ពណ្ណរាយ: ឈ្មោះពេញ ម៉ាកល្បីៗ

Sunday, June 24, 2012

ឈ្មោះពេញ ម៉ាកល្បីៗ

ប្រហែលជាប្រិយមិត្តជាច្រើនបានស្គាល់ម៉ាក (Brand) ល្បីៗ របស់ក្រុមហ៊ុនមួយចំនួនដូច ADIDAS, BMW និងម៉ាកជាច្រើនទៀត តែប្រហែលជាប្រិយមិត្ត មិត្តអ្នកអានខ្លះ ពុំទាន់បានស្គាល់ និងដឹងពាក្យពេញរបស់ម៉ាកល្បីៗមួយចំនួននោះទេ។ តោះ កុំឲ្យខាតពេលយូរទៅមើលឈ្មោះក្រុមហ៊ុន និងឆ្នាំបង្កើតទាំងអស់គ្នា។
+ KFC : Kentucky Fried Chicken ជាក្រុមហ៊ុនផលិត Fast Food ដែលបង្កើតឡើងកាលពីឆ្នាំ
១៩៣០ ហើយបច្ចុប្បន្ន មានទីតាំងនៅ Louisville, រដ្ឋ Kentucky សហរដ្ឋអាមេរិក។

+ HP : Hewlett-Packard Company ជាក្រុមហ៊ុនសាជីវកម្មព័ត៌មានបច្ចេកវិទ្យាពហុជាតិសាសន៍របស់ អាមេរិក ដែលមានទីតាំងនៅរដ្ឋ California សហរដ្ឋអាមេរិក។ ឈ្មោះនេះ គឺជាការផ្សំបញ្ចូលគ្នា រវាងស្ថាបនិកពីររូបគឺលោក William (Bill) Redington Hewlett និង Dave Packard បង្កើតកាលពីឆ្នាំ ១៩៣៩។

+ADIDAS : ជាក្រុមហ៊ុនផលិតសំលៀកបំពាក់កីឡារបស់អាល្លឺម៉ង់ បង្កើតឡើងកាលពីឆ្នាំ ១៩៤៨ ដោយ លោក Adolf “Adi” Dassler ដែលបច្ចុប្បន្ន មានទីតាំងនៅក្រុង Herzogenaurach ប្រទេសអាល្លឺម៉ង់។ ប្រភពមួយចំនួនបានផ្ដល់ពាក្យពេញឲ្យឈ្មោះក្រុមហ៊ុននេះថា (All Day I Dream About Sport) ប៉ុន្តែពុំមែននោះទេ។ តាមពិត Adidas បានមកពី ឈ្មោះលោក Adolf “Adi” Dassler ( Adi + Dassler = ADIDAS)។

+BMW : Bayerische Motoren Werke AG (Bavarian Motor Works) ជាក្រុមហ៊ុនផលិតរថយន្ត របស់អាល្លឺម៉ង់ បង្កើតកាលពីឆ្នាំ ១៩១៧។ បច្ចុប្បន្ន មានទីស្នាក់ការនៅទីក្រុង Munich រដ្ឋ Bavaria ប្រទេសអាល្លឺម៉ង

+IBM : International Business Machines ជាក្រុមហ៊ុនបច្ចេកវិទ្យាពហុជាតិសាសន៍អាមេរិក ដែលមានទីស្នាក់ការនៅទីក្រុង New York។ IBM បង្កើតឡើងកាលពីឆ្នាំ១៩១១ ដែលមានឈ្មោះដើម Computing Tabulating Recording Corporation រួចបានប្ដូរឈ្មោះមកជា IBM នៅឆ្នាំ១៩២៤។

+DHL : Dalsey Hillblom Lynn គឺជាក្រុមហ៊ុនដឹកជញ្ជូនទំនិញដ៏ធំរបស់អាល្លឺម៉ង់ មានទីស្នាក់ការនៅទីក្រុង Bonn បង្កើតឡើងកាលពីឆ្នាំ១៩៦៩។ ឈ្មោះកាត់ DHL នេះ តំណាងឈ្មោះទាំងបីរបស់ស្ថាបនិកក្រុមហ៊ុននេះ គឺ Adrian Dalsey, Larry Hillblom និង Robert Lynn។

+HTC : High Tech Computer គឺជាក្រុមហ៊ុនផលិត Smartphone និង Tablet របស់តៃវ៉ាន់ បង្កើតឡើងកាលពីឆ្នាំ ១៩៩៧។ បច្ចុប្បន្ន មានទីស្នាក់ការនេះ ក្រុង Taoyuan កោះតៃវ៉ាន់។