ដោយប្រើប្រាស់រូបភាពពីផ្កាយរណប និងការស្រាវជ្រាវដល់ទីកន្លែង អ្នកវិទ្យាសាស្ដ្រចិនបានចង្អុលបង្ហាញពីប្រភពនៃទន្លេមេគង្គដែលមានចម្ងាយប្រហែល ៤.៩០៩ គីឡូម៉ែត្រពីមាត់ទន្លេ ។
អ្នកវិទ្យាសាស្ដ្របានដឹងជាយូរមកហើយថា ទន្លេមេគង្គមានប្រភពកំណើតមកពី ព្រិលនិងទឹកកកដែលរលាយនៅរាល់រដូវក្ដៅនៅក្នុងតំបន់ដាច់ស្រយាលលើខ្ពង់រាប ទីបេត៍ ។ ប៉ុន្ដែតើកន្លែងណាដែលជាចំណុចចាប់ផ្ដើមពិតប្រាកដនៃទន្លេនេះ ? ក្រុមស្រាវជ្រាវមួយដឹកនាំដោយលោកបណ្ឌិត លូ សាវជួង (Liu Shaochuong) នៃបណ្ឌិតសភាវិទ្យាសាស្ដ្រចិនគិតថា ប្រហែលជាព្រែកនានាតាមជើងភ្នំ ជីហ្វូ (Jifu) ស្ថិតនៅតាមបណ្ដោយព្រំប្រទល់ប្រទេស ហាសឌួ (Zadou) នៃខេត្តគីងហាយ ។ យោងទៅតាមការសិក្សាដែលពួកគេបានបោះពុម្ពនៅក្នុងខែមីនា នៅក្នុងទស្សនាវដ្ដីវិទ្យាសាស្ដ្រនៃរបកគំហើញភូមិសាស្ដ្រ កម្ពស់នៃប្រភពទន្លេគឺ ៥.២០០ ម៉ែត្រ និងមានទីតាំងស្ថិតនៅរយៈទទឹងទី៣៣ និងរយៈបណ្ដោយទី៩៤ ។
លោកបណ្ឌិត លូ បាននិយាយថា ព្រែកនេះគឺព្រែកហ្គូយ៉ុង ពូឌីហ្គាវ (Guyong-Pudigao) មានប្រវែង ១,៧ គីឡូម៉ែត្រ វែងជាងព្រែកនានា ដែលពីមុនគេជឿថាជាប្រភពសំខាន់នៃទន្លេនេះ ។ ព្រែកទី២ គឺព្រែកហ្គាវហ្សាងហ្គូស៊ី (Gaoshanguxi) មិនមែនមានប្រភពពីភ្នំជីហ្វូទេ ប៉ុន្ដែមានប្រភពនៅជិតកំពូលភ្នំ ហ្គូហ្សុងមុឆា (Gouzongmucha) (ត្រូវបានគេស្គាល់ថាជាភ្នំឡាសៃហ្គុងម៉ា (Lasaigongma) មានកម្ពស់ប្រមាណ ៥.១៦០ ម៉ែត្រ ។ ព្រែកហ្គូយ៉ុង ពូឌីហ្គាវ មានខ្សែទឹកហូរសំខាន់ៗច្រើនជាងប្រភពព្រែកដទៃ ទៀត ។ ព្រែកទាំងពីរប្រសព្វចូលគ្នាជាង ២០ គីឡូម៉ែត្រ មុននឹងហូរចុះមកតំបន់យេយ៉ុង សុងឌួ ។ នៅទីនេះពួកវាបង្កើតបានជាទន្លេហ្គូយុង (Guyong) ដែលបន្ទាប់មកទៀត ក្លាយជាទន្លេហ្សាអា (Zhaa) និងបន្ទាប់មកទៀតប្រសព្វជាមួយទន្លេហ្សាណា (Zhana) នៅឯហ្គាណាសុងឌួ ។ ពីទីនេះទន្លេហ្សា (Zha) បានហូរចុះជាង ៥.០០០ គីឡូម៉ែត្រ ពីទិសអាគ្នេយ៍ទីក្រុងចាងឌូ ហើយក្លាយជាទន្លេឡានសាង (Lansang) ហូរចុះប្រវែង ១.៥៨៥ គីឡូម៉ែត្រទៀតមុននឹងចេញផុតពីប្រទេសចិន ។
ដោយផ្អែកលើការសន្និដ្ឋានរបស់គាត់ពីរូបភាពតាមប្រព័ន្ធផ្កាយរណប និងទៅធ្វើ ទស្សនកិច្ចដល់ខ្ពង់រាបទីបេត៍ ក្នុងឆ្នាំ ១៩៩៩ និង២០០២ លោកបណ្ឌិតលូ បានគណនាប្រវែងពីប្រភពរហូតដល់មាត់ព្រែកគឺ ៤.៩០៩ គីឡូម៉ែត្រ ។ នេះជាតួលេខថ្មីវែងជាងបើប្រៀបធៀបជាមួយការប៉ាន់ប្រមាណក្នុងរយៈពេលជាង ១៥ ឆ្នាំកន្លងមកៗតាមរយៈការបោះពុម្ពផ្សេងៗ គឺមានប្រវែងតែ ៤.០០០ គីឡូម៉ែត្រ ដល់ ៤.៨០៨ គីឡូម៉ែត្រប៉ុណ្ណោះ ។ បើប្រៀបធៀបប្រវែងថ្មីនេះជាមួយនឹងទន្លេ សំខាន់ៗទៀតនៅក្នុងពិភពលោក គាត់បានសន្និដ្ឋានថា ទន្លេមេគង្គគឺជាទន្លេ វែងជាងគេទី ១០ នៅក្នុងពិភពលោក ។ ទន្លេវែងៗតាមលំដាប់មានៈ ទន្លេនីល, អាម៉ាហ្សូន, យាំងសេ, មីស៊ីស៊ីបពី, យេនីសេ, លឿង, អូប, អាមួ និងទន្លេហ្សែរ, កុងហ្គោ ៕
Subscribe to:
Post Comments (Atom)
NEWS
http://www.everyday.com.kh/
http://www.kohsantepheapdaily.com.kh/
http://www.dap-news.com/
http://www.cambodiawindow.com/
http://www.cam111.com/
http://www.ksn-news.com/
http://www.cen.com.kh/
http://www.ken.com.kh/
http://www.clv-triangle.vn/
http://www.socialnews.com.kh/
http://www.kohsantepheapdaily.com.kh/
http://www.dap-news.com/
http://www.cambodiawindow.com/
http://www.cam111.com/
http://www.ksn-news.com/
http://www.cen.com.kh/
http://www.ken.com.kh/
http://www.clv-triangle.vn/
http://www.socialnews.com.kh/
http://www.camnews.com.kh/
http://www.cambodiaworks
http://www.cambodia.org
http://www.cambodiaworks
http://www.cambodia.org
No comments:
Post a Comment