១.ធ្វើឲ្យគេដឹងថា អ្នកគិតដល់គេ
មិនថាតាមរយះទូរស័ព្ទ SMS, Email ឬតាមមធ្យោបាយទំនាក់ទំនងផ្សេងទៀតនោះទេ ប្រសិនបើគេនៅឆ្ងាយត្រូវព្យាយាមទំនាក់ទំនងគេ ដើម្បីបញ្ជាក់ឲ្យគេដឹងពីការព្រួយបារម្ភរបស់អ្នក។
២.គោរពគ្នាទៅវិញទៅមក
វាគឺជារឿងដែលសំខាន់ជាងគេ ក្នុងការចងចិត្តដៃគូររបស់អ្នក។ កុំចាត់ទុកគេ គឺជាកម្មសិទ្ធផ្ទាល់ខ្លួន ដែលអាចធ្វើអ្វីចំពោះគេ ក៏បាននោះ។ ការបំបិទសេរីភាព របស់គេ មិនមែន ជាហេតុផលល្អ ដើម្បីចងចិត្តគេឡើយ។
៣.យកចិត្តទុកដាក់ចំពោះមិត្តភិក្ត និងក្រុមគ្រួសាររបស់គេ
សូមកុំគិតថាទំនាក់ទំនងរបស់អ្នក គឺមានតែពីរនាក់ ហើយព្យាយាមកាត់ផ្តាច់ខ្លួនគេចេញពីមិត្ត និងក្រុមគ្រួសាររបស់គេឲ្យសោះ។ អ្នកគួរចេញទៅក្រៅជាមួយគ្នា ដើម្បីទៅសួរសុខទុក្ខមិត្តភិក្ត និងក្រុមគ្រួសាររបស់គេទើបជាការល្អបំផុត។
៤.សុំទោសពេលធ្វើឧស
កុំខ្លាច ឬខ្មាស់អៀនក្នុងការសុំទោស។ បើវាជាការសុំទោស បែបសុទ្ធចិត្ត គ្មាននរណាចិត្តអាក្រក់មិនព្រមលើកលែងឲ្យមនុស្សដែលដឹងកំហុសខ្លួន ឯងឡើយ។ បន្ទាប់មកទៀត អ្នកត្រូវទុកពេលវេលា សំរាប់ឲ្យដៃគូរបស់អ្នកបាត់ខឹង និងលើកលែងទោសឲ្យអ្នក។
៥.កុំអាត្មានិយម
មានបុគ្គលមួយចំនួន មានគំនិតអាត្មានិយម កេងចំណេញ ពីដៃគូរបស់ខ្លួន ឬទទូចឲ្យដៃគូធ្វើអ្វីមួយ ដើម្បីប្រយោជន៏ផ្ទាល់ខ្លួន។ ឧទាហរណ៏: ទទូចចង់ឲ្យដៃគូ ទិញសំភារះ ដែលមានតម្លៃថ្លៃជាដើម។
៦.ជូនកាដូនៅថ្ងៃសំខាន់
កាដូ មិនចាំបាច់ថ្លៃពេកទេ ព្រោះថាទឹកចិត្តអ្នក ដែលចងចាំថ្ងៃសំខាន់របស់គេ គឺវាពិសេសបំផុតទៅហើយ។
៧.ធ្វើជាអ្នកស្តាប់ ដ៏ល្អ
ទាំងរឿងក្រៀមក្រំ លំបាកចិត្ត រឿងគ្មានប្រយោជន៏ផ្សេងៗទៀត ដែលគេនិយាយប្រាប់អ្នក។ អ្នកគួរត្រងត្រាប់ស្តាប់ដោយយកចិត្តទុកដាក់ ហើយអ្នកប្រាប់ថាល្អ និងគួរឲ្យចាប់អារម្មណ៏។
៨.ស្វែងរករឿងថ្មីៗ
ធ្វើរួមគ្នា ដែលអាចជៀសវាងភាពច្រំដែល ធុញទ្រាន់ ដែលអាចឈានទៅរកការទាស់ទែងគ្នា កំណត់ព្រំដែននៃការនិយាយស្តីនៅពេលខឹងកុំចេះតែនិយាយ ដើម្បីឲ្យតែរួចពីមាត់ត្រូវចេះពិចារណា។ ផ្អាកការនិយាយរបស់អ្នក ប្រសិនបើស្ថានការកាន់តែមានភាពតានតឹង។
No comments:
Post a Comment