ទារកប្រេស៊ីលកើតក្នុងសុខភាពល្អតែមានក្បាលចំនួនពីរ

រឿងដ៏គួរអោយភ្ញាក់ផ្អើលមួយបានកើតឡើងនៅក្នុងប្រទេសប្រេស៊ីលដែលមានទារកម្នាក់បាន
កើតមកជាមួយនិងក្បាលចំនួន២។
ម្តាយរបស់ទារកក្បាល២នេះបានលើកឡើងថាគាត់បានរំពឹងថាទារកដែលកើតឡើងគឺជាកូន
ភ្លោះតែបែរជាទារកម្នាក់ដែលមានក្បាលចំនួន២ទៅវិញ។
ម្តាយរបស់ទារកនេះមានឈ្មោះ មារិ ដេ ណាសា អាយុ ២៥ឆ្នាំ បានសំរាលទារកនេះនៅក្នុង
មន្ទីរពេទ្យ អាណាចាស, ក្នុងភាគខាងជើងរដ្ឋ បារ៉ា របស់ប្រទេសប្រេស៊ីល ដែលទារកនេះមាន
ទំងន់ ៩.៩ផោនដែលស្មើរនិង ៤.៤៩គីឡូក្រាម។
គ្រូពេទ្យបាននិយាយថា ស្រ្តីជាម្តាយនេះគឺជាប្រជាជនដែលរស់នៅក្នុងតំបន់ជនបទដាច់
ស្រយាលដែលជាហេតុបណ្តាលអោយនាងមិនដែលមកធ្វើការពិនិត្យផ្ទៃពោះម្តងណាឡើយ ជាហេតុធ្វើនាងបានដឹងដោយគ្រូពេទ្យបានពិនិត្យពោះនាងនៅប៉ុន្មាននាទីមុនពេលដែលទារក
នេះចាប់កំណើតតែប៉ុណ្ណោះ។
យោងតាមការពិនិត្យរបស់គ្រូពេទ្យ ទារកនេះមានខូរក្បាលចំនួន២, ឆ្អឹងខ្នង២, ប៉ុន្តែមានបេះដូង
ចំនួន១, ថ្លើម១, សួត១ និងឆ្អឹងត្រគាក១ប៉ុណ្ណោះ។
បច្ចុប្បន្ននេះទាំងម្តាយនឹងទារកត្រូវបានគេបញ្ជូនតាមឧទ្ធម្ភាគចក្រពេទ្យទៅកាន់មន្ទីរពេទ្យ
ជំនាញនៅក្នុងទីក្រុង​ដើម្បីធ្វើការពិនិត្យលំអិត ហើយពួកគេនឹងត្រូវត្រលប់មកវិញនៅសប្តាហ៍
ក្រោយ៕