ទឹកធ្លាក់កាចាញ មានទីតាំងនៅភូមិកាចាញ សង្កាត់កាចាញ ក្រុងបានលុង ដែលមានចម្ងាយ ៦គីឡូម៉ែត្រ ពីក្រុងបានលុង ខេត្តរតនគីរី ។ វាមានកម្ពស់ទឹកហូរធ្លាក់ប្រហែល ១២ម៉ែត្រ ទឹកធ្លាក់នេះបានលាក់ខ្លួននៅចំកណ្តាលព្រៃភ្នំភ្ជាប់ដោយអូរ និងចំការកៅស៊ូ ស្ថិតនៅចន្លោះពាក់កណ្ដាលផ្លូវរវាងអូរកាទៀង និងទន្លេស្រែពក នៃភូមិសាស្ត្រស្រុកលំផាត់ ខេត្តរតនគីរី ។
វាគឺជារមណីយដ្ឋានធម្មជាតិដ៏ស្រស់ត្រកាលមួយតែងតែទាក់ទាញភ្នែក ទេសចរគ្រប់ៗរូបឲ្យទៅទស្សនានិងមុជទឹកលេងកម្សាន្តនៅទីនោះជាហូរហែ ។
ដើម្បីគយគន់សម្រស់ដ៏ ត្រកាលនៃទឹកធ្លាក់នេះឲ្យកាន់តែប្លែក គឺទេសចរទាំងឡាយត្រូវចុះតាមជណ្ដើរឈើប្រមាណ ៧២កាំ ទៅក្រោម ឬដើរកម្សាន្តលេងតាមស្ពានយោលដែលលាតសន្ធឹងនៅពីមុខចរន្តទឹកធ្លាក់ ។នៅចំណុចខាងក្រោមនោះមានដើមឈើធំៗដែលអាចផ្ដល់ជាម្លប់ដល់ការ អង្គុយសម្រាកលំហែកាយលេង ឬក៏ទទួលទានអាហារកញ្ចប់នៅទីនោះក៏បាន ។ចំណែក នៅបរិវេណខាងលើក្បែរចំណុចទឹកធ្លាក់មានទីកន្លែងលក់ដូរចំណីអាហារ ភេសជ្ជៈ រួមទាំងវត្ថុអនុស្សាវរីយ៍ផ្សេងៗ សម្រាប់បម្រើតម្រូវការដល់ភ្ញៀវទេសចរដែលទៅកម្សាន្តនៅទីនោះ ៕
វាគឺជារមណីយដ្ឋានធម្មជាតិដ៏ស្រស់ត្រកាលមួយតែងតែទាក់ទាញភ្នែក ទេសចរគ្រប់ៗរូបឲ្យទៅទស្សនានិងមុជទឹកលេងកម្សាន្តនៅទីនោះជាហូរហែ ។
ដើម្បីគយគន់សម្រស់ដ៏ ត្រកាលនៃទឹកធ្លាក់នេះឲ្យកាន់តែប្លែក គឺទេសចរទាំងឡាយត្រូវចុះតាមជណ្ដើរឈើប្រមាណ ៧២កាំ ទៅក្រោម ឬដើរកម្សាន្តលេងតាមស្ពានយោលដែលលាតសន្ធឹងនៅពីមុខចរន្តទឹកធ្លាក់ ។នៅចំណុចខាងក្រោមនោះមានដើមឈើធំៗដែលអាចផ្ដល់ជាម្លប់ដល់ការ អង្គុយសម្រាកលំហែកាយលេង ឬក៏ទទួលទានអាហារកញ្ចប់នៅទីនោះក៏បាន ។ចំណែក នៅបរិវេណខាងលើក្បែរចំណុចទឹកធ្លាក់មានទីកន្លែងលក់ដូរចំណីអាហារ ភេសជ្ជៈ រួមទាំងវត្ថុអនុស្សាវរីយ៍ផ្សេងៗ សម្រាប់បម្រើតម្រូវការដល់ភ្ញៀវទេសចរដែលទៅកម្សាន្តនៅទីនោះ ៕
No comments:
Post a Comment