អាចម៍រុយថ្មីៗ កម្ចាត់បានងាយណាស់!
អាចម៍រុយ អាចកើតមានលើស្បែករបស់យើង ដោយមូលហេតុផ្សេងៗ គ្នាជាច្រើន ចំណែកឯការព្យាបាលវិញក៏អាស្រ័យទៅលើថា វាបានកើតនៅលើស្បែករយៈពេលយូរប៉ុណ្ណាហើយ។ អាចម៍ដែលកើតថ្មី កាន់តែថ្មីៗ ការព្យាបាលកាន់តែមានភាពងាយស្រួលឡើង។ នេះគឺជារបៀបនៃការព្យាបាលមួយចំនួន ដែលអាចជួយឱ្យអ្នកអាចមានអារម្មណ៍ធូរស្បើយពីក្តីបារម្ភ ដែលកើតឡើងដោយសារការឡើងអាចម៍រុយ។
ប្រទាលកន្ទុយក្រពើ ៈ អាចម៍រុយថ្មីៗ អាចព្យាបាលបានយ៉ាងងាយ ព្រមទាំងប្រកបដោយប្រសិទ្ធភាព តាមរយៈការប្រើប្រាស់ជាតិ ជែលដែលមាននៅក្នុងប្រទាលកន្ទុយក្រពើ។ លោកអ្នកក៏អាចប្រើក្រែម ឬជែលដែលផលិតពីប្រទាលកន្ទុយក្រពើបានដែរ ប៉ុន្តែត្រូវប្រាកដក្នុងចិត្តថាវាជាក្រែម ឬជែលដែលមានជាតិ ជែលពីប្រទាលកន្ទុយក្រពើយ៉ាងតិច 50%។
ដំឡូងបារាំងឆៅ ៈ ទឹកដែលមាននៅក្នុងដំឡូងបារាំងឆៅ គឺជាឱសថធម្មជាតិដ៏ប្រសើរមួយ ក្នុងការកម្ចាត់ចោលរាល់អាចម៍រុយទាំងឡាយ ដែលមានវត្តមាននៅលើស្បែក។ ទឹកដំឡូងបារាំងឆៅ នឹងដើរតួជាភ្នាក់ងារកម្ចាត់ជាតិពណ៌ត្នោត ឬក្រម៉ៅដែលមាននៅលើស្បែកចេញ។ លទ្ធផលអាចមើលឃើញ ក្នុងរយៈពេលប្រហែលជាមួយសប្តាហ៍ក្រោយមក (សម្រាប់អាចម៍រុយដែលកើតថ្មី)។
ទឹកខ្មេះ ៈ អាចរាប់ទុកថា ជាឱសថកំពូលមួយប្រភេទដែរ ដែលត្រូវបានរើសយកមកប្រើប្រាស់ ដើម្បីកម្ចាត់ភាពមិនស្មើគ្នានៃពណ៌នៅលើស្បែក។ ទឹកខ្មេះ មានជាតិអាស៊ីតអាសេទិច ដែលដើរតួជាភ្នាក់ងារជួយកម្ចាត់ជាតិពណ៌ខ្មៅ បន្ថែមភាពសដល់ស្បែក។ ភាគច្រើនទឹកខ្មេះទឹកត្នោត ជាជម្រើសដ៏ល្អបំផុត (លាយទឹកខ្មេះជាមួយទឹកធម្មតា ក្នុងបរិមាណស្មើគ្នា រួចសឹមយកល្បាយនោះទៅលាងសម្អាតផ្ទៃមុខ)។
ការពារស្បែករាល់ថ្ងៃ ដោយឡេការពារកម្តៅថ្ងៃ ៈ ដោយសារតែមួយផ្នែកនៃការកើតអាចម៍រុយ បានមកពីការទទួលរងឥទ្ធិពលពីពន្លឺព្រះអាទិត្យនោះ អ្នកមានបទពិសោធភាគច្រើន ណែនាំឱ្យអ្នកការពារស្បែកជារៀងរាល់ថ្ងៃ ដោយការប្រើឡេការពារកម្តៅថ្ងៃ។ ពួកគេបានរៀបរាប់ថា បើទៅជាវាមិនអាចការពារស្បែកបាន 100%ក្តី តែយ៉ាងហោចណាស់ក៏វាអាចជួយបានខ្លះដែរ។
ការព្យាបាលដោយ ឡាស៊ែរ ៈ នេះគឺជាវិធីព្យាបាលថ្មីមួយ តាមបច្ចេកទេសទំនើប ឆាប់ទទួលបានប្រសិទ្ធភាព ទាំងចំពោះអាចម៍រុយថ្មី និងអាចម៍រុយចាស់។
បន្ទាត់ខាងលើបានជម្រាបមិត្តអ្នកអានរួចហើយថា អាចម៍រុយកាន់តែនៅថ្មី កាន់តែងាយក្នុងការព្យាបាល ដូច្នេះសូមរួសរាន់ឡើង ចាប់ផ្តើមព្យាបាលបញ្ហាអាចម៍រុយនេះភ្លាមទៅ៕
No comments:
Post a Comment