គោលដៅពីរយ៉ាងដែលមនុស្សម្នាក់ៗតែងតែនិយមធ្វើបំផុតជារៀងរាល់ឆ្នាំគឺ ការសន្សំលុយ និងទាំងការទទួលបានសុខភាពល្អ។
ប៉ុន្តែវាគួរឪ្យសោកស្តាយណាស់ដែរ ដែលគោលដៅ ឬការតាំងចិត្តទាំងពីរនេះ វាហាក់ដូចជាផ្ទុយ ឬប្រឆាំងគ្នា។ វាមានន័យថា
ប្រសិនជាអ្នកចង់បានសុខភាពល្អអ្នកត្រូវចំណាយលុយច្រើន លើអាហារដែលផ្តល់សុខភាពល្អ កន្លែងហាត់ប្រាណ
និងឧបករណ៍ហាត់ប្រាណដទៃជាដើម ដូច្នេះរបស់ល្អទាំងអស់គឺជាអ្វីដែលអ្នកត្រូវគិតដល់ដំបូង
នៅពេលដែលអ្នកមិនចង់ចំណាយលុយ។
វាពិតជាមានសារៈសំខាន់ខ្លាំងណាស់ក្នុងការរិះរកវិធីណាដែលធ្វើឪ្យអ្នកនៅមានភាពសកម្ម និងសុខភាពល្អ
សូម្បីនៅពេលដែលអ្នកមិនអាចមានលទ្ឋភាពចំណាយទៅលើ កន្លែងហាត់ប្រាណល្អៗ ឬក៍ក្លឹបហាត់សំរាប់អភិជនក៍ដោយ។
នេះជាវិធីងាយៗ ៤យ៉ាងក្នុងការចាប់ផ្តើម ដោយមិនចាំបាច់ចំណាយលុយច្រើន៖
១.ចូលជាសមាជិកក្លឹបហាត់ប្រាណ
ប្រសិនជាអ្នកមានលុយគ្រប់គ្រាន់ក្នុងការចំណាយ ដើម្បីក្លាយជាសមាជិកក្លឹបហាត់ប្រាណ អ្នកត្រូវធ្វើវាឥឡូវភ្លាម
ដើម្បីទទួលបានអត្ថប្រយោជន៍ផ្សេងៗ។ ក្លឹបសុខភាពល្អមួយចំនួនតែងតែធ្វើការបញ្ជុះតំលៃទៅដល់អតិថិជន
ក្នុងការទាក់ទាញអតិថិជនផ្សេងៗទៀតដែលកំពុងដោះស្រាយពីបញ្ហាបញ្ជុះទំងន់។ ក្នុងប្រទេសកម្ពុជាសព្វថ្ងៃនេះ
ក៍មានក្លឹបហាត់ប្រាណល្អៗជាច្រើន ដូច្នេះអ្នកអាចទៅសាកសួរព័ត៌មានដើម្បីចូលជាសមាជិក រួចអ្នកត្រូវបង់ផ្តាច់ក្នុងរយះពេលមួយឆ្នាំ
ឬក៍កន្លះឆ្នាំ ដែលការបង់បែបនេះ វាអាចចំណេញច្រើន ជាងការចំណាយប្រចាំថ្ងែ ឬប្រចាំខែ ប៉ុន្តែអ្នកខ្លួនឯងត្រូវប្រាកដថា
អ្នកនឹងមិនបោះបង់សមាជិកភាពនេះទ ហើយត្រូវទៅហាត់ឪ្យបានទៀងទាត់។
២. ធ្វើការតថ្លៃពីតំលៃដែលអ្នកបានបង់ឡើងវិញ
ប្រសិនជាអ្នកបាត់បង់ការងារ ហើយអ្នកអាស្រ័យលើការបង់ថ្លែថោកសំរាប់ក្លឹបហាត់ប្រាណដែលអ្នកបានចូលជាសមាជិក
អ្នកត្រូវទៅនិយាយជាមួយនឹងអ្នកសំរបសំរួលនៃក្លឹបនោះ រួចសួរគាត់ ថាតើអ្នកនៅអាចបង់តំលៃ ដូចតំលៃដដែលដែលបានបញ្ជុះ។
ក្លឹបហាត់ប្រាណមួយចំនួនក៍ទទួលឥទ្ឋិពលពីវិបត្តិសេដ្ឋកិច្ចដែរ ដូច្នេះក្លឹបទាំងអស់នេះប្រហែលជាអាចបញ្ជុះតំលៃដល់អតិថិជន
ជាជាងការបាត់បង់អតិថិជន។ អ្នកក៍ត្រូវរកមើលផងដែរថា អ្នកអាចមានសិទ្ឋិទទួលបានការបញ្ចុះតំលៃបន្ថែមទៀត
ហើយប្រសិនជាអ្នកមានបញ្ហាលុយ អ្នកត្រូវសាកសួរអំពីជំរើសផ្សេងៗ
នៃសមាជិកភាពក្នុងការទទួលបានការចំណាយថោកជាងមុនទៅទៀត ដូចជាចំនួនម៉ោងដែលត្រូវកាត់បន្ថយដើម្បីទទួលបានតំលៃថោក។
៣. ជិះកង់ ឬក៍ដើរទៅធ្វើការ
ប្រសិនជាអ្នករស់នៅជិតកន្លែងធ្វើការ អ្នកគួរតែធ្វើដំណើរដោយថ្មើជើង ឬក៍ជិះកង់ទៅវិញ ជំនួយដោយការជិះម៉ូតូ រថយន្ត
ឬមធ្យោយបាយដទៃទៀត ពីព្រោះ នេះជាមធ្យោបាយដ៍ប្រសើរបំផុតក្នុងការសន្សំការចំណាយផ្សេងៗ
ដូចជាចំណាយលើប្រេងសាំង និងថ្លៃធ្វើដំណើរជាដើម។ ការចំណាយទៅលើមធ្យោបាយទាំងអស់នេះមិនសូវច្រើនមែន
ប៉ុន្តែវាពិតជាមានប្រយោជន៍ នៅពេលដែលអ្នកកំពុងតែមានបញ្ហាលុយ។
៤. ត្រូវដឹងពីពេលដែលត្រូវចំណាយ និងសន្សំ
អ្នកដែលចង់បានសុខភាពល្អមួយចំនួនតែងតែចូលចិត្តហាត់ប្រាណ និងមានឧបករណ៍ធ្វើតេស្តសុខភាពផ្ទាល់ខ្លួនមួយចំនួន
ជាមួយគ្នានេះដែរ ពួកគេក៍ត្រូវចំណាយលុយច្រើនណាស់ដែរចំពោះវត្ថុទាំងអស់នេះ
ដូចជាចំណាយលើការទិញស្បែកជើងសំរាប់ហាត់កីឡា ឧបករណ៍ពិនិត្យចង្វាក់បេះដូង និងរបស់ដទៃផ្សេងទៀត។
ការចំណាយលើផលិតផលសុខភាពទាំងអស់នេះ នឹងអាចក្លាយទៅជាការចំណាយដ៍ច្រើន នៅពេលដែលអ្នកប្រើប្រាស់វាជាប្រចាំ។
ដូច្នេះ ទោះបីជាអ្នកចង់ទទូលបានសុខភាពល្អយ៉ាងណាក្តី ក៍អ្នកត្រូវដឹងពីពេលវេលាក្នុងការចំណាយ និងសន្សំផងដែរ។
វិធីល្អក្នុងការទទួលបានទាំងសុខភាព និងទាំងការចំណាយតិច អ្នកគួរតែងាកមកជ្រើសរើសការប្រើប្រាស់របរជជុសវិញម្តង។
ដោយសារតែតំលៃវាទាបជាងរបស់ថ្មីឆ្ងាយ មានមនុស្សមួយចំនួនធំបានជ្រើរើសយកជំរើសនេះ
រីឯគុណភាពវិញក៍មិនសូវជាចាញ់របស់ថ្មីប៉ុន្មានដែរ។
ដូច្នេះអ្នកគួរតែសាកទទួលយកបទពិសោធន៍នេះវិញម្តង
ជាជាងការប្រើប្រាស់ផលិតផលសុខភាពដែលមានម៉ាកថ្លៃ។ ម្យ៉ាងវិញទៀត មុនពេលទិញផលិតផលសុខភាពទាំងអស់នេះ
អ្នកក៍គួរតែដឹងអំពីតំលៃវាជាមុនដែរ និងត្រូវប្រុងប្រយ័ត្ន ចំពោះអ្នកណាដែលលក់ផលិតផលឪ្យអ្នកក្នុងតំលៃថ្លៃលើសពីធម្មតា៕
No comments:
Post a Comment