បុរសជនជាតិឥណ្ឌាម្នាក់បានយកពស់មានពឹសដូចជាពស់វែកដំបូកជាដើមចំនួន៤០ក្បាល លែងនៅក្នុងការិយាល័យរបស់មន្ត្រីដែលប្រព្រឹត្តអំពើពុករលួយស៊ីសំណូក ធ្វើឱ្យមន្ត្រីក្នុងការិយាល័យភ័យខ្លាចរត់ជាន់ជើងគ្នា ។ សំណាងល្អព្រោះគ្មានមន្ត្រីណាម្នាក់ត្រូវពស់ចឹកឡើយ ប៉ុន្តែវិធីសាស្ត្រការលែងពស់មានពឹសដើម្បីបណ្តេញមន្ត្រីពុករលួយនេះ ចាត់ទុកថាមានលទ្ធផលល្អ ព្រោះមានការចុះផ្សាយព័ត៌មាននៅទូទាំងពិភពលោក ទាំងនៅក្នុងកាសែត និងប្រព័ន្ធអ៊ីនធើរណេត ។
ការប្រឆាំងខាងលើ អាចឆ្លុះបញ្ចាំងឱ្យឃើញថា ប្រទេសឥណ្ឌាគឺជាប្រទេសមួយដែលសំបូរដោយមន្ត្រីស៊ីសំណូកឬពុករលួយយ៉ាងច្រើន ធ្វើឱ្យប្រជាជនសម្តែងការមិនពេញចិត្តជាទូទៅ ៕
No comments:
Post a Comment