វិធីការពារពីរន្ទះ

នៅអំឡុងរដូវភ្លៀងបែបនេះ ការកើតមានគ្រោះអន្ដរាយបែបធម្មជាតិ ពិតជាកើតមានឡើង ច្រើន
ជាយថាហេតុ ដូចជា ទឹកជំនន់ រន្ទះបាញ់ ជាដើម ។ ដើម្បីសុវត្ថិភាពពីការគ្រោះថ្នាក់ដោយរន្ទះបាញ់
គួរចៀសវាងនៅទីស្រឡះដូចជាកណ្ដាលវាលស្រែ ទីលានវាយកូនហ្គោល ស្រះទឹក ទីលានបាល់ទាត់។ល។
ប៉ុន្ដែ បើសិនជាមិនអាចចៀសផុត ចូរប្រតិបត្ដិដូចខាងក្រោមនេះ ។

ករណីដែលស្ដិតនៅទីស្រឡះ

-កុំនៅរួមគ្នាជាក្រុម
-កុំនៅក្រោមដើមឈើ ជាពិសេសដើមឈើធំៗ បើសិនមានដើមឈើរួមជាក្រុម ត្រូវជ្រើសរើសជ្រក ក្រោមដើមឈើណាដែលទាប។
-កុំនៅទីខ្ពស់ ឬលើករបស់អ្វីមួយឡើងខ្ពស់ ដូចជា ឆត្រ សន្ទូច ស្បោងកូនហ្គោល។
-ត្រូវដោះវត្ថុដែលជាលោហៈចេញពីខ្លួន
-កុំនៅក្នុងស្រះទឹក ឬប្រភពទឹក។
-ចៀសវាងឱ្យឆ្ងាយពីវត្ថុដែលជាលោហៈធាតុ។
ប្រការសំខាន់ កុំគេងរាប ប៉ុន្ដែត្រូវអង្គុយជំទើតៗ ផ្អឹបជើងជិតគ្នា យកដៃបិទត្រចៀក ជំទើតចុងជើង ដែលជា កាយវិការអង្គុយដែលអាចជួយកាត់បន្ថយគ្រោះថ្នាក់ពីការត្រូវរន្ទះបាញ់ កាត់បន្ថយពីគ្រោះថ្នាក់
នៃករណី ចរន្ដអគ្គិសនីរត់កាត់តាមផ្ទៃនោះបាន។
ករណីបើសិនអ្នកនៅក្នុងរថយន្ដ
-កុំប៉ះពាល់ផ្នែកណាដែលជាលោហៈ ដោយអង្គុយឱបទ្រូង ឬដាក់ដៃលើភ្លៅ។
-ត្រូវបិទបង្អួចទាំងអស់។
-កុំចតរថយន្ដក្រោមដើមឈើធំ។
-កុំប្រើទូរស័ព្ទចល័ត ឬឧបករណ៍ហែនហ្វ្រី។
ករណីដែលអ្នកនៅក្នុងអគារ
-ត្រូវបិទទ្វារ បិទបង្អួច ហើយចូលទៅនៅក្នុងបន្ទប់ខាងក្នុង ដែលមានសុវត្ថិភាពជា បន្ទប់ដែលមានផ្លូវ
ចេញ ខាងក្រៅ ហើយអគារដែលមានឧបករណ៍ការពារចរន្ដអគ្គិសនី។
-ចៀសវាងចំណុចដែលភ្លើងអាចរត់ចូលទៅដល់ តាមរយៈខ្សែភ្លើង អង់តែន ខ្សែទូរស័ព្ទ ហើយ និងបំពង់
ទុយោទឹក។
-ដោះខ្សែភ្លើង អង់តែន ម៉ូដឹម នៅមុនមានភ្លៀងធ្លាក់ខ្លាំង មានខ្យល់ខ្លាំង។
-កុំប្រើទូរស័ព្ទបែបមានខ្សែនៅក្នុងអគារ ។
សញ្ញព្រមានថា នឹងមានរន្ទះបាញ់ ៖
-សញ្ញាចេញពីរាងកាយ ពេលមានអារម្មណ៍ព្រឺរោម ឬសរសៃសក់ប៉ះច្រូងឡើង ។
-សញ្ញា ៣០ លើ ៣០ ។ ដោយលេខ ៣០ ដំបូង មានន័យថា បើសិនឃើញផ្លេកបន្ទោរ ហើយ មាន
សំឡេងផ្គរលាន់ក្នុងរយៈពេលមិនលើស ៣០វិនាទី នោះ បញ្ជាក់ថា ពពកមេឃភ្លៀង នៅកៀកណាស់
ល្មមតែរន្ទះអាចបង្កគ្រោះថ្នាក់បាន ។ ដូច្នេះ ត្រូវរកកន្លែងលាក់ខ្លួនដែលមានសុវត្ថិភាពភ្លាមៗ។

     ចំណែកលេខ ៣០ ខាងក្រោយ សំដៅដល់ថា ក្រោយពីភ្លៀងរាំងហើយ ហើយមិនមាន សំឡេង
ផ្គរលាន់ទេ ត្រូវពួននៅទីសុវត្ថិភាពយ៉ាងតិច ៣០នាទី ព្រោះទោះបីនៅក្រោយអំឡុងពេល ភ្លៀងហើយនៅ
ចម្ងាយ ៣០ គ.ម ហើយក៏អាចកើតមានរន្ទះបាញ់បានដែរ។