ភ្ញៀវទេសចរណ៍ជាតិនិងអន្តរជាតិមានការកើនទ្បើងជាលំដាប់នៅ រមណីយដ្ឋានធម្មជាតិភ្នំសំពៅ ដែលទាក់ទងនឹងរឿងព្រេងនិទានដ៍មានប្រជាប្រិយរបស់ប្រជាពលរដ្ឋខ្មែរ គឺរឿងព្រះចៅរាជកុល និង នាងរំសាយសក់ ហើយផ្ទៃរឿងទាំងមូលបានបញ្ជាក់ពីដើមហេតុនៃការកកើតភ្នំក្រពើ ភ្នំអណ្តើក ភ្នំទ្រុងមាន់ទ្រុងទា ភ្នំក្តោង ភ្នំនាងរំសាយសក់ ភ្នំបន្ទាយនាង...៘ ដែលគេឱ្យឈ្មោះថា “ចង្កោមភ្នំសំពៅជាពិសេស គឺមានផ្លូវចាក់បេតុងសម្រាប់យានយន្តគ្រប់ប្រភេទអាចបើកទ្បើង ជិតទៅដល់កំពូលភ្នំងាយស្រួលជាងទ្បើងដោយជើង ។
អ្នកទេសចរណ៍អាចធ្វើដំណើរទៅរមណីយដ្ឋានធម្មជាតិភ្នំសពៅតាម ផ្លូវជាតិលេខ ៥៧ ដែលក្រាលកៅស៊ូយ៉ាងស្អាតមានចម្ងាយផ្លូវតែជាង ១០ គីទ្បូម៉ែត្រប៉ុណ្ណោះពីទីរួមខេត្ត ស្ថិតក្នុងភូមិភ្នំសំពៅខាងកើត ភូមិភ្នំសំពៅខាងលិច ភូមិសំណាញ់ ឃុំភ្នំសំពៅ ស្រុកបាណន់ ។ បើសិនគេមើលពីចម្ងាយនឹងឃើញរូបរាងភ្នំដូចជា សំពៅ មានកំពស់ប្រមាណជាង ១៤០ ម៉ែត្រ ។ ពេលមកដល់ជើងភ្នំសំពៅគេអាចធ្វើដំណើរទ្បើងទៅលើកំពូលភ្នំតាមផ្លូវ ២ ផ្សេងគ្នា ។
ផ្លូវទី១ គឺធ្វើដំណើរដោយថ្មើរជើងទ្បើងតាមកាំជណ្តើរថ្មបត់បែនចុះទ្បើងដូច ពស់លូន មានកាំជណ្តើរពីជើងភ្នំទៅដល់កំពូលភ្នំមានជាង ៨០០ កាំ ហើយនៅតាមផ្លូវទ្បើងមានតូបសម្រាកជើងដែលងាយស្រួលសម្រាប់ភ្ញៀវ ទេសចរណ៍ឈប់សម្រាកឱ្យបាត់ហត់
ហើយបន្តទៅមុខទៀតដើម្បីទ្បើងទៅទស្សនាល្អាងនានា និង ព្រះវិហារ ព្រះពុទ្ធសាសនា ។
ផ្លូវទី២ ដែលទើបកសាងទ្បើងដោយចាក់បេតុងធំទូលាយអាចបើកបរម៉ូតូ ឬ រថយន្តទ្បើងដោយស្រួល ហើយអាចចៀសគ្នាបានទៀតផង ។ ផ្លូវទី២នេះអាចទ្បើងទៅដល់កន្លែងព្រះពុទ្ធរូបចូលបរិនិពាន្ត មួយព្រះអង្គធំ ហើយផ្ញើយានយន្តនៅទីនោះរួចអាចដើរមើលល្អាងតូច ធំទាំង ១២ និងដើរទ្បើងទៅកំពូលភ្នំតែមួយភ្លែតក៍ទៅដល់ ។
ព្រះសង្ឃមួយអង្គព្រះនាម តន់ ដែលគង់នៅល្អាងផ្កាស្លា ល្អាងគក់ទ្រូង និង ល្អាងខ្យល់ មានសង្ឃដីកាថា នៅលើកំពូលភ្នំមានវត្តមួយឈ្មោះថា “វត្តគីរីរម្យ” មានព្រះវិហារដំបូល ១០០ អាស្រម រូបសំណាក ចេតីយអតីតលោកស្រីលន់ នល់ និង មានល្អាងជាច្រើនដូចជា ល្អាងល្ខោន ល្អាងតែងខ្លួន ល្អាងផ្កាសា ល្អាងគក់ទ្រូង ល្អាងខ្យល់ ល្អាងពេជ្រ ល្អាងជ្រៃ ល្អាងខ្វែង ល្អាងស្ថានីយ ឬ ល្អាងធំ ល្អាងប្រេង ល្អាងក្បាលខ្មោច ដែលបនប៉ុល ពត នាំយកមកសម្លាប់ចោល ហើយបន្សល់ទុកអដ្ឋិធាតុជាច្រើនគរដូចភ្នំ ។ នៅទីនេះមានអនុស្សាវរីយ៍ជាច្រើនជាមួយបទចម្រៀងមួយចំនួនដែលបាន តាក់តែងនិពន្ធនៅក្នុងអំទ្បុងទសវត្សរ៍ ១៩៦០ ហើយភ្ញៀវក៍អាចរង់ចាំមើលហ្វូងសត្វប្រចៀវដែលនឹងហើរចេញពីល្អាង រាប់ពាន់ រាប់ម៉ឺនក្បាល នៅជើងភ្នំដែលគេប្រសិទ្ធិនាមថា “កងទ័ពប្រចៀវ” ។
មគ្គុទេសក៍ទេសចរណ៍ដែលភាគច្រើនជាកូនចៅប្រជាជនមានអាយុពី៨ ទៅ ១៥ ឆ្នាំ បាននាំភ្ញៀវដើរមើលតាមល្អាងនានា ហើយនិយាយយរៀបរាប់ពីប្រវត្តិខ្លះៗដែលពួកគេចងចាំដូចមេសូត្រ រត់មាត់ពីលោកតាចាស់ៗដែលត្រូវជាឪពុក ម្តាយ ឬ ជីដូន ជីតាពួកគេ ។ ចំពោះល្អាងភាគច្រើនទាក់ទងនឹងរឿងព្រេងនិទាន “ព្រះចៅរាជកុលនាំភស្តភារបណ្ណាការមកស្តីដណ្តឹងព្រះនាងរំសាយសក់ ដោយនៅលើសំពៅមានដាក់ទាំងផ្កាស្លា ក្រុមលេន កន្លែងតែងខ្លួន មានទាំងទ្រុងមាន់ ទ្រុងទាជាដើម ។ មុនចូលដល់ល្អាងផ្កាស្លាមានផ្ទាំងថ្មមានរូបរាងដូចជាផ្កាសា ពេលដើរចូលទៅក្រោមមានសភាពចង្អៀត និង ងងឹតដោយមានគេចាប់ភ្លើងអាគុយបំភ្លឺផ្លូវ និង មានអ្នកបញ្ចាំងពិលជូនភ្ញៀវទៀត ។ ពេលចុទៅដល់ល្អាងគក់ទ្រូងមានរូបព្រះបដិមាសំរឹទ្ធពណ៌ខ្មៅ ១ អង្គ ។ បើភ្ញៀវចង់គក់ទ្រូងត្រូវទ្បើងឈរលើផ្ទាំងថ្ម ៤ ជ្រុងទ្រវែងហើយយកដៃគក់ដើមទ្រូង នឹង មានសម្លេងខ្ទរត្រទ្បប់មកវិញ ។ ពេលទ្បើងពីល្អាងគក់ទ្រូងនឹងជួបប្រទះរូបព្រះពុទ្ធចូលបរិនិពាន្ត ១ អង្គ យ៉ាងធំមានបណ្តោយ ១២ ម៉ែត្រនិងទទឹង ៣ម៉ែត្រកសាងដោយសប្បុរសជននៅក្រៅប្រទេស ។ មុនចូលល្អាងខ្យល់គេប្រទះឃើញមានរូបសំណាកដើមស្វាយកាល់ ១ ដើមដែលមានប្រវត្តិថា បើអ្នកណាបានផ្លែស្វាយកាន់ហូបនឹងក្លាយជាមនុស្សអមតៈមិនចេះចាស់ ។ ពេលឈានជើងចូលល្អាងខ្យល់ភ្លាមស្រាប់តែមានខ្យល់មិនដឹងជាមកពីណាប ក់មកត្រជាក់ស្រេង ហើយគ្រាន់តែចេញផុតគ្មានខ្យល់ទេ នឹងមានផ្លូវតូចចង្អៀតងងឹតសម្រាប់ទ្បើងមកកន្លែងដើមវិញ ។ ក្រៅពីល្អាងទាំង ៣ នេះនៅមានល្អាងជាច្រើនទៀតដូចជា ល្អាងតែងខ្លួន ល្អាងល្ខោន ល្អាងប្រេង ល្អាងស្ថានីយ៍ ឬ ល្អាងធំមានទីធ្លាធំទូលាយ ។ បន្តបន្ទាប់មានល្អាងខ្វែងមានរាងសញ្ញាលេខបូក ល្អាងជ្រៃមានដើមជ្រៃមួយដើមធំ ល្អាងពេជ្រមានជណ្តើរចុះទៅក្រោមរាងចោទ ។ នៅមានល្អាងក្បាលខ្មោចដែលមានដាក់តាំងក្បាលខ្មោចក្នុងទូកញ្ចក់មួយ ដែលសាកសពទាំងនេះត្រូវពួកអាវខ្មៅនាំយកមកសម្លាប់ចោលនៅទីនេះ ។
លោកម៉ក់ ស៊ីនណារ៉ា អនុប្រធានមន្ទីរទេសចរណ៍ខេត្តបានបញ្ជាក់ថា បើភ្ញៀវទេសចរណ៍ជាតិ និង អន្តរជាតិចង់ទស្សនាឱ្យបានគ្រប់ល្អាងនៅលើរមណីយដ្ឋានធម្មជាតិភ្នំ សំពៅ ត្រូវប្រើរយៈពេលពី ២ ទៅ ៣ ថ្ងៃទើបមើលសព្វគ្រប់ព្រមទាំងមានមគ្គុទេសក៍មានអាជីពត្រឹមត្រូវ ជាអ្នកនាំដើរមើលនិងរៀបរាប់ពីប្រវត្តិ នៃល្អាងនីមួយៗ ដែលល្អាងទាំងអស់សុទ្ធតែមានទំនាក់ទំនងនឹងប្រវត្តិរឿងព្រចៅរាជកុល នាងរំសាយសក់ និងក្រពើអាធន ៕
អ្នកទេសចរណ៍អាចធ្វើដំណើរទៅរមណីយដ្ឋានធម្មជាតិភ្នំសពៅតាម ផ្លូវជាតិលេខ ៥៧ ដែលក្រាលកៅស៊ូយ៉ាងស្អាតមានចម្ងាយផ្លូវតែជាង ១០ គីទ្បូម៉ែត្រប៉ុណ្ណោះពីទីរួមខេត្ត ស្ថិតក្នុងភូមិភ្នំសំពៅខាងកើត ភូមិភ្នំសំពៅខាងលិច ភូមិសំណាញ់ ឃុំភ្នំសំពៅ ស្រុកបាណន់ ។ បើសិនគេមើលពីចម្ងាយនឹងឃើញរូបរាងភ្នំដូចជា សំពៅ មានកំពស់ប្រមាណជាង ១៤០ ម៉ែត្រ ។ ពេលមកដល់ជើងភ្នំសំពៅគេអាចធ្វើដំណើរទ្បើងទៅលើកំពូលភ្នំតាមផ្លូវ ២ ផ្សេងគ្នា ។
ផ្លូវទី១ គឺធ្វើដំណើរដោយថ្មើរជើងទ្បើងតាមកាំជណ្តើរថ្មបត់បែនចុះទ្បើងដូច ពស់លូន មានកាំជណ្តើរពីជើងភ្នំទៅដល់កំពូលភ្នំមានជាង ៨០០ កាំ ហើយនៅតាមផ្លូវទ្បើងមានតូបសម្រាកជើងដែលងាយស្រួលសម្រាប់ភ្ញៀវ ទេសចរណ៍ឈប់សម្រាកឱ្យបាត់ហត់
ហើយបន្តទៅមុខទៀតដើម្បីទ្បើងទៅទស្សនាល្អាងនានា និង ព្រះវិហារ ព្រះពុទ្ធសាសនា ។
ផ្លូវទី២ ដែលទើបកសាងទ្បើងដោយចាក់បេតុងធំទូលាយអាចបើកបរម៉ូតូ ឬ រថយន្តទ្បើងដោយស្រួល ហើយអាចចៀសគ្នាបានទៀតផង ។ ផ្លូវទី២នេះអាចទ្បើងទៅដល់កន្លែងព្រះពុទ្ធរូបចូលបរិនិពាន្ត មួយព្រះអង្គធំ ហើយផ្ញើយានយន្តនៅទីនោះរួចអាចដើរមើលល្អាងតូច ធំទាំង ១២ និងដើរទ្បើងទៅកំពូលភ្នំតែមួយភ្លែតក៍ទៅដល់ ។
ព្រះសង្ឃមួយអង្គព្រះនាម តន់ ដែលគង់នៅល្អាងផ្កាស្លា ល្អាងគក់ទ្រូង និង ល្អាងខ្យល់ មានសង្ឃដីកាថា នៅលើកំពូលភ្នំមានវត្តមួយឈ្មោះថា “វត្តគីរីរម្យ” មានព្រះវិហារដំបូល ១០០ អាស្រម រូបសំណាក ចេតីយអតីតលោកស្រីលន់ នល់ និង មានល្អាងជាច្រើនដូចជា ល្អាងល្ខោន ល្អាងតែងខ្លួន ល្អាងផ្កាសា ល្អាងគក់ទ្រូង ល្អាងខ្យល់ ល្អាងពេជ្រ ល្អាងជ្រៃ ល្អាងខ្វែង ល្អាងស្ថានីយ ឬ ល្អាងធំ ល្អាងប្រេង ល្អាងក្បាលខ្មោច ដែលបនប៉ុល ពត នាំយកមកសម្លាប់ចោល ហើយបន្សល់ទុកអដ្ឋិធាតុជាច្រើនគរដូចភ្នំ ។ នៅទីនេះមានអនុស្សាវរីយ៍ជាច្រើនជាមួយបទចម្រៀងមួយចំនួនដែលបាន តាក់តែងនិពន្ធនៅក្នុងអំទ្បុងទសវត្សរ៍ ១៩៦០ ហើយភ្ញៀវក៍អាចរង់ចាំមើលហ្វូងសត្វប្រចៀវដែលនឹងហើរចេញពីល្អាង រាប់ពាន់ រាប់ម៉ឺនក្បាល នៅជើងភ្នំដែលគេប្រសិទ្ធិនាមថា “កងទ័ពប្រចៀវ” ។
មគ្គុទេសក៍ទេសចរណ៍ដែលភាគច្រើនជាកូនចៅប្រជាជនមានអាយុពី៨ ទៅ ១៥ ឆ្នាំ បាននាំភ្ញៀវដើរមើលតាមល្អាងនានា ហើយនិយាយយរៀបរាប់ពីប្រវត្តិខ្លះៗដែលពួកគេចងចាំដូចមេសូត្រ រត់មាត់ពីលោកតាចាស់ៗដែលត្រូវជាឪពុក ម្តាយ ឬ ជីដូន ជីតាពួកគេ ។ ចំពោះល្អាងភាគច្រើនទាក់ទងនឹងរឿងព្រេងនិទាន “ព្រះចៅរាជកុលនាំភស្តភារបណ្ណាការមកស្តីដណ្តឹងព្រះនាងរំសាយសក់ ដោយនៅលើសំពៅមានដាក់ទាំងផ្កាស្លា ក្រុមលេន កន្លែងតែងខ្លួន មានទាំងទ្រុងមាន់ ទ្រុងទាជាដើម ។ មុនចូលដល់ល្អាងផ្កាស្លាមានផ្ទាំងថ្មមានរូបរាងដូចជាផ្កាសា ពេលដើរចូលទៅក្រោមមានសភាពចង្អៀត និង ងងឹតដោយមានគេចាប់ភ្លើងអាគុយបំភ្លឺផ្លូវ និង មានអ្នកបញ្ចាំងពិលជូនភ្ញៀវទៀត ។ ពេលចុទៅដល់ល្អាងគក់ទ្រូងមានរូបព្រះបដិមាសំរឹទ្ធពណ៌ខ្មៅ ១ អង្គ ។ បើភ្ញៀវចង់គក់ទ្រូងត្រូវទ្បើងឈរលើផ្ទាំងថ្ម ៤ ជ្រុងទ្រវែងហើយយកដៃគក់ដើមទ្រូង នឹង មានសម្លេងខ្ទរត្រទ្បប់មកវិញ ។ ពេលទ្បើងពីល្អាងគក់ទ្រូងនឹងជួបប្រទះរូបព្រះពុទ្ធចូលបរិនិពាន្ត ១ អង្គ យ៉ាងធំមានបណ្តោយ ១២ ម៉ែត្រនិងទទឹង ៣ម៉ែត្រកសាងដោយសប្បុរសជននៅក្រៅប្រទេស ។ មុនចូលល្អាងខ្យល់គេប្រទះឃើញមានរូបសំណាកដើមស្វាយកាល់ ១ ដើមដែលមានប្រវត្តិថា បើអ្នកណាបានផ្លែស្វាយកាន់ហូបនឹងក្លាយជាមនុស្សអមតៈមិនចេះចាស់ ។ ពេលឈានជើងចូលល្អាងខ្យល់ភ្លាមស្រាប់តែមានខ្យល់មិនដឹងជាមកពីណាប ក់មកត្រជាក់ស្រេង ហើយគ្រាន់តែចេញផុតគ្មានខ្យល់ទេ នឹងមានផ្លូវតូចចង្អៀតងងឹតសម្រាប់ទ្បើងមកកន្លែងដើមវិញ ។ ក្រៅពីល្អាងទាំង ៣ នេះនៅមានល្អាងជាច្រើនទៀតដូចជា ល្អាងតែងខ្លួន ល្អាងល្ខោន ល្អាងប្រេង ល្អាងស្ថានីយ៍ ឬ ល្អាងធំមានទីធ្លាធំទូលាយ ។ បន្តបន្ទាប់មានល្អាងខ្វែងមានរាងសញ្ញាលេខបូក ល្អាងជ្រៃមានដើមជ្រៃមួយដើមធំ ល្អាងពេជ្រមានជណ្តើរចុះទៅក្រោមរាងចោទ ។ នៅមានល្អាងក្បាលខ្មោចដែលមានដាក់តាំងក្បាលខ្មោចក្នុងទូកញ្ចក់មួយ ដែលសាកសពទាំងនេះត្រូវពួកអាវខ្មៅនាំយកមកសម្លាប់ចោលនៅទីនេះ ។
លោកម៉ក់ ស៊ីនណារ៉ា អនុប្រធានមន្ទីរទេសចរណ៍ខេត្តបានបញ្ជាក់ថា បើភ្ញៀវទេសចរណ៍ជាតិ និង អន្តរជាតិចង់ទស្សនាឱ្យបានគ្រប់ល្អាងនៅលើរមណីយដ្ឋានធម្មជាតិភ្នំ សំពៅ ត្រូវប្រើរយៈពេលពី ២ ទៅ ៣ ថ្ងៃទើបមើលសព្វគ្រប់ព្រមទាំងមានមគ្គុទេសក៍មានអាជីពត្រឹមត្រូវ ជាអ្នកនាំដើរមើលនិងរៀបរាប់ពីប្រវត្តិ នៃល្អាងនីមួយៗ ដែលល្អាងទាំងអស់សុទ្ធតែមានទំនាក់ទំនងនឹងប្រវត្តិរឿងព្រចៅរាជកុល នាងរំសាយសក់ និងក្រពើអាធន ៕
No comments:
Post a Comment