ទីភ្នាក់ងារព័ត៌មានបរទេសផ្សាយថា វៀតណាមនឹងក្លាយជាប្រទេសចុងក្រោយនៅអាស៊ីដែលផ្តល់សេរីភាពលើការភ្នាល់ជាពិសេសគឺតម្រុយបើកការភ្នាល់បាល់ទាត់ រួមទាំងភ្នាល់លើកីឡាផ្សេងៗដើម្បីលុបបំបាត់ផលប៉ះពាល់ដល់សម្ព័ន្ធដែលបើកល្បែងស៊ីសងដោយខុសច្បាប់ ។ លោកវង់ ឌីនហ៊ូ រដ្ឋមន្ត្រីក្រសួងហិរញ្ញវត្ថុវៀតណាមបានធ្វើដំណើរទស្សនកិច្ចទៅកាន់ប្រទេសសិង្ហបុរីដើម្បីសិក្សាស្វែងយល់ពីឧស្សាហកម្មលើកីឡាករភ្នាល់នៅសិង្ហបុរី និងមានការចរចាជាមួយមន្ត្រីជាន់ខ្ពស់ ។
លោកបានថ្លែងថា វៀតណាមអាចស្វែងយល់ពីគំរូនៅសិង្ហបុរីក្នុងការបង្កើតក្រុមហ៊ុនភ្នាល់បាល់ដោយស្របច្បាប់ ។ នៅក្នុងរបាយការណ៍បញ្ជាក់ថា កន្លងមក ទោះបីជាវៀតណាមមានកាស៊ីណូក៏ដោយ ប៉ុន្តែការភ្នាល់បាល់នៅតំបន់អឺរ៉ុបរបស់ជនជាតិវៀតណាមចាត់ទុកថា មានការពេញនិយមយ៉ាងខ្លាំង។ ក្រៅពីនេះ ក៏នៅមានជនជាតិវៀតណាម ជាច្រើនបានធ្វើដំណើរទៅប្រទេសកម្ពុជាដើម្បីភ្នាល់បាល់ក្នុងកាស៊ីណូ។
ទោះជាយ៉ាងណា ក្នុងពេលបច្ចុប្បន្ននៅមិនទាន់មានលក្ខណៈប្រាកដប្រជាណាមួយ តើរដ្ឋាភិបាលវៀតណាម នឹងអនុញ្ញាតឱ្យក្រុមហ៊ុនឯកជន រួមទាំងក្រុមហ៊ុនបរទេស ចូលទៅវិនិយោគទុនលើការភ្នាល់នៅវៀតណាមឬយ៉ាងណា ? តាមការប៉ាន់ប្រមាណរបស់ក្រុមហ៊ុន ប្រៃវ័រធ័រហាវគូព័របញ្ជាក់ថា អាស៊ីគឺជាទីផ្សារយ៉ាងសំខាន់គួរឱ្យវិនិយោគលើជំនាញការភ្នាល់បាល់ ខណៈពេលនៅតំបន់អឺរ៉ុបកំពុងជួបវិបត្តិបំណុល ។
មានការរំពឹងទុកថា អាស៊ីនឹងក្លាយជាប្រភពទ្រទ្រង់ចំណូលលើផ្នែកការភ្នាល់នៅលើពិភពលោកប្រហែល៤៣% នៅមុនឆ្នាំ២០១៥ឬកើនលើស២៩% ក្នុងឆ្នាំ២០១០ ខណៈពេលវៀតណាមអាចក្លាយជាប្រភពភ្នាល់ថ្មីជាច្រើនផ្នែកពីចំណោមប្រជាជនដែលមានចំនួនជាង៩០លាននាក់ និងជាប្រភពទេសចរណ៍ដែលមានការទាក់ទាញជនបរទេសយ៉ាងច្រើន ។ គួរបញ្ជាក់ថា ក្នុងពេលកន្លងមក អ្នកគ្រប់គ្រងកាស៊ីណូ«ឡាសវេហ្គាស សេន» នៅសិង្ហបុរីបានថ្លែងថា គេបានព្យាយាមស្នើសុំរដ្ឋាភិបាលវៀតណាមអនុញ្ញាតឱ្យក្រុមហ៊ុនចូលទៅបង្កើតទីតាំងកាស៊ីណូ និងសាលប្រជុំនៅក្នុងប្រទេសនេះផងដែរ ៕
No comments:
Post a Comment