ប្រភពពីទីភ្នាក់ងារព័ត៌មានបរទេស កាលពីថ្ងៃទី១២ មីនា កន្លងមក ផ្សាយឱ្យដឹងថា បុរសជាឪពុកជនជាតិចិនអាយុ៣២ឆ្នាំម្នាក់ ដែលមានជំងឺផ្លូវចិត្ត បានខាំអវយវៈភេទកូនប្រុសអាយុ៦ឆ្នាំរហូតដាច់ រួចខ្ជាក់បោះចោល ។ ហេតុការណ៍ដ៏រន្ធត់នេះ បានកើតឡើងនៅទីក្រុងសឺនចើន តំបន់ក្វាងទុង ក្នុងពេលដែលបុរសជាឪពុកនោះកំពុងដើរជាមួយកូនប្រុស និងកូនស្រីអាយុ៤ឆ្នាំនៅតាមដងផ្លូវ ហើយបានបង្ខំឱ្យកូនប្រុសបង្ហាញអវយវៈភេទ ប៉ុន្តែកូនប្រុសនោះបដិសេធមិនធ្វើតាមធ្វើឱ្យគេខឹងយ៉ាងខ្លាំងក៏បានស្ទុះទៅចាប់សម្រាតខោរួចខាំអវយវៈភេទរបស់កូនប្រុសរហូតដាច់រួចខ្ជាក់ចោល ។
ចំណែកគ្រូពេទ្យបង្ហើបឱ្យដឹងថា ក្រុមគ្រូពេទ្យបានទទួលជោគជ័យក្នុងការដេរភ្ជាប់អវយវៈភេទរបស់ក្មេងប្រុស ប៉ុន្តែនៅមិនទាន់មានភាពប្រាកដប្រជាថា តើអវយវៈភេទរបស់ក្មេងនោះនឹងអាចប្រើប្រាស់បានជាប្រក្រតី ឬអត់ ។ ប៉ូលិសបានបញ្ជាក់ប្រាប់ថា ឪពុកម្នាក់នេះមានជំងឺផ្លូវចិត្ត ព្រោះមានមនុស្សបានឃើញគេព្យាយាមច្របាច់កកូនប្រុសរបស់ខ្លួន ។ ទោះបីបែបណាប៉ូលិសកំពុងធ្វើការស៊ើបអង្កេតបុរសខាងលើ ដោយមានជំនឿថា គេពិតជាមានបញ្ហាផ្លូវចិត្តមែន ដោយសារជំពាក់បំណុលគេបណ្តាលមកពីរកស៊ីជួញដូរខាត និងចូលចិត្តលេងល្បែងភ្នាល់ រីឯបងប្អូនញាតិមិត្តកំពុងត្រៀមយកក្មេងប្រុសរងគ្រោះ និងកូនស្រីទៅចិញ្ចឹម ៕
No comments:
Post a Comment