ទីភ្នាក់ងារព័ត៌មានបរទេសកាលពីពេលថ្មីៗកន្លងមក ផ្សាយឱ្យដឹងថា តាមលទ្ធផលអង្កេតស្រាវជ្រាវដែលរៀបចំឡើងដោយមហាវិទ្យាល័យចិននៅហុងកុងបង្ហាញថា ភាសាចិនកុកងឺ ឬចិនប៉េកាំង ជាភាសាទំនាក់ទំនងលំដាប់ទី២នាំមុខភាសាអង់គ្លេស ។ លទ្ធផលនៃការអង្កេតបង្ហាញឱ្យឃើញថា ប្រហែល៤៨% នៃជនជាតិហុងកុងអាចនិយាយភាសាចិនកុកងឺ ឬចិនប៉េកាំង ខណៈពេល៤៦% និយាយភាសាអង់គ្លេស ។ ការកើនឡើងនេះ ចាត់ទុកថាបានដំណើរការយ៉ាងឆាប់រហ័ស បើប្រៀបធៀបនឹង១០ឆ្នាំមុន ដែលមានជនជាតិចិន ត្រឹមតែ១ភាគ៣ និយាយភាសាចិនកុកងឺ ។
រដ្ឋាភិបាលក្រុងហុងកុងបានសហការជាមួយសភាផ្សព្វផ្សាយឱ្យប្រើប្រាស់ភាសាកុកងឺនៅហុងកុង ។ កាលពីឆ្នាំ១៩៩៨ ។ ភាសាកុកងឺបានក្លាយជាមុខវិជ្ជារៀនក្នុងសាលាបឋមសិក្សា និងក្លាយជាវិញ្ញាសាទូទៅនៅឆ្នាំ២០០០ ។ ទោះជាយ៉ាងណាក៏ដោយ តាមលំហូរនៃចំនួនភ្ញៀវទេសចរនិងអ្នកជំនួញរបស់ចិន បានធ្វើឱ្យកើតការជំទាស់នៅហុងកុង កាលពីប៉ុន្មានខែកន្លងមក ដោយជនជាតិហុងកុង មានអារម្មណ៍ ថា ភាសាចិនកុកងឺឬចិនប៉េកាំងគឺជាសត្រូវនិងគំរាមកំហែងដល់ពួកគេ កើនឡើងពី១,៨% ដល់៧,៣% នៃអំឡុងពេល៤ឆ្នាំមុន ។ បច្ចុប្បន្ន ជនជាតិហុងកុងនិយមប្រើភាសាចិនក្វាងទុង ធ្វើជាភាសាយាននៅក្នុងស្រុក ៕
No comments:
Post a Comment