ទឹកធ្លាក់បាក់ខន មានភ្ញៀវទេសចរតិចតួចណាស់ដែលបានស្គាល់និងឮឈ្មោះរបស់វា ។ បាក់ខន គឺជារមណីយដ្ឋានធម្មជាតិ មួយដែលជាទីចាប់អារម្មណ៍បំផុតបើភ្ញៀវទេសចរបានទៅដល់ ។
រមណីយដ្ឋាន ធម្មជាតិ បាក់ខនមានទីតាំងស្ថិតនៅឃុំកំពុងស្រឡៅII ស្រុកឆែប ខេត្តព្រះវិហារ ។ រមណីយដ្ឋានមួយនេះ គឺជាប់ និងខេត្តចំប៉ាសាក់ ប្រទេសឡាវ ដែលខ័ណ្ឌដោយទន្លេល្ពៅ ។ បើយើងធ្វើដំណើរទៅកាន់រមណីយដ្ឋាន ទឹកធ្លាក់ធម្មជាតិបាក់ខន យើងអាចធ្វើដំណើរទៅបានដោយធ្វើដំណើរពីខេត្តស្ទឹងត្រែង មានរយៈចម្ងាយប្រមាណ ៧០ គីឡូម៉ែត្រ តែបើយើងធ្វើដំណើរពីស្រុកឆែប ខេត្តព្រះវិហារទៅកានបាក់ខន មានរយៈចំងាយប្រមាណ ៨០ គីឡូម៉ែត្រ ។ ប៉ុន្តែ បើយើងធ្វើដំណើរពីស្រុកគូលែនវិញ គឺមានរយៈចំងាយ ១៨០គីឡូម៉ែត្រ ។
ការធ្វើដំណើរទៅបានដល់រមណីយដ្ឋានបាក់ខន គឺអាស្រ័យ ដោយសារយើងមានផ្លូវក្រួសក្រហមមួយខ្សែកសាងទៅតំបន់នោះរយៈពេល ប្រហែល មួយឆ្នាំមុន ដែលជាគតិបណ្ឌិត និងការចង្អុលបង្ហាញដោយសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលផ្តល់បទបញ្ជាឲ្យកងវិស្វកម្ម តេជោហ៊ុនសែន សៀមរាប ដែលមានលោកមេបញ្ជាការ ឧត្តមសេនីយ៍ទោ ខេង សុមេក ជាអ្នកកសាង ។ ប៉ុន្តែបើយើងក្រឡេកទៅមើលអតីតកាលរយៈពេល មួយឆ្នាំមុននេះប្រហែលជាយើង មិនអាចធ្វើដំណើរទៅដល់រមណីយដ្ឋាន បាក់ខនបានឡើយ ព្រោះពេលនោះមិនទាន់បានអភិវឌ្ឍន៍ផ្លូវនៅឡើយទេ ។
ពិតមែនតែបាក់ខន យើងបានទៅឃើញ ហើយកោតសរសើរមិនដាច់ពីមាត់ថាជារមណីយដ្ឋានធម្មជាតិគ្មានពីរក៏ដោយ ក៏ប៉ុន្តែ ទីនេះមិនទាន់មានការអភិវឌ្ឍអ្វីមួយសំរាប់ជាការស្រូបទាញភ្ញៀវទេសចេរ នៅឡើយទេ គឺអាជ្ញាធរមូលដ្ឋានបានត្រឹមតែគិត និង មានគំរោងអភិវឌ្ឍតែប៉ុណ្ណោះ ។
ភ្ញៀវទេសចរណ៍អាចទៅលេងរមណីយដ្ឋានបាក់ខន បានតែរដូវប្រាំងប៉ុណ្ណោះ ទើបអាចមើលឃើញទឹកធ្លាក់ពីភាពស្រស់ស្អាតរបស់វា តែបើនៅរដូវរដូវវស្សាវិញ យើងមិនអាចមើលឃើញទឹកធ្លាក់បានឡើយ ព្រោះទឹកទន្លេល្ពៅ ដែលខ័ណ្ឌចែកប្រទេសកម្ពុជា និងប្រទេសឡាវ បានឡើងលិចឃើញទឹកល្ហល្ហេវ ដាច់កន្ទុយភ្នែក ។ ទឹកធ្លាក់នេះវាបានបញ្ចេញសូរសំឡេងលាន់ឮរាប់សិបគីឡូ។
លោក ផឹង ថុង ប្រធានក្រុមប្រឹក្សាឃុំកំពង់ស្រឡៅII បាននិយាយប្រាប់យើងនៅកន្លែងទឹកធ្លាក់បាក់ខនថា អាជ្ញាធរឃុំ គឺមានគំរោងអភិវឌ្ឍន៍ឲ្យទីនោះមានបរិស្ថានល្អស្អាត ក្លាយទៅជារមណីយដ្ឋាន ដ៏ទាក់ទាញមួយសំរាប់ភ្ញៀវទេសចរជាតិ និង អន្តរជាតិ ។ ភ្ញៀវទេសចរដែលទៅកម្សាន្តនៅទីនោះមានតិចតួចបំផុត ហើយគឺជាភ្ញៀវក្នុងស្រុកដែលភាគច្រើនធ្វើដំណើរមកពីខេត្តស្ទឹងត្រែ ព្រោះវាមានរយៈចំងាយជិតជាងខេត្តព្រះវិហារ ភាគច្រើននៅថ្ងៃសៅរ៍ និង ថ្ងៃអាទិត្យ ដែលគេគ្រប់គ្នាជិះម៉ូតូមកលេង ហើយនាំគ្នាវិចបាយមកពិសារនៅទីនោះហើយពេលថ្ងៃត្រង់ ឬពេលល្ងាចទើបត្រឡប់ទៅវិញ ។
លោកប្រធានក្រុមប្រឹក្សាឃុំកំពង់ស្រឡៅII បានបន្តថា ទីនោះនៅមិនទាន់មានការអភិវឌ្ឍនៅឡើយទេ តែបើមានការអភិវឌ្ឍយើងនិងមានការផ្សព្វផ្សាយឲ្យបានទូលំទូលាយ ពិតជាទីនោះមានការស្រូបទាញភ្ញៀវទេសចរ និង ធ្វើឲ្យប្រជាជនពីរឃុំ គឺកំពង់ស្រឡៅI និង កំពង់ស្រឡៅII មានជីវភាពធូរធាបានមួយកំរិតទៀត លើមុខរបរប្រចាំថ្ងៃ តាមរយៈការលក់ដូរជូនភ្ញៀវទេសចរ ដែលគេទៅកម្សាន្តនៅទីនោះ ។
លោក ផឹង ថុង បានបញ្ជាក់ថាការដែលគេបានទៅស្គាល់ឃុំកំពង់ស្រឡៅI និងឃុំកំពង់ស្រឡៅII បច្ចុប្បន្ន ដោយសារ លោកឧត្តមសេនីយ៍ទោ ខេង សុមេក ដែលលោកទទួលបទបញ្ជាសម្តេច តេជោហ៊ុនសែន ធ្វើផ្លូវទៅកាន់តំបន់នោះ ។
លោកប្រាប់ថា ប្រជាជននៅឃុំកំពង់ស្រឡៅII មានចំនួន ៤ ភូមិ ស្មើប្រជាពលរដ្ឋ ៣៨៣ គ្រួសារ និង មានមនុស្ស ១៩១៨ នាក់ ។ លោកបានផ្តាំថាទីនោះមានផ្លូវល្អហើយសូមឲ្យភ្ញៀវទេសចរ កុំភ្លេចទៅលេងកំពង់ស្រឡៅ និង ទឹកធ្លាក់បាក់ខន ឲ្យបានច្រើន ហើយទីនោះមានភាពល្អ១០០ភាគរយ សូមភ្ញៀវកុំភ្លេច បើបានទៅលេងម្តងហើយ ពិតជាចង់ទៅជាច្រើនដងទៀត ព្រោះរមណីយដ្ឋានទឹកធ្លាក់បាក់ខន នៅកំពង់ស្រឡៅII គ្មានពីរឡើយ គឺល្អដាច់គេ ស្ថិតនៅជា់ខេត្តចំប៉ាសាក់ប្រទេសឡាវ ៕
រមណីយដ្ឋាន ធម្មជាតិ បាក់ខនមានទីតាំងស្ថិតនៅឃុំកំពុងស្រឡៅII ស្រុកឆែប ខេត្តព្រះវិហារ ។ រមណីយដ្ឋានមួយនេះ គឺជាប់ និងខេត្តចំប៉ាសាក់ ប្រទេសឡាវ ដែលខ័ណ្ឌដោយទន្លេល្ពៅ ។ បើយើងធ្វើដំណើរទៅកាន់រមណីយដ្ឋាន ទឹកធ្លាក់ធម្មជាតិបាក់ខន យើងអាចធ្វើដំណើរទៅបានដោយធ្វើដំណើរពីខេត្តស្ទឹងត្រែង មានរយៈចម្ងាយប្រមាណ ៧០ គីឡូម៉ែត្រ តែបើយើងធ្វើដំណើរពីស្រុកឆែប ខេត្តព្រះវិហារទៅកានបាក់ខន មានរយៈចំងាយប្រមាណ ៨០ គីឡូម៉ែត្រ ។ ប៉ុន្តែ បើយើងធ្វើដំណើរពីស្រុកគូលែនវិញ គឺមានរយៈចំងាយ ១៨០គីឡូម៉ែត្រ ។
ការធ្វើដំណើរទៅបានដល់រមណីយដ្ឋានបាក់ខន គឺអាស្រ័យ ដោយសារយើងមានផ្លូវក្រួសក្រហមមួយខ្សែកសាងទៅតំបន់នោះរយៈពេល ប្រហែល មួយឆ្នាំមុន ដែលជាគតិបណ្ឌិត និងការចង្អុលបង្ហាញដោយសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលផ្តល់បទបញ្ជាឲ្យកងវិស្វកម្ម តេជោហ៊ុនសែន សៀមរាប ដែលមានលោកមេបញ្ជាការ ឧត្តមសេនីយ៍ទោ ខេង សុមេក ជាអ្នកកសាង ។ ប៉ុន្តែបើយើងក្រឡេកទៅមើលអតីតកាលរយៈពេល មួយឆ្នាំមុននេះប្រហែលជាយើង មិនអាចធ្វើដំណើរទៅដល់រមណីយដ្ឋាន បាក់ខនបានឡើយ ព្រោះពេលនោះមិនទាន់បានអភិវឌ្ឍន៍ផ្លូវនៅឡើយទេ ។
ពិតមែនតែបាក់ខន យើងបានទៅឃើញ ហើយកោតសរសើរមិនដាច់ពីមាត់ថាជារមណីយដ្ឋានធម្មជាតិគ្មានពីរក៏ដោយ ក៏ប៉ុន្តែ ទីនេះមិនទាន់មានការអភិវឌ្ឍអ្វីមួយសំរាប់ជាការស្រូបទាញភ្ញៀវទេសចេរ នៅឡើយទេ គឺអាជ្ញាធរមូលដ្ឋានបានត្រឹមតែគិត និង មានគំរោងអភិវឌ្ឍតែប៉ុណ្ណោះ ។
ភ្ញៀវទេសចរណ៍អាចទៅលេងរមណីយដ្ឋានបាក់ខន បានតែរដូវប្រាំងប៉ុណ្ណោះ ទើបអាចមើលឃើញទឹកធ្លាក់ពីភាពស្រស់ស្អាតរបស់វា តែបើនៅរដូវរដូវវស្សាវិញ យើងមិនអាចមើលឃើញទឹកធ្លាក់បានឡើយ ព្រោះទឹកទន្លេល្ពៅ ដែលខ័ណ្ឌចែកប្រទេសកម្ពុជា និងប្រទេសឡាវ បានឡើងលិចឃើញទឹកល្ហល្ហេវ ដាច់កន្ទុយភ្នែក ។ ទឹកធ្លាក់នេះវាបានបញ្ចេញសូរសំឡេងលាន់ឮរាប់សិបគីឡូ។
លោក ផឹង ថុង ប្រធានក្រុមប្រឹក្សាឃុំកំពង់ស្រឡៅII បាននិយាយប្រាប់យើងនៅកន្លែងទឹកធ្លាក់បាក់ខនថា អាជ្ញាធរឃុំ គឺមានគំរោងអភិវឌ្ឍន៍ឲ្យទីនោះមានបរិស្ថានល្អស្អាត ក្លាយទៅជារមណីយដ្ឋាន ដ៏ទាក់ទាញមួយសំរាប់ភ្ញៀវទេសចរជាតិ និង អន្តរជាតិ ។ ភ្ញៀវទេសចរដែលទៅកម្សាន្តនៅទីនោះមានតិចតួចបំផុត ហើយគឺជាភ្ញៀវក្នុងស្រុកដែលភាគច្រើនធ្វើដំណើរមកពីខេត្តស្ទឹងត្រែ ព្រោះវាមានរយៈចំងាយជិតជាងខេត្តព្រះវិហារ ភាគច្រើននៅថ្ងៃសៅរ៍ និង ថ្ងៃអាទិត្យ ដែលគេគ្រប់គ្នាជិះម៉ូតូមកលេង ហើយនាំគ្នាវិចបាយមកពិសារនៅទីនោះហើយពេលថ្ងៃត្រង់ ឬពេលល្ងាចទើបត្រឡប់ទៅវិញ ។
លោកប្រធានក្រុមប្រឹក្សាឃុំកំពង់ស្រឡៅII បានបន្តថា ទីនោះនៅមិនទាន់មានការអភិវឌ្ឍនៅឡើយទេ តែបើមានការអភិវឌ្ឍយើងនិងមានការផ្សព្វផ្សាយឲ្យបានទូលំទូលាយ ពិតជាទីនោះមានការស្រូបទាញភ្ញៀវទេសចរ និង ធ្វើឲ្យប្រជាជនពីរឃុំ គឺកំពង់ស្រឡៅI និង កំពង់ស្រឡៅII មានជីវភាពធូរធាបានមួយកំរិតទៀត លើមុខរបរប្រចាំថ្ងៃ តាមរយៈការលក់ដូរជូនភ្ញៀវទេសចរ ដែលគេទៅកម្សាន្តនៅទីនោះ ។
លោក ផឹង ថុង បានបញ្ជាក់ថាការដែលគេបានទៅស្គាល់ឃុំកំពង់ស្រឡៅI និងឃុំកំពង់ស្រឡៅII បច្ចុប្បន្ន ដោយសារ លោកឧត្តមសេនីយ៍ទោ ខេង សុមេក ដែលលោកទទួលបទបញ្ជាសម្តេច តេជោហ៊ុនសែន ធ្វើផ្លូវទៅកាន់តំបន់នោះ ។
លោកប្រាប់ថា ប្រជាជននៅឃុំកំពង់ស្រឡៅII មានចំនួន ៤ ភូមិ ស្មើប្រជាពលរដ្ឋ ៣៨៣ គ្រួសារ និង មានមនុស្ស ១៩១៨ នាក់ ។ លោកបានផ្តាំថាទីនោះមានផ្លូវល្អហើយសូមឲ្យភ្ញៀវទេសចរ កុំភ្លេចទៅលេងកំពង់ស្រឡៅ និង ទឹកធ្លាក់បាក់ខន ឲ្យបានច្រើន ហើយទីនោះមានភាពល្អ១០០ភាគរយ សូមភ្ញៀវកុំភ្លេច បើបានទៅលេងម្តងហើយ ពិតជាចង់ទៅជាច្រើនដងទៀត ព្រោះរមណីយដ្ឋានទឹកធ្លាក់បាក់ខន នៅកំពង់ស្រឡៅII គ្មានពីរឡើយ គឺល្អដាច់គេ ស្ថិតនៅជា់ខេត្តចំប៉ាសាក់ប្រទេសឡាវ ៕
No comments:
Post a Comment