ក្រុមអ្នកវិទ្យាសាស្ត្ររបស់អាមេរិកបានអះអាងថា ស្ត្រីមានគភ៌ដែលប្រើប្រាស់កៅអៀកវេជ្ជសាស្ត្រ(បិទលើស្បែកដៃឬខ្នងជំនួសការជក់បារី)និងស្ករកៅស៊ូក្នុងគោលបំណងជួយបំបាត់ការញៀនបារីគឺមានន័យថាពួកគេកំពុងតែធ្វើឲ្យមានរបួសដល់កូនដែលនៅក្នុងផ្ទៃហើយ ។
ក្រុមអ្នកវិទ្យាសាស្ត្រនិយាយថា សារធាតុញៀនដែលមាននៅក្នុងកៅអៀកក៏ដូចជាស្ករកៅស៊ូត្រូវបានស្រូបយកដោយទារកក្នុងផ្ទៃហើយប្រការនេះអាចធ្វើឲ្យសម្ពាធឈាមឡើងខ្ពស់និងមានបញ្ហាដល់បេះដូងពេលក្រោយ។ បណ្តាអ្នកវិទ្យាសាស្ត្ររបស់អាមេរិកទាំងនេះមានការសង្ស័យថា សារធាតុនីកូទីនដែលមាននៅក្នុងកៅអៀកវេជ្ជសាស្ត្រអាចបង្កឲ្យមានភាពគ្រោះថ្នាក់ដល់ធាតុគីមីទាំងឡាយដែលមាននាទីបង្កើតជាសរសៃឈាមរបស់ទារកក្នុងខណៈធាតុគីមីទាំងនេះកំពុងស្ថិតនៅក្នុងផ្ទៃ។
បណ្តាស្ត្រីមានគភ៌ដែលញៀនជក់បារីត្រូវបានគេមើលឃើញថាមានការពិបាកក្នុងការទទួលយកដំបូន្មានរបស់គ្រូពេទ្យដែលសុំឲ្យពួកគេបោះបង់ការទំពាស្ករកៅស៊ូ ឬក៏បិទកៅអៀកវេជ្ជសាស្ត្រ។
កាលពីពេលកន្លងមកនៅលើកញ្ចប់របស់កៅអៀកវេជ្ជសាស្ត្រឬកញ្ចប់ស្ករកៅស៊ូតែងមានសរសេរបំរាមដែលថា «ស្ត្រីមានគភ៌ហាមប្រើ»។
កាលពីពេលកន្លងមកនៅលើកញ្ចប់របស់កៅអៀកវេជ្ជសាស្ត្រឬកញ្ចប់ស្ករកៅស៊ូតែងមានសរសេរបំរាមដែលថា «ស្ត្រីមានគភ៌ហាមប្រើ»។
វេជ្ជបណ្ឌិតDaLiao Xiaoមកពីសាកលវិទ្យាល័យឱសថសាស្ត្រLoma Lindaនៅរដ្ឋកាលីហ្វ័រនីញ៉ាសហរដ្ឋអាមេរិកបាននិយាយថា៖«យើងបានរកឃើញការជាប់ទាក់ទងជាមួយគ្នាយ៉ាងច្បាស់លាស់រវាងការជក់បារី ការប្រើប្រាស់កៅអៀកវេជ្ជសាស្ត្រក៏ដូចជាស្ករកៅស៊ូទៅនឹងការបំផ្លាញសុខភាពក្មេងក្នុងអនាគតវែងឆ្ងាយ»។
ចំណែកលោកសាស្ត្រាចារ្យជែរីមី ភើសុននាយករងឱសថសាស្ត្ររបស់មូលនិធិជំងឺបេះដូងអង់គ្លេស(British Heart Foundation)បាននិយាយថា៖«ការសិក្សាលើកនេះបានផ្តល់ភស្តុតាងកាន់តែច្បាស់បន្ថែមទៀតដែលថា ប្រើប្រាស់សារធាតុនីកូទីនច្រើនអំឡុងមានគភ៌មិនត្រឹមតែធ្វើឲ្យប៉ះពាល់ដល់ទារកក្នុងផ្ទៃប៉ុណ្ណោះទេ ប៉ុន្តែថែមទាំងបង្កើនអត្រាប្រឈមនឹងជំងឺបេះដូងដល់កុមារទៅថ្ងៃខាងមុខទៀតផង »៕
No comments:
Post a Comment