រហូតមកទល់សព្វថ្ងៃនេះ, ទម្លាប់បរិភោគដីនៅតែត្រូវបានរក្សាទុកក្នុងសហគមន៍ប្រជាជនជាច្រើនលើពិភពលោក ។ ការស្រាវជ្រាវជាច្រើនអំពីបាតុភូតចម្លែកនេះ ត្រូវបានដំណើរការ សំដៅបកស្រាយហេតុអ្វីមានមនុស្សច្រើនគួរសម " ញៀន" បរិភោគដីដល់ថ្នាក់នេះ ។ គំហើញថ្មីៗបំផុតបានបង្ហាញថា ទម្លាប់បរិភោគដី ពុំមែនចាប់ប្រភពពីមូលហេតុប្រឆាំងការឃ្លាន ឬដើម្បីបំពេញសារជាតិកំពុងខ្វះសម្រាប់សរីរាង្គ ដូចដែលគេធ្លាប់បានគិតឡើយ ។
ពីទម្លាប់យូរអង្វែងយ៉ាងចម្លែកមួយ
ជាច្រើនជំនាន់មកហើយ, ប្រជាជននៅតំបន់ខាងកើតកោះ Pemba នៅទ្វីបអាហ្វ្រិក តែងបង្ហាញក្តីសោមនស្សរីករាយពេលឃើញទិដ្ឋភាពយុវតីក្មេងៗ ចាប់ផ្តើមបរិភោគដី, ព្រោះថានោះជាសញ្ញាឱ្យដឹងថាស្ត្រីកំពុងមានគភ៌ ។ តាមសាស្ត្រាចារ្យ Sera Young- ជំនាញការជាតិពន្ធុវិទ្យាជនជាតិអាមេរិកដ៏ល្បីឈ្មោះ, ជាអ្នកដែលបានចំណាយពេលស្ទើរពេញមួយជីវិតក្នុងការស្រាវជ្រាវ geophagy- ពោលគឺទម្លាប់បរិភោគដីរបស់មនុស្ស, នោះនៅបណ្តាទ្វីបទាំងអស់លើពិភពលោក (លើកលែងប៉ូលខាងត្បូង) សុទ្ធតែមាន មនុស្សចូលចិត្តបរិភោគដី ។ ពិសេសកុមារនិងស្ត្រីមានគភ៌ ជាមុខសញ្ញា ឧស្សាហ៍ជួបបំផុត ។ ចំពោះអ្នកទាំងនេះរបបបរិភោគមធ្យមក្នុងមួយថ្ងៃរបស់ពួកគេតិចបំផុតប្រមាណ២៥ក្រាម ។
ការស្រាវជ្រាវរបស់សាស្ត្រា Sero Young នៅបង្ហាញថា ទម្លាប់បរិភោគដីបានគង់វង្សតាំងពីយូរអង្វែងមកហើយ, មិនតែប៉ុណ្ណោះមនុស្សសម័យបុព្វកាលក៏ធ្លាប់ចំណុះទម្លាប់នេះ ។ នៅកន្លែងគាស់កកាយបុរាណវិទ្យាមួយនៅទ្វីបអាហ្វ្រិក, គេបានរកឃើញយ៉ាងច្រើននៅម្សៅដីឥដ្ឋជិតស្និទ្ធជាមួយជីវភាពរស់នៅរបស់មនុស្ស ហើយបណ្តាការស្រាវជ្រាវវិទ្យាសាស្ត្រក្រោយមកបញ្ជាក់ឱ្យឃើញថា ម្សៅដីឥដ្ឋនេះដែលមានអាយុកាលតាំងពី២លានឆ្នាំមុន បានស្ថិតនៅក្នុងសមាសភាពអាហាររបស់កុមារ ។ ជាធម្មតា, ស្ត្រីមានគភ៌មិនបរិភោគដីដែលមាននៅក្បែរផ្លូវដើរ, ពួកគេតែងចំណាយកម្លាំងស្វែងរក "ផលិតផល" ត្រូវស្តង់ដារ ។ ពួកគេជីកកកាយដីឥដ្ឋនៅក្នុងអណ្តូងពិសេស ឬយកពីទីកន្លែងកំណត់ណាមួយ ។
ភស្តុតាងមនុស្សបរិភោគដី "ញៀន" ដល់ថ្នាក់ណានោះ ត្រូវបានអ្នកប្រាជ្ញជនជាតិអាល្លឺម៉ង់ Alexander Von Humbodt រកឃើញជាង២០០ឆ្នាំមុន, ពេលលោកស្រាវជ្រាវជីវភាពរបស់ប្រជាជននៅតំបន់ស្ថិតក្នុងប្រទេសវេណេហ្ស៊ូអេឡាបច្ចុប្បន្ន ។ ជនជាតិស្បែកក្រហម Otomac តំបន់, តាមកំណត់ត្រារបស់លោក -តែងជ្រើសយកប្រភេទដីនៅស្រទាប់ដី "មានជីវជាតិបំផុតនិងម៉ដ្ឋបំផុត" បន្ទាប់មកយកមកលាយជាមួយទឹក, ចម្រោះកាកទឹកស្រង់យកស្រទាប់កាករងសុទ្ធបំផុតយកទៅហាលឬឆ្អើរក្រៀមទុកទទួលទានសន្សឹមៗ ។ ក្នុងឯកសារទាំងឡាយរបស់ខ្លួន, Humboldt សរសេរថា "ជនជាតិស្បែកក្រហមនៅតំបន់ដែនដីស្ថិតក្នុងប្រទេសវេណេហ្ស៊ូអេឡាបច្ចុប្បន្ន បរិភោគដីក្នុងបរិមាណយ៉ាងច្រើន ។ ពួកគេនៅចេះរក្សាទុកផលិតផលនេះនៅសណ្ឋាន គ្រាប់តូចៗ ឆ្អើរក្រៀមសម្រាប់ពេលមានគ្រោះអត់ឃ្លាន" ។
ដល់ទឡី្ហករណ៍មួយ...
ទឡី្ហករណ៍ពីយូរយារមកហើយ ដែលត្រូវបានមនុស្សជាច្រើនយល់ស្របដូចគ្នា គឺ ៖ មនុស្សចូលចិត្តបរិភោគដី ដោយសារដីមានឥទ្ធិពលដូចជាឱសថព្យាបាលជំងឺមួយប្រភេទ ។ តាំងពីយូរមកម្ល៉េះ, មនុស្សបានដឹងថា ដីឥដ្ឋជាប្រភពផ្គត់ផ្គង់ដ៏សម្បូរនូវម៉ាញ៉េស្យូម, កាល់ស្យូម, ប៉ូតាស្យូម, ដែកនិងសារជាតិជីវជាតិផ្សេងៗទៀត ។
ទើបតែថ្មីៗនេះបំផុត, ជំនាញការជនជាតិអង់គ្លេស, សាស្ត្រចារ្យ Peter Hood បែរជាអះអាងថា ពេលបរិភោគដី វត្ថុធាតុនេះនឹងយកពីសរីរាង្គនូវបរិមាណសារជាតិរ៉ែច្រើនជាងអ្វីដែលវាផ្តល់ឱ្យ ។ រួមជាមួយសហសេវិករបស់ខ្លួន, សាស្ត្រាចារ្យ Hood បានធ្វើសេចក្តីសន្និដ្ឋានយ៉ាងដូច្នេះ ក្រោយពេលពួកគេទទួលបានលទ្ធផលពីប្រតិកម្មគីមីមួយ រវាងដីភក់ និងវត្ថុរាវបញ្ចោញពីប្រព័ន្ធរំលាយអាហារក្នុងលក្ខខណ្ឌបន្ទប់ពិសោធន៍ ។ ពួកអ្នកវិទ្យាសាស្ត្របានច្របល់ដីឥដ្ឋ, វត្ថុរាវបញ្ចេញពីក្រពះ និងពពួកសារជាតិជីវជាតិចម្រុះ, បន្ទាប់ មកវិភាគសមាសធាតុគីមីរបស់ល្បាយ បង្កើតក្នុងសីតុណ្ហភាពប្រហាក់ប្រហែលសីតុណ្ហភាពរាងកាយ ។ លទ្ធផលវិភាគ បង្ហាញថា សារជាតិជីវជាតិចម្រុះជាច្រើនបានចងសម្ព័ន្ធជាមួយរចនាសម្ព័ន្ធដ៏សែនតូចរបស់ដីឥដ្ឋ- ប្រតិកម្មនាំដល់ស្ថានភាពថយចុះសមាសធាតុដែក, ស័ង្កសី និងស្ពាន់ក្នុងល្បាយ ។ រឿងនេះក៏ស្របជាមួយនឹងការសង្កេតដែលអ្នកប្រាជ្ញ Sera Young កត់ត្រាបានក្នុងពេលវេលាអនុវត្តន៍គម្រោងស្រាវជ្រាវនៅកោះ Pemba - ស្ត្រីបរិភោគដីជាច្រើនបានកើតជំងឺខ្វះឈាម និងថយចុះសារជាតិ ដែកធ្ងន់ធ្ងរក្នុងឈាម ។
តាមអ្នកវិទ្យាសាស្ត្រទាំង២នោះ គឺអាស្រ័យដោយការស្រូបសារជាតិជីវជាតិរបស់ម៉ូលេគុលដីឥដ្ឋ ហេតុនេះដីឥដ្ឋទើបមានឥទ្ធិពលលាងជម្រះយកចេញសារជាតិពុលមានក្នុងសរីរាង្គ, ជួយសរីរាង្គកម្ចាត់ចោលសារជាតិចម្រុះ ពិសពុល, វាដូចជាឱសថលាងសម្អាតក្រពះមានប្រសិទ្ធភាពបំផុត ៕
Subscribe to:
Post Comments (Atom)
NEWS
http://www.everyday.com.kh/
http://www.kohsantepheapdaily.com.kh/
http://www.dap-news.com/
http://www.cambodiawindow.com/
http://www.cam111.com/
http://www.ksn-news.com/
http://www.cen.com.kh/
http://www.ken.com.kh/
http://www.clv-triangle.vn/
http://www.socialnews.com.kh/
http://www.kohsantepheapdaily.com.kh/
http://www.dap-news.com/
http://www.cambodiawindow.com/
http://www.cam111.com/
http://www.ksn-news.com/
http://www.cen.com.kh/
http://www.ken.com.kh/
http://www.clv-triangle.vn/
http://www.socialnews.com.kh/
http://www.camnews.com.kh/
http://www.cambodiaworks
http://www.cambodia.org
http://www.cambodiaworks
http://www.cambodia.org
No comments:
Post a Comment