នាឱកាសបុណ្យចូលឆ្នាំចិន-វៀតណាមកន្លងទៅនេះនៅរមណីយដ្ឋានទាំង១៣ កន្លែងទូទាំងខេត្ត (ទឹកឈូ, កែបថ្មី, ភ្នំបូកគោ, ភ្នំកំពង់ត្រាច, ប្រាសាទភ្នំឈ្ងោក, ភ្នំស, ព្រែកអម្ពិល, ប្រាសាទភ្នំខ្យង, ភ្នំដូង, ទំនប់ម្លិច, ទំនប់ប្រទាក់ក្រឡា, អន្លង់ធំ និង មជ្ឈមណ្ឌលសង្គ្រោះសត្វព្រៃ) មានភ្ញៀវប្រមាណ ៣៨.៧៦៩នាក់ ក្នុងនោះភ្ញៀវបរទេសចំនួន ៧១៨នាក់ បានមកកម្សាន្តធ្វើឱ្យចំនួននេះកើនឡើងរហូត ២,០៥៣ ភាគរយ បើប្រៀបធៀបនឹងឱកាសដូចគ្នានៃឆ្នាំ២០១០ ដែលតែមានភ្ញៀវសរុប ១៨.៨៧៥នាក់ ភ្ញៀវបរទេស ៦៧៨ នាក់ ។
តាមស្ថិតិរបស់មន្ទីរ ទេសចរណ៍បានឱ្យដឹងថា រយៈពេលបួនថ្ងៃ (ពីថ្ងៃទី៣ ដល់ថ្ងៃទី៦ ខែកុម្ភៈ ឆ្នាំ២០១១) នៅរមណីយដ្ឋានទាំង ១៣ កន្លែងមានភ្ញៀវមកលេងចំនួន ៣៨.៧៦៩នាក់ ក្នុងនោះភ្ញៀវជាតិចំនួន ៣៨.០៥១នាក់ និង ភ្ញៀវអន្តរជាតិចំនួន ៧១៨នាក់ ដោយចំនួននេះមានការកើនឡើង ២,០៥៣ ភាគរយបើប្រៀធៀបនឹងឱកាសដូចគ្នានៃឆ្នាំ២០១០។ កត្តាដែលនាំឱ្យភ្ញៀវមានការកើនឡើងត្រូវបានមន្ត្រីទេសចរណ៍អះអាងថា បញ្ហាការស្ថាបនាផ្លូវជាតិលេខ៣ជិតសម្រេចរួចរាល់នោះជាមូលហេតុ បង្កលក្ខណៈងាយស្រួល សម្រាប់ភ្ញៀវធ្វើដំណើរមកលេងកម្សាន្តនាឆ្នាំនេះ ។ ពិសេសចំពោះរមណីយដ្ឋានភ្នំបូកគោដែលការធ្វើផ្លូវបានល្អរហូតដល់ ៩០ ភាគរយទៅហើយនោះ ធ្វើឱ្យរមណីយដ្ឋានមួយនេះទទួលភ្ញៀវបានរហូតដល់ ២៣.៦៨៤នាក់ ក្នុងនោះភ្ញៀវបរទេសចំនួន ៣៧០នាក់ ។
ទាក់ទិននឹង រមណីយដ្ឋានភ្នំបូកគោនេះដែរ លោក យ៉ង ភីរម្យ នាយកឧទ្យានជាតិព្រះមុនីវង្សបូកគោប្រាប់ឱ្យដឹងថា អំឡុងពេលបុណ្យចូលឆ្នាំចិន-វៀតណាម ភ្នំបូកគោមានរថយន្តតូចធំឡើងទៅលេងចំនួន ២.២៥៧ គ្រឿង និង ម៉ូតូជាង ១.២០០ គ្រឿង ។ មនុស្ស ១៧ នាក់ស្លាប់និងរបួស ក្នុងឱកាសបុណ្យចូលឆ្នាំចិន-វៀតណាម ។
នាឱកាសបុណចូលឆ្នាំចិន -វៀតណាមកន្លងទៅនេះនៅទូទាំងខេត្តកំពតមានមនុស្ស ៣នាក់បាត់បង់ជីវិត និង ១៤នាក់រងរបួស ធ្ងន់-ស្រាល ដោយមូលហេតុដែលនាំឱ្យកើតមានករណីគ្រោះថ្នាក់ទាំងនោះបណ្តាលមកពី អ្នកបញ្ជាយានយន្តសេពគ្រឿងស្រវឹង ។
លោកឧត្តមសេនីយ៍ត្រី ថ្លាង ភីរិន ស្នងការនគរបាលខេត្តបានប្រាប់តាមទូរស័ព្ទនាព្រឹកថ្ងៃទី៧ ខែកុម្ភៈ ឆ្នាំ២០១១ នេះថា នាឱកាសបុណ្យចូលឆ្នាំចិន-វៀតណាមនេះនៅទូទាំងខេត្តមានករណី គ្រោះថ្នាក់ចរាចរកើតឡើងចំនួន ៦លើក បណ្តាលឱ្យមនុស្ស ៣នាក់ (ស្រីម្នាក់) បាត់បង់ជីវិត , ៨នាក់ (ស្រី៣នាក់) រងរបួសធ្ងន់ និង ៦នាក់ (ស្រីម្នាក់) រងរបួសស្រាល ។ មូលហេតុដែលនាំឱ្យកើតមានគ្រោះថ្នាក់ចរាចរទាំងប៉ុន្មានលើកនេះ ត្រូវបានលោកឧត្តមសេនីយ៍ដាក់ការបន្ទោសលើអ្នីកបញ្ជាយានយន្តក្រេប គ្រឿងស្រវឹងមុនពេលបើកបរ ។ លោកបញ្ជាក់ផងដែរថា ចំនួនគ្រោះថ្នាក់នេះបើប្រៀបធៀបនឹងឱកាសដូចគ្នាក្នុងឆ្នាំមុនមានការ ថយចុះច្រើនដោយសារអ្នកប្រើប្រាស់ផ្លូវសព្វថ្ងៃកាន់តែយល់ច្បាប់ ស្តីពីចរាចរ និង មានការអត់ឱនអធ្យាស្រ័យគ្នាទៅវិញទៅមក ៕
តាមស្ថិតិរបស់មន្ទីរ ទេសចរណ៍បានឱ្យដឹងថា រយៈពេលបួនថ្ងៃ (ពីថ្ងៃទី៣ ដល់ថ្ងៃទី៦ ខែកុម្ភៈ ឆ្នាំ២០១១) នៅរមណីយដ្ឋានទាំង ១៣ កន្លែងមានភ្ញៀវមកលេងចំនួន ៣៨.៧៦៩នាក់ ក្នុងនោះភ្ញៀវជាតិចំនួន ៣៨.០៥១នាក់ និង ភ្ញៀវអន្តរជាតិចំនួន ៧១៨នាក់ ដោយចំនួននេះមានការកើនឡើង ២,០៥៣ ភាគរយបើប្រៀធៀបនឹងឱកាសដូចគ្នានៃឆ្នាំ២០១០។ កត្តាដែលនាំឱ្យភ្ញៀវមានការកើនឡើងត្រូវបានមន្ត្រីទេសចរណ៍អះអាងថា បញ្ហាការស្ថាបនាផ្លូវជាតិលេខ៣ជិតសម្រេចរួចរាល់នោះជាមូលហេតុ បង្កលក្ខណៈងាយស្រួល សម្រាប់ភ្ញៀវធ្វើដំណើរមកលេងកម្សាន្តនាឆ្នាំនេះ ។ ពិសេសចំពោះរមណីយដ្ឋានភ្នំបូកគោដែលការធ្វើផ្លូវបានល្អរហូតដល់ ៩០ ភាគរយទៅហើយនោះ ធ្វើឱ្យរមណីយដ្ឋានមួយនេះទទួលភ្ញៀវបានរហូតដល់ ២៣.៦៨៤នាក់ ក្នុងនោះភ្ញៀវបរទេសចំនួន ៣៧០នាក់ ។
ទាក់ទិននឹង រមណីយដ្ឋានភ្នំបូកគោនេះដែរ លោក យ៉ង ភីរម្យ នាយកឧទ្យានជាតិព្រះមុនីវង្សបូកគោប្រាប់ឱ្យដឹងថា អំឡុងពេលបុណ្យចូលឆ្នាំចិន-វៀតណាម ភ្នំបូកគោមានរថយន្តតូចធំឡើងទៅលេងចំនួន ២.២៥៧ គ្រឿង និង ម៉ូតូជាង ១.២០០ គ្រឿង ។ មនុស្ស ១៧ នាក់ស្លាប់និងរបួស ក្នុងឱកាសបុណ្យចូលឆ្នាំចិន-វៀតណាម ។
នាឱកាសបុណចូលឆ្នាំចិន -វៀតណាមកន្លងទៅនេះនៅទូទាំងខេត្តកំពតមានមនុស្ស ៣នាក់បាត់បង់ជីវិត និង ១៤នាក់រងរបួស ធ្ងន់-ស្រាល ដោយមូលហេតុដែលនាំឱ្យកើតមានករណីគ្រោះថ្នាក់ទាំងនោះបណ្តាលមកពី អ្នកបញ្ជាយានយន្តសេពគ្រឿងស្រវឹង ។
លោកឧត្តមសេនីយ៍ត្រី ថ្លាង ភីរិន ស្នងការនគរបាលខេត្តបានប្រាប់តាមទូរស័ព្ទនាព្រឹកថ្ងៃទី៧ ខែកុម្ភៈ ឆ្នាំ២០១១ នេះថា នាឱកាសបុណ្យចូលឆ្នាំចិន-វៀតណាមនេះនៅទូទាំងខេត្តមានករណី គ្រោះថ្នាក់ចរាចរកើតឡើងចំនួន ៦លើក បណ្តាលឱ្យមនុស្ស ៣នាក់ (ស្រីម្នាក់) បាត់បង់ជីវិត , ៨នាក់ (ស្រី៣នាក់) រងរបួសធ្ងន់ និង ៦នាក់ (ស្រីម្នាក់) រងរបួសស្រាល ។ មូលហេតុដែលនាំឱ្យកើតមានគ្រោះថ្នាក់ចរាចរទាំងប៉ុន្មានលើកនេះ ត្រូវបានលោកឧត្តមសេនីយ៍ដាក់ការបន្ទោសលើអ្នីកបញ្ជាយានយន្តក្រេប គ្រឿងស្រវឹងមុនពេលបើកបរ ។ លោកបញ្ជាក់ផងដែរថា ចំនួនគ្រោះថ្នាក់នេះបើប្រៀបធៀបនឹងឱកាសដូចគ្នាក្នុងឆ្នាំមុនមានការ ថយចុះច្រើនដោយសារអ្នកប្រើប្រាស់ផ្លូវសព្វថ្ងៃកាន់តែយល់ច្បាប់ ស្តីពីចរាចរ និង មានការអត់ឱនអធ្យាស្រ័យគ្នាទៅវិញទៅមក ៕
No comments:
Post a Comment