ការតានតឹងចិត្ដ គឺជាសម្ពាធឬការប៉ះទង្គិចទាំងឡាយណាដែលដាក់សង្កត់ទៅលើផ្នែកផ្លូវ ចិត្ដដែលទទួលរងពីសភាពខាង ក្រៅ និងសភាពខាងក្នុង។ ការតានតឹងចិត្ដមានអត្ថន័យទូលាយ ហើយធ្វើឱ្យមានការគិតច្រើន នឿយហត់ទទួលអារម្មណ៍មួម៉ៅឆាប់ ខឹងឆេវឆាវ ថែមទាំងមានចិត្ដមិនស្ងប់។
មូលហេតុនៃការតានតឹងចិត្ដ
មានមូលហេតុជាច្រើនយ៉ាងដែលបង្កឱ្យមានការតានតឹងចិត្ដ ដូចជាមានការខកចិត្ដ ជម្លោះទាស់ទែងសម្ពាធបរិយាកាស ព្រឹត្ដិការណ៍នៃជីវិតរស់នៅប្រចាំថ្ងៃ បរិស្ថានជុំវិញជាដើម។ ឧទាហរណ៍នារីម្នាក់ត្រូវរៀបការជាមួយបុរសដែលខ្លួនមិនស្រឡាញ់ ដោយសារឪពុកម្ដាយបង្ខិតបង្ខំ ធ្វើឱ្យនារីនោះត្រូវទទួលនូវភាពខកចិត្ដ។ ប្ដីប្រពន្ធមានទស្សនៈខ្វែងគំនិតគ្នាបង្កឱ្យមានភាពចម្រូង ចម្រាសក្នុងក្រុមគ្រួសារ។ មានការងារច្រើនហួសពីកម្លាំងកាយកម្លាំងចិត្ដ បង្កឱ្យមានភាពតានតឹងចិត្ដ។ ចំពោះ
សិស្សានុសិស្សឬនិស្សិត ដោយមានមុខវិជ្ជាសិក្សាច្រើន ហើយខួរក្បាលទទួលយកមុខវិជ្ជាបានខ្លះមិនបានខ្លះបង្កឱ្យមានការ តានតឹងចិត្ដ។ ការរស់នៅឃ្លាត ឆ្ងាយបែកបាក់ពីអ្នកដែលខ្លួនស្រឡាញ់ ឬរស់នៅស្ថិតក្នុងបរិយាកាសមួយដ៏អាប់អួរមានសម្លេង អ៊ូអររំខាន អាកាសធាតុមិនអំណោយ ផលល្អ ធ្វើឱ្យធុញទ្រាន់ និងមួម៉ៅបង្កឱ្យមានការតានតឹងចិត្ដ។
រោគសញ្ញានៃការតានតឹងចិត្ដ
បុគ្គលដែលមានការតានតឹងចិត្ដគឺអាស្រ័យទៅលើសម្ពាធប្រចាំថ្ងៃ ហើយលេចចេញជាសញ្ញាផ្លូវកាយ និងផ្លូវចិត្ដ។
1 . សញ្ញាផ្លូវចិត្ដ ៖ ចេះតែកើត ទុក្ខ គិតច្រើនតែរឿងដដែលៗ អារម្មណ៍ផ្លាស់ប្ដូរពីសប្បាយទៅជាទុក្ខសោកពីមនុស្សរហ័ស រហួន រួសរាយ ការងារធ្លាប់តែសកម្ម បែរទៅជាស្រគត់ស្រគំ ហើយសកម្មភាពយឺតយ៉ាវទៅវិញនិងមានការថយចុះសមត្ថភាព ក្នុងការចាប់យកចំណេះទៀតផង។
2 . សញ្ញាផ្លូវកាយ ៖ បុគ្គលដែល មានការតានតឹងចិត្ដលេចចេញពីផ្លូវកាយ ច្រើនតែអស់កម្លាំងល្ហិតល្ហៃឈឺក្បាលគេងមិន លក់ ញ៉ាំអ្វីមិនបាន ដង្ហើមថប់ៗ បេះដូងដើរលឿន ញ័រដើមទ្រូង ស្រវាំងភ្នែក វិលមុខ រដូវមិនទៀងទាត់អកប្បកិរិយាមានបញ្ហា។ល។
បុគ្គលដែលប្រឈមមុខនឹងការតានតឹងចិត្ដច្រើន
ការតានតឹងចិត្ដកើតនៅលើមនុស្សគ្រប់វ័យមិនថាប្រុសឬស្រីទេ គ្រាន់តែមានតិច ឬច្រើនតែប៉ុណ្ណោះ។ ប៉ុន្ដែបុគ្គលដែល ប្រឈមមុខនឹងការតានតឹងច្រើនជាងគេ មានដូចខាងក្រោមនេះ។
- គ្រូពេទ្យ ៖ ត្រូវប្រឈមមុខក្នុងការទទួលខុសត្រូវថែទាំសុខភាពអ្នកជម្ងឺហើយពេលវេលាឈប់សម្រាករបស់គ្រូពេទ្យ មានតិចតួចបំផុត។
- គ្រូបង្រៀន ៖ ត្រូវប្រឈមមុខ ជាមួយកុមារតូចៗពុំទាន់យល់ដឹងពីសីលធម៌ធ្វើឱ្យឡូឡារញ៉េរញ៉ៃ ក្នុងថ្នាក់រៀនបង្កឱ្យគ្រូ មានភាពស្មុគស្មាញ តានតឹងក្នុងចិត្ដ។
- សិស្សានុសិស្ស ៖ ការសិក្សាមាន មុខវិជ្ជាច្រើន ហើយរៀនមិនបានពូកែគ្រប់មុខវិជ្ជាដោយពូកែមុខវិជ្ជាខ្លះមិនបាន ខ្លះ ធ្វើឱ្យសិស្សានុសិស្សមានភាពតប់ត្រមល់តានតឹងក្នុងចិត្ដ។
- ឪពុកម្ដាយ ៖ កូនមិនស្ដាប់ បង្គាប់ ឬទាមទារចង់បានអ្វីដែលហួសពីសមត្ថភាពគ្រួសារផ្ដល់ឱ្យឬគេចពី សាលារៀនមិនចូល សិក្សា ជាបញ្ហាធ្វើឱ្យឪពុកម្ដាយពិបាកចិត្ដប្រឈមមុខនឹងការតានតឹងចិត្ដ។
- អ្នកជំនួញ ៖ ក្រុមហ៊ុនមិនមានដំណើការឆ្ពោះទៅមុខ រកស៊ីខាតធ្វើឱ្យអ្នកធ្វើជំនួញមានការខ្វល់ខ្វាយខ្លាំងណាស់ហើយ ត្រូវប្រឈមមុខនឹងភាពតានតឹងចិត្ដ។
- អ្នកបើកបរយន្ដហោះ ៖ ត្រូវបើក ដោយប្រុងប្រយ័ត្ននៅលើអាកាស ហើយមើលអាកាសធាតុប្រែប្រួលថែរក្សាជីវិតអ្នក ដំណើរឱ្យមានសុវត្ថិភាព នេះមិនមែនជាការងាយស្រួលទេ សម្រាប់អ្នកបើកបរយន្ដហោះ។ ផលប៉ះពាល់ដែលបណ្ដាលមកពីការតានតឹងចិត្ដ
យើងដឹងហើយថាការតានតឹងចិត្ដគឺជាសម្ពាធដែលដាក់សង្កត់ទៅលើ ផ្លូវចិត្ដហើយចិត្ដស្ថិតនៅក្នុងបណ្ដុំនៃប្រព័ន្ធខួរក្បាល នៅក្នុងកោសិកាប្រសាទ ហើយវាបញ្ជាទៅលើសរីរាង្គទាំងអស់។ ដូចនេះការតានតឹងចិត្ដមានផលប៉ះពាល់លើផ្នែកផ្លូវចិត្ដ និងផ្លូវកាយ ដូចជាមានជម្ងឺក្រពះ ជម្ងឺបេះដូង ឈឺក្បាល វិលមុខ ញ៉ាំអ្វីមិនបាន រាងកាយស្គមស្គាំងមានជម្ងឺថប់អារម្មណ៍ អាកប្បកិរិយាមានបញ្ហា វិកលចរិត ធ្លាក់ខ្លួនឈឺ និងធ្វើឱ្យការមករដូវដើរមិនទៀង។ ចំពោះបុគ្គលដែលធ្លាប់តែមានការសន្ទនាត្រឹមត្រូវ បែរទៅជាមានវោហា ព្រហើនកោងកាច ច្រឡើសបើស គ្មានស្មារតីនៅក្នុងខ្លួនទៅជាជក់បារីញ៉ាំស្រាជាដើម។ បើបុគ្គលដែលប៉ះពាល់ផ្លូវចិត្ដខ្លាំងពេកអាច ឈានទៅដល់មានជម្ងឺធ្លាក់ទឹកចិត្ដ ឬជម្ងឺផ្លូវចិត្ដផ្សេងទៀត។
វិធីកាត់បន្ថយការតានតឹងចិត្ដ
មានវិធីច្រើនយ៉ាងក្នុងការជួយកាត់បន្ថយការតានតឹងចិត្ដ ដូចជាឈប់សម្រាក់ពីការងារមួយរយៈសិនដើម្បីលំហែកម្សាន្ដ ឬបើការងារច្រើន ត្រូវផ្ទេរការងារខ្លះទៅឱ្យអ្នកក្រោមឱវាទបន្ទាប់ដែលអាចជួយរំលែក ការងារបានមួយចំណែក។ បើទោះបីនៅកន្លែង ធ្វើការមានការងារមមាញឹកខ្លាំងក្ដី លោកអ្នកត្រូវឈប់សម្រាកប្រហែលជា៥ឬ១០នាទីសិនដើម្បីបន្ធូរអារម្មណ៍ ប៉ុន្ដែលោកអ្នកត្រូវ ចេះលៃយ៉ាងណាកុំឱ្យប៉ះពាល់ដល់អង្គភាពការងារ។ ការស្ដាប់ភ្លេងឬស្ដាប់ចម្រៀងក៏ជាវិធីមួយដែលជួយកាត់បន្ថយនូវ ភាពតានតឹង បានដែរ។ ត្រូវមានលំហាត់ប្រាណជាជំនួយបន្ធូរបន្ថយនូវភាពតានតឹងចិត្ដ។ បើមានរឿងណាមួយដែលដោះស្រាយមិនបាន លោកអ្នក ត្រូវរកមិត្ដភក្ដិ ឬបងប្អូន ដើម្បីពិភាក្សាគ្នា ចៀសវាងភាពស្មុគស្មាញ។
No comments:
Post a Comment