាទអង្គរវត្តដែលចាំងឆ្លុះពីផ្ទៃទឹកក្នុងបរិវេណប្រាសាទដ៏ស្រស់ស្អាតបំផុត។ប្រសិនបើលោកអ្នកមានបំណងចង់ទស្សនាប្រាសាទឲ្យបានច្រើនតែលោកអ្នកពុំសូវមានពេលគ្រប់គ្រាន់នោះ យើងនឹងណែនាំលោកអ្នកគួរតែអញ្ជើញមកទស្សនាប្រាសាទមួយដែលបានកសាងឡើងក្នុងស.វទី១០ គឺប្រាសាទបន្ទាយស្រី ហើយលោកអ្នកក៏អាចទៅទស្សនាប្រាសាទបេងមាលា ដែលជាប្រាសាទមួយដែលមានលក្ខណៈដូចទៅនឹងប្រាសាទអង្គរវត្តដែរ តែត្រូវបានបាក់បែកខូចខាត និងហ៊ុមព័ទ្ធទៅដោយព្រៃយ៉ាងក្រាស។ តើលោកអ្នកគួរទៅកម្សាន្តទីណាខ្លះ?
ខេត្តសៀមរាប ត្រូវបានដាក់ឈ្មោះបែបនេះដើម្បី រំលឹកដល់ជ័យជំនះនៅកងទ័ពខ្មែរលើកងទ័ពសៀមនៃរាជាណាចក្រអយុធ្យានៅសតវត្សទី១៧។ សព្វថ្ងៃខេត្តសៀមរាបត្រូវបានគេស្គាល់ទូទាំងពិភពលោកថាជាខេត្តតាំងនៅនៃ ប្រាសាទអង្គរវត្ត ដ៏ល្បីល្បាញអស្ចារ្យដែលត្រូវបានរកឃើញឡើងវិញដោយអ្នករុករកជនជាតិបារាំង លោក ហង់រី មូហូត (Henri Mouhot) ក្នុងឆ្នាំ១៨៦០ ។បច្ចុប្បន្នប្រាសាទអង្គរវត្តត្រូវបានគេដាក់បញ្ចូលទៅជា សម្បតិ្តបេតិកភណ្ឌពិភពលោក ថែមទៀតផងនាថ្ងៃទី ១៤ ធ្នូ ឆ្នាំ ១៩៩២ ។ ខេត្តនេះមានទីតាំងនៅភាគខាងពាយ័ព្យនៃប្រទេសកម្ពុជា ក្បែរបឹងទន្លេសាប ដែលធ្វើដំណើរតាមបណ្តោយផ្លូវជាតិលេខ ៦ ដែលមានចំងាយប្រវែង ៣១៤ គ.ម ពីរាជធានីភ្នំពេញ មានពំ្រប្រទល់ខាងកើតជាប់នឹង ខេត្តកំពង់ធំ និងខេត្តព្រះវិហារ ខាងលិចជាប់នឹងខេត្តបន្ទាយមានជ័យ ខាងជើងជាប់នឹងខេត្តឧត្តរមានជ័យ និងខេត្តព្រះវិហារ និងខាងត្បូងជាប់នឹងខេត្តបាត់ដំបង និងបឹងទន្លេសាប។ ព្រំប្រទល់ជាប់បឹងទន្លេសាប មានប្រវែង ៨២ គ.ម ដែលស្ថិតនៅជាប់ស្រុកជីក្រែង ស្រុកសូត្រនិគម ស្រុកប្រាសាទបាគង ស្រុកសៀមរាប ស្រុកពួក និងស្រុកក្រឡាញ់។ ទីរួមខេត្តរបស់ខេត្តនេះគឺ ក្រុងសៀមរាប។ ខេត្តនេះ មានផ្ទីដីសរុបចំនួន ១០ ២៩៩ គីឡូម៉ែត្រការ៉េ ដែលចែកចេញជាក្រុង ០១ ស្រុក ១១ ឃុំ ៨៧ សង្កាត់ ១៣ និងភូមិសរុបចំនួន ៨៧៦។ ជាទូទៅខេត្តសៀមរាបមានចរិតជាតំបន់ជនបទ។ ប្រជាជនប្រមាណ ៧០% រស់នៅតាមទីជនបទឆ្ងាយពីក្រុងដែលផ្អែកលើមុខរបរកសិកម្មជាអាជីព។ ប្រជាជនប្រមាណ ១៨% រស់នៅតាមតំបន់ជាប់បឹងទន្លេសាបផ្អែកលើអាជីវកម្មនេសាទនិងធ្វើ ចំការដំនាំផ្សេងៗ និង១២%ទៀតរស់នៅតាមទីប្រជុំជននិងក្រុងដែលមានមុខរបរពាណិជ្ជកម្ម ទេសចរណ៍ និងបុគ្គលិករដ្ឋ។ ខេត្តនេះជាតំបន់ទេសចរណ៍ដ៍សំខាន់របស់ប្រទេសកម្ពុជា ដោយសារខេត្តនេះជាទីតាំងនៃប្រាសាទអង្គរវត្ត ដ៏ល្បីល្បាញនិង ប្រាសាទបុរាណដទៃទៀតជាច្រើន។ ថ្មីៗនេះ ក្រុងសៀមរាបកំពុងប្រែក្លាយរូបរាងជាក្រុងទំនើបតាមរយៈកំនើនសណ្ឋាគារ ភោជនីយដ្ឋាន ហាងលក់ទំនិញ ជាដើមដែលបំរើអោយវិស័យទេសចរណ៍ រមណីយដ្ឋានផ្សេងទៀតដែលនៅក្បែរក្រុងសៀមរាបមាន អង្គរធំ កសាងដោយព្រះបាទជ័យវរ្ម័នទី៧ ប្រាសាទបន្ទាយស្រី ប្រាសាទតាព្រហ្ម និងប្រាសាទរាប់រយទៀត។ តំបន់អង្គរត្រូវបានរងការលុកលុយជាច្រើនដងពីពួកសៀម ហើយទីបំផុតរាជធានីអង្គរត្រូវបានបោះបង់នៅឆ្នាំ ១៤៣១ ដែលបច្ចុប្បន្នតំបន់នេះគឺជាច្រកទ្វាមួយត្រលប់ទៅអតីតកាលនៃការបែកបាក់នៃសម័យអាណាចក្រអង្គរ របស់អាណាចក្រខ្មែរ ចាប់ពីស.វទី៩ ដល់ស.វទី១៥។ សំណង់ស្ថាបត្យកម្មអង្គរ មានប្រាសាទអង្គរវត្ត គឺត្រូវបានយកជានិមិត្តរូបមកតំណាងឲ្យប្រទេសកម្ពុជា និងមានសញ្ញានៅក្នុងទង់ជាតិនៃព្រះរាជាណាចក្រកម្ពុជា ជាពិសេសគឺប្រាសាទបាយន្ត័ នៅអង្គរធំ គឺសុទ្ធសឹងតែជាស្ថាដៃរបស់បុព្វបុរសខ្មែរដែលតំណាងឲ្យសាសនា វប្បធម៌ និងប្រពៃណីជាតិ ដ៏អស្ចារ្យរបស់ខ្មែរ។
ដំណើរកម្សាន្តទស្សនាប្រាសាទ៖
លោកអ្នកអាចរីករាយទស្សនាកម្សាន្តប្រាសាទនៅក្នុងតំបន់អង្គរបានដោយអាចចាប់ផ្តើមទស្សនាពីប្រាសាទអង្គរវត្ត នៅពេលថ្ងៃជិតលិច ពេលនោះលោកអ្នកនឹងអាចថតផ្តិតយករូបភាពនៃប្រាសាទអង្គរវត្តដែលចាំងឆ្លុះពីផ្ទៃទឹកក្នុងបរិវេណប្រាសាទដ៏ស្រស់ស្អាតបំផុត។ប្រសិនបើលោកអ្នកមានបំណងចង់ទស្សនាប្រាសាទឲ្យបានច្រើនតែលោកអ្នកពុំសូវមានពេលគ្រប់គ្រាន់នោះ យើងនឹងណែនាំលោកអ្នកគួរតែអញ្ជើញមកទស្សនាប្រាសាទមួយដែលបានកសាងឡើងក្នុងស.វទី១០ គឺប្រាសាទបន្ទាយស្រី ហើយលោកអ្នកក៏អាចទៅទស្សនាប្រាសាទបេងមាលា ដែលជាប្រាសាទមួយដែលមានលក្ខណៈដូចទៅនឹងប្រាសាទអង្គរវត្តដែរ តែត្រូវបានបាក់បែកខូចខាត និងហ៊ុមព័ទ្ធទៅដោយព្រៃយ៉ាងក្រាស។ តើលោកអ្នកគួរទៅកម្សាន្តទីណាខ្លះ?
  ឧទ្យានជាតិភ្នំគូលេន មានទីតាំងនៅខេត្តសៀមរាបដែលមានផ្ទៃដី ៣៧៥០០ ហិចតា។ ឧទ្យានជាតិនេះបង្កើតឡើងនៅឆ្នាំ១៩៩៣។ កាលដើមឡើយនៅទីនេះមានឈ្មោះថា មហេន្រ្ទបវ៌ត ដែលជាឈ្មោះមួយណៃអតីតរាជធានីរបស់ខ្មែរ ក្នុងរជ្ជកាលព្រះបាទ ជ័យវរ្ម័នទី២ ដែលទ្រង់បានធ្វើដំណើរមកគង់នៅទីនេះ ដើម្បីប្រារព្ធពិធីលទ្ធិទេវរាជ មុនពេលដែលព្រះអង្គទ្រង់បង្កើតអាណាចក្រអង្គរឡើង។ អ្វីដែលពិសេសជាងនេះទៅទៀតនោះ ទីនេះគឺជាប្រភពថ្មធម្មជាតិដែលមានគុណភាពល្អ សម្រាប់ការកសាងប្រាសាទបុរាណច្រើនរាប់ពាន់ នៅក្នុងអាណាចក្រខ្មែរទាំងមូល នាសម័យកាលនោះផងដែរ។ បច្ចុប្បន្នទីនេះ មានភ្ញៀវទេសចរណ៍ ចូលមកទស្សនាជាច្រើនកុះករ ដោយសារតែទីនោះមានទឹកធ្លាក់ដ៏ត្រជាក់ស្រេបដល់បេះដូង ដែលហូរចេញមកពីស្ទឹងលិង្គ១០០០ នៅលើភ្នំគូលេនតែម្តង។ ប្រាសាទត្រពាំងរង ឬ ប្រាសាទអារាមរោងចិន ដែលជាស្ថាព្រះហស្តរបស់ព្រះបាទជ័យវរ្ម័នទី២ បានបន្សល់ទុកក៏មានទីតាំងនៅលើភ្នំគូលេននេះដែរ ជាពិសេស លោកអ្នកអាចឡើងទស្សនារូបសំណាក ព្រះអង្គធំ ដែលមានព្រះនេត្រជាគ្រាប់ពេចន៍ ត្រូវបានសង់ឡើងជាប់នឹងថ្មភ្នំធម្មជាតិ ក្នុងអារាមមួយនៅលើកំពូលនៃភ្នំគូលេន។ លោកអ្នកអាចចូលមកអុជធូបគោរពបូជា និងបួងសួងសុំសេចក្តីសុខសប្បាយ តាមជំនឿរៀងៗខ្លួន។ នៅមានកន្លែងកម្សាន្តជាច្រើនទៀត នៅឧ្យានជាតិភ្នំគូលេន មានដូចជា អន្តូងទឹក៧ពណ៌ ស្ទឹងលិង្គ១០០០ អាស្រមឥសីសច្ចំ ជាដើម។ លោកអ្នកក៏មិនអាចបំភ្លេចបានដែរ នូវបរិយាកាសដ៏សប្បាយរីករាយបំផុតនៃការទទួលទានអាហារពេលថ្ងៃត្រង់ និងងូតទឹកលេងកម្សាន្តនៅលើភ្នំគូលេន ក្បែរទឹកជ្រោះព្រៃភ្នំដ៏ថ្លាឆ្វង់ផងដែរ។ |
 មជ្ឈមណ្ឌលភូមិវប្បធម៌កម្ពុជា ជាមជ្ឈមណ្ឌលអភិរក្សមួយ ដែលបានបង្កើតឡើងដោយជនជាតិបរទេសមួយរូប។ មជ្ឈមណ្ឌលនេះមានទីតាំងស្ថិតនៅក្នុងក្រុងសៀមរាបតែម្តង។ នៅទីនោះមានសំណង់អគារបែបលក្ខណៈប្រពៃណីបុរាណខ្មែរ សួនច្បារស្រស់ស្អាត ស្ពានឆ្លងកាត់ទឹកខ្វាត់ខ្វែង ជាពិសេស គឺមានការសម្តែងជាច្រើនដែលបង្ហាញពីទំនៀមទម្លាប់ខ្មែរតាំងពីសម័យបូរាណកាលមក ដូចជា ពិធីរៀបអាពារហ៍ពិពារហ៍ ជីវភាពរស់នៅរបស់ជនជាតិភាគតិចខ្មែរ ការសម្តែងរបាំប្រពៃណី និង ការសម្តែងផ្សេងៗទៀតជាច្រើន។ លោកអ្នកក៏អាចអញ្ជើញមកពិសារអាហារពេលល្ងាចបែបបូហ្វេយ៉ាងឈ្ងុយឆ្ងាញ់ពិសានៅក្នុងមជ្ឈមណ្ឌលភូមិវប្បធម៌នេះផងដែរ។ |
 ផ្សាររាត្រី និង ក្លឹបកម្សាន្តពេលរាត្រី Pub Street និង ផ្សាររាត្រីជាកន្លែងដែលពេញនិយមបំផុតក្នុង ក្រុងសៀមរាប សម្រាប់ការដើរកម្សាន្តនាពេលរាត្រី។ លោកអ្នកអាចរីករាយជាមួយនឹងការដើរទិញឥវ៉ាន់ដ៏សម្បូរបែប ភ្លក្សរសជាតិអាហារប្លែកៗ និងចូលទៅកម្សាន្តនៅតាមក្លឹបនីមួយៗ ដែលមានមនុស្សម្នាកកកុញ មានទាំងជនបរទេស និងជនជាតិខ្មែរយើង ដែលពួកគាត់សុទ្ធតែមានទឹកមុខញញឹមញញែម សប្បាយខ្ញៀវខ្ញារ និង កំពុងតែ រាំរេក ប្រកៀកស្មាគ្នា យ៉ាងកក្អឹកកក្អេងតែម្តង។។ |
 សារៈមន្ទីរជាតិអង្គរ ជាសារៈមន្ទីរមួយដែលបានបើកឲ្យដំណើរការឡើងនាថ្ងៃទី ១២ វិច្ឆិកា ឆ្នាំ ២០០៧ និងគ្រប់គ្រងដោយស្ថាប័នឯកជនមួយ ដែលមានដៃគូអន្តរជាតិនិងមានមូលដ្ឋានក្នុងទីក្រុងបាងកក។ នៅទីនេះមានតម្កល់នូវវត្ថុបុរាណជាច្រើនប្រភេទ ដែលបានបន្សល់ទុកពីសម័យអង្គរ ដែលជាសម័យកាលដ៏រុងរឿងរបស់អាណាចក្រខ្មែរ ហើយក៏មានតម្កល់នូវវត្ថុបុរាណផ្សេងៗទៀតដែលយកមកពីសារៈជាតិក្រុងភ្នំពេញ។សារៈមន្ទីរនេះមានទីតាំងស្ថិតនៅមហាវិថី Charles de Gaulle ផ្លូវលេខ ៩៦៨ ក្រុងសៀមរាប។ លោកអ្នកអាចទស្សនានូវការតាំងបង្ហាញផ្សេងៗ ដែលបានដាក់តាំងនៅក្នុងវិចិត្រសាលទាំង៨ នៃសារៈមន្ទីរនេះ ហើយលោកអ្នកក៏អាចទិញនូវវត្ថុអនុស្សាវរីយ៍ សម្លៀកបំពាក់ និងរបស់របរផ្សេងៗទៀតដែលមានដាក់លក់នៅទីនេះផងដែរ។ |
 ដំណើរទស្សនាតាមសហគមន៍ ក្រៅពីដំណើរកម្សាន្តតាមគោលដៅសំខាន់ៗក្នុងខេត្តសៀមរាប ភ្ញៀវទេសចរ ទាំងអស់គួរតែសាកល្បងធ្វើដំណើរកម្សាន្តជាលក្ខណៈបែបសហគមន៍វិញម្តង។ លោកអ្នកអាចជិះកង់ ម៉ូតូ ឬ សេវាដឹកជញ្ជូនផ្សេងៗទៀតក្នុងខេត្តសៀមរាប ដើម្បីធ្វើដំណើររីករាយកម្សាន្តទស្សនាពីជីវភាពរស់នៅ និងការប្រកបរបរចិញ្ចឹមជីវិត របស់ប្រជាជនរស់នៅក្នុងខេត្តសៀមរាប។ មានសហគមន៍ជាច្រើនប្រភេទនៅក្នុងខេត្តសៀមរាប ដែលលោកអ្នកគួរតែទៅទស្សនា មានដូចជា សហគមន៍ តំបាញសូត្រ និង តំបាញផ្តៅ ឬ ឬស្សីជាដើម។ |
No comments:
Post a Comment