កងកម្លាំង អេហ្ស៊ីប សុំទោស ចំពោះការវាយ ទៅលើស្រ្តី ជាបាតុករ

ខាយរ៉ូ៖ យោងតាម គេហទំព័រ Channel News Asia ចេញផ្សាយថ្ងៃពុធ ទី២១ ខែធ្នូ ឆ្នាំ ២០១១ នេះបានឲ្យដឹងថា យោធារបស់អេហ្ស៊ីប កាលពីថ្ងៃអង្គារ ទី២០ធ្នូ ម្សិលមិញនេះ បានសម្តែងនូវការ សោកស្តាយយ៉ាងខ្លាំង ចំពោះការវាយប្រហារ ទៅលើបាតុករជាស្រ្តី ហើយការប្រឆាំង នឹងក្រុម ទាហាននៅទីក្រុងខាយរ៉ូនេះដែរ បានឈានចូលថ្ងៃទី៥ហើយ គិតមកដល់ថ្ងៃអង្គារ ទី ២០ធ្នូ ម្សិលមិញនេះ។
ក្រុមទាហាន បានធ្វើការវាយទៅលើ បាតុករជាស្រ្តី ហើយភាគីម្ខាងទៀត ដែលមានអាវឆ្នូត បាន ទាញក្រណាត់ គ្របមុខ របស់បាតុករស្រ្តីទាំងនោះចេញ។
ប៉ុន្តែប៉ុន្មានម៉ោងក្រោយ ពេលដែលប្រធានផ្នែកនីតិក្រម របស់ប្រទេសបាន ច្រានចោលមន្ទិល សង្ស័យទៅលើភាព ដែលគួរឲ្យជឿបាន នៅពេលដែលគាត់និយាយថា ភាគច្រើន នៃពួកបាតុករ ត្រូវបានសម្លាប់ និងរងរបួសដោយសារការបាញ់នឹងកាំភ្លើង ទោះបីក្រុមទាហាន ទាំងនោះ បដិសេធថា មិនបានបាញ់ទៅលើពួកបាតុករ ទាំងនោះក៏ដោយ។
ក្រុមប្រឹក្សាជាន់ខ្ពស់ នៃកងកម្លាំងយោធា បានបង្ហាញនូវការសោកស្តាយយ៉ាងខ្លាំង ចំពោះ ហេតុការណ៍ ដែលបានកើតឡើងនៅខាងក្រៅសភា និង ការិយាល័យ គណៈរដ្ឋមន្រ្តីនោះមក៕