ជាការពិតណាស់ថា សំរាប់សត្វល្អិតប្រភេទកន្លាតនេះ មានក្លិនគួរឲ្យស្អប់ខ្ពើមបំផុត ហើយក៏ជាប្រភេតសត្វល្អចំលងនូវមេរោគបានដូចគ្នា ។
សំរាប់សត្វកន្លាតនេះយើងជឿជាក់ថា ជាបញ្ហាដ៏ធំមួយដែលស្ត្រីមេផ្ទះរមែងប្រឈមជាមួយពួកវាយ៉ាងញឹកញាប់បំផុត ។ ព្រោះថាពួកវាច្រើនជ្រកលាក់ខ្លួននៅតាមផ្ទះបាយ ថតតុ ថតទូ ឬក៏តាមកន្លៀតនៃជ្រុងណាមួយដែលមានសភាពងងឹត ។ ប្រសិនបើកន្លងមកលោកអ្នកប្រើវិធីកំចាត់ហើយនៅតែមិនទទួលបានផលនោះថ្ងៃនេះយើងមានគន្លឹះយ៉ាងងាយស្រួលបំផុតព្រមទាំងមានប្រសិទ្ធភាពមកផ្ញើរជូនដូចខាងក្រោមនេះ :
វាគ្មានអ្វីពិបាកទាល់តែសោះដោយយើងគ្រាន់តែណែនាំលោកអ្នកនាំយកម្រេចម៉ត់ដែលប្រើប្រាស់ផ្សំអាហាររាល់ថ្ងៃទៅដាក់នៅតាមចំណុចផ្សេងៗដែលជាងជំរកលាក់ខ្លួនរបស់ពពួកសត្វកន្លាតនោះ ឬក៏ទីកន្លែងដែលវាលួចចេញមកស៊ីកំទេចអាហារដោយក្នុងបន្លែនីមួយៗដាក់ត្រឹមតែពី ៤-៥ គ្រាប់តែប៉ុណ្ណោះ ។
ក្រោយពេលសត្វល្អិតប្រភេទកន្លាតនេះចាប់ក្លិនម្រេចដែលជាវត្ថុមិនបំណងប្រាថ្នារបស់វា វានឹងលែងទៅកាន់ទីនោះរំខានដល់លោកអ្នកទៀតជាក់ជាមិនខាន ។
ដូច្នេះយើងឃើញថាជាវិធីដ៏ងាយស្រួលបំផុតដោយមិនចាំបាច់លោកអ្នកប្រើថ្នាំបាញ់សំលាប់សត្វល្អិតធ្វើឲ្យខ្ជះខ្ជាយលុយកាក់ ឬក៏អាចបង្កគ្រោះថ្នាក់សុខភាពមនុស្សនៅក្នុងរាងកាយទៀតផង ៕
No comments:
Post a Comment