ការស្រាវជ្រាវជាលក្ខណៈអន្តរជាតិមួយដឹកនាំដោយពួកជំនាញការនៃមហាវិទ្យាល័យ Davis (កាលីហ្វ័រញ៉ា, អាមេរិក) ទើបនឹងរកឃើញថា ភាគច្រើននៃបុរសគ្មានកូន អាចដោយសារបាត់ប្រូតេអ៊ីនមួយស្រោបខាងក្រៅមេជីវិត ។ គំហើញនេះអាចបើកចេញទិសដៅថ្មីមួយដើម្បីគ្រង់គ្រង និងព្យាបាលឱ្យគូស្វាមីភរិយាគ្មានកូន ។
ហ្សែន DEFB 126 ប្រើលេខកូដសម្រាប់ប្រូតេអ៊ីនមានឈ្មោះ Beta Defensin 126 ស្រោបពីក្រៅផ្ទៃរបស់មេជីវិតនិងជួយវាឆ្លងកាត់ស្រទាប់រំអិលក្នុងមាត់ស្បូនរបស់ស្ត្រី។ ការសិក្សាស្រាវជ្រាវមួយលើគំរូមេជីវិតពីអាមេរិក អង់គ្លេស និងចិន បង្ហាញថា ប្រមាណ១/៤នៃចំនួនបុរសលើពិភពលោកមានគំរូចម្លងគ្មានសកម្មភាព២ របស់ហ្សែននេះ ។
តាមស៊ីនហួរ ក្នុងការស្រាវជ្រាវថ្មីៗ ពួកជំនាញការរកឃើញថា បុរសដែលមានហ្សែន DEFB 126 ប្រែប្រួល ត្រូវខ្វះ Beta Defensin 126 នោះ បណ្តាលឱ្យមេជីវិតលំបាកជាងច្រើនក្នុងការហែលកាត់ស្រទាប់រំអិល និងចុងក្រោយគឺគួបផ្សំជាមួយពង ។
ពេលត្រួតពិនិត្យគូស្វាមីភរិយាចិនទើបរៀបការ៥០០គូ ពួកគេសង្កេតឃើញការខ្វះប្រូតេអ៊ីន Beta Defensin 126 នៅនឹងបុរសមានហ្សែន DEFB 126 ប្រែប្រួល ធ្វើឱ្យថយចុះយ៉ាងច្រើនលទ្ធភាពធ្វើឱ្យមានគភ៌ (ទោះបីអ្នកទាំងនេះពុំមានចំណុចខ្វះខាតផ្សេងៗដែលតែងជួបនៅនឹងបុរសគ្មានកូនដូចជាមេជីវិតតិច ឬមេជីវិតបន្លាស់ទីខ្សោយ) ។ ភរិយារបស់បុរសខ្វះប្រូតេអ៊ីនខាងលើ នោះលទ្ធភាពមានគភ៌ទាបជាងស្រឡះប្រៀបនឹងគូដទៃទៀត ហើយលទ្ធផលកើតបានកូនទាបជាង៣០ភាគរយ ។
ភាពបម្រែបម្រួលរបស់ហ្សែន DEFB 126 អាចជាជនល្មើសរបស់ករណីគ្មានកូន ពុំច្បាស់មូលហេតុជាច្រើននាបច្ចុប្បន្ននេះ, ពួកអ្នកស្រាវជ្រាវឱ្យដឹង ។ ពួកគេសង្ឃឹមនឹងបន្តការស្វែងយល់ដើម្បីបង្ហាញច្បាស់លាស់ជាងតួនាទីរបស់បម្រែបម្រួលនេះ ៕
No comments:
Post a Comment