ព្រលឹងចុងសក់​ ព្រោះសាច់ជ្រូកបញ្ចេញពន្លឺ!

លោក Lee រស់នៅ​ក្រុងប៉េកាំង​បានភ័យស្ទើរលស់ព្រលឹង​ គ្រាដែល​មើលឃើញ​សាច់ជ្រូក​ដែល​ព្យួរក្នុងបន្ទប់​ ស្រាប់តែបញ្ចេញពន្លឺ​ដ៏ចម្លែកកណ្តាល​យប់អាធ្រាត។

លោក Lee ដែលដៃម្ខាង​យួរសាច់ជ្រូកពោលៈ ខ្ញុំចំណាស់នេះហើយៗ ក៏ជាលើកដំបូង​មើលឃើញ​បាតុភាពចម្លែកបែបនេះ។ គាត់​ប្រាប់ថា បានឃើញសាច់ជ្រូកនៅផ្សារ ជិតផ្ទះ កាលពីថ្ងៃទី៤ ធ្នូ កន្លងមក។

បើសម្លឹងពីខាងក្រៅ សាច់ជ្រូកទម្ងន់ ១ គីឡូក្រាមនេះ គ្មាន​សញ្ញាអ្វីចម្លែកអ្វីឡើយ។ ម្យ៉ាងទៀត ដោយសារជារដូវរងារ ហេតុនេះ គាត់មិនយក​ដាក់ក្នុងទូរទឹកកកឡើយ។

លោក Lee រំលឹក​ឡើងវិញថា នៅយប់ថ្ងៃទី៧ ធ្នូ លោកបាន​យកសាច់ដែលព្យួរក្នុងផ្ទះបាយ មកព្យួរក្នុងបន្ទប់​ ព្រោះខ្លាចកណ្តុរស៊ីអស់ ប៉ុន្តែដល់ពេល​ទាបភ្លឺ ថ្ងៃទី៨ គាត់បាន​តក់ស្លុត គ្រាដែល​ឃើញពន្លឺចម្លែក។ លោកពោលបន្តៈ ខ្ញុំភ័យពេក ក៏​លូក​ដៃ​ចុចកុងតាក់ភ្លើង ពេលនោះ ទើបដឹងថា ពន្លឺនេះចាំង​ចេញ​ពីដុំសាច់។

ជាការពិតណាស់ ពន្លឺចម្លែកចាំងចេញពីដុំសាច់​ដូចលោក Lee បាននិយាយ។ ដោយសង្ស័យថា សាច់ជ្រូក​ត្រូវ​គ្របដណ្តប់​ដោយសារធាតុ​ Fluoresent ក៏យកសាច់នោះ ទៅលាងសំអាត​ ប៉ុន្តែ​ក្រោយពេលយកចូលក្នុងបន្ទប់ងងឹត វា​នៅ​តែ​បញ្ចេញ​ពន្លឺ​ដដែល ហើយកាន់តែភ្លឺជាងមុនផង។

ចំណែកលោក Liu ជាអ្នកលក់សាច់វិញ បានឲ្យដឹងថាៈ ខ្ញុំយក​សាច់នេះពីកន្លែង​អត្តឃាត​ស្របច្បាប់ ហើយខ្ញុំប្រកបរបរនេះ ១០ឆ្នាំ ហើយ វាជាលើកដំបូង​ដែលជួបព្រឹត្តិការណ៍បែបនេះ។ នៅលើរានដាក់សាច់​ៗ ទាំងនោះ​សុទ្ធតែមាន​បោះ​ត្រា​សំ​គាល់​។

រីឯមន្រ្តីត្រួតពិនិត្យ​វិញ លើកឡើងថា ប្រហែលដោយសារ​សត្វទាំងនោះស៊ីចំណី​ដែលផ្ទុកសារធាតុ​ផូសហ្វ័រ លើសពីស្តង់ដា ឬ វាអាចឆ្លងមេរោគ។

ពុំទាន់មានបំណកស្រាយ​ច្បាស់លាស់​លើបាតុភូត​នេះឡើយ៕