តាមប្រភពពីស៊ីន ហួរ ចេញផ្សាយកាលពីថ្ងៃទី ៦ វិច្ឆិកា បានឱ្យដឹងថា មានការឆោឡោ និងភ្ញាក់ផ្អើលយ៉ាងកក្រើកមួយបណ្តាលមកពីមន្ទីរពេទ្យបានបោះទារកដែលទើបនឹងកើតមក ហើយស្មានតែស្លាប់តាំងពីនៅក្នុងផ្ទៃម្តាយ។
ឧប្បតិ្តហេតុនេះបានកើតឡើងនៅក្នុងមន្ទីរពេទ្យមួយស្ថិតនៅខេត្តហ្គងដុង ភាគខាងត្បូងប្រទេសចិន ហើយបញ្ហានេះបានធ្វើឱ្យសាធារណជនមានការខឹងសម្បាយ៉ាងខ្លាំង ហើយបានញ័ររញ្ជួយទូទាំងប្រព័ន្ធគ្រប់គ្រងនៅក្នុងមន្ទីរពេទ្យ។
ឧប្បតិ្តហេតុនេះបានកើតឡើងនៅក្នុងមន្ទីរពេទ្យមួយស្ថិតនៅខេត្តហ្គងដុង ភាគខាងត្បូងប្រទេសចិន ហើយបញ្ហានេះបានធ្វើឱ្យសាធារណជនមានការខឹងសម្បាយ៉ាងខ្លាំង ហើយបានញ័ររញ្ជួយទូទាំងប្រព័ន្ធគ្រប់គ្រងនៅក្នុងមន្ទីរពេទ្យ។
ប្រភពបន្តថា អ្នកស្រី លូ ដុងម៉ី អាយុ២២ឆ្នាំ មានផ្ទៃពោះរយៈពេល៣២សប្តាហ៍ ក៏សម្រាលបានកូនប្រុសម្នាក់ ដោយមានគិលានុប្បដ្ឋាយិកាចំនួន២នាក់ នៅក្នុងមន្ទីរពេទ្យ Nanhai Red Cross Hospital ជាអ្នកជួយសម្រាល ។ ក្រោយពេលកើតមក ទារកត្រូវបានគេសង្កេតឃើញថា មិនដកដង្ហើម មិនស្រែកយំ ព្រមទាំងមិនមានកម្រើកកាយវិការ ហើយស្បែកឡើងពណ៌ស្វាយទៀតផង។ ពេលនោះ គិលានុប្បដ្ឋាយិកាទាំងពីរស្មានតែទារកនោះស្លាប់ ក៏ខ្ចប់ទារកនៅក្នុងថង់ប្លាស្ទីក ហើយយកទៅបោះចោលក្នុងបន្ទប់ដាក់កាកសំណល់។ កន្លះម៉ោងក្រោយមកគ្រួសាររបស់អ្នកស្រីលូ បានមកកាន់មន្ទីរពេទ្យដើម្បីយកសព ស្រាប់តែប្រទះឃើញទារកនោះនៅរស់នៅឡើយ ។
ទាក់ទឹននឹងបញ្ហានេះ លោក ហ៊ង លីជន (Huang Lichuan)ប្រធាននាយកដ្ឋានផ្នែកសម្ពប និងរោគស្ត្រីនៃមន្ទីរពេទ្យបានសារភាពថា បញ្ហានេះ គិលានុប្បដ្ឋាយិកា ទាំងពីរនាក់បានធ្វើការវិនិច្ឆ័យទៅលើទារកទើបនឹងកើតនោះខុស និងខ្វះខាតនូវបទពិសោធន៍ខាងសម្ពប ។
ចំណែកលោក វ៉ាង ហៃហ្សាង ស្វាមីរបស់អ្នកស្រីលូ បានរៀបរាបថា នៅយប់នោះពួកគេបានហៅវេជ្ជបណ្ឌិតប្រចាំការជាច្រើនលើកច្រើនសា ប៉ុន្តែពុំមានអ្នកណាម្នាក់ជួយទេ។
ចំណែកលោក វ៉ាង ហៃហ្សាង ស្វាមីរបស់អ្នកស្រីលូ បានរៀបរាបថា នៅយប់នោះពួកគេបានហៅវេជ្ជបណ្ឌិតប្រចាំការជាច្រើនលើកច្រើនសា ប៉ុន្តែពុំមានអ្នកណាម្នាក់ជួយទេ។
ចំពោះបញ្ហានេះ ប្រធានមន្ទីរពេទ្យបានពន្យល់ប្រាប់ថា នៅយប់នោះ លោកវេជ្ជបណ្ឌិតប្រចាំការកំពុងជួយសង្គ្រោះអ្នកជំងឺម្នាក់ដែលរងរបួសហូរឈាមយ៉ាងធ្ងន់ធ្ងរ។
ពាក់ព័ន្ធនឹងការណីនេះ អាជ្ញាធរសុខភាពប្រចាំតំបន់បានបើកការស៊ើបអង្កេតជុំវិញឧប្បត្តិហេតុនេះ ហើយបញ្ហាធំរបស់ប្រធានពេទ្យនោះគឺ លោកវេជ្ជបណ្ឌិតប្រចាំការនៅយប់ថ្ងៃកើតហេតុ រួមទាំងគិលានុប្បដ្ឋាយិកាទាំងពីរនាក់ត្រូវបានបញ្ឈប់ពីការងារជាបណ្តោះអាសន្ន។
លោក ប៉ាន់ យ៉ុងតុង ប្រធាននាយកដ្ឋានផ្នែកសុខភាពប្រចាំស្រុកណានហៃ បានមានប្រសាសន៍ថា ពួកគេទាំងនោះជាអ្នកទទួលខុសត្រូវលើឧប្បតិ្តហេតុនេះ ហើយបានធ្វើខុសទៅនឹងនីតិក្រមការងារជាវេជ្ជបណ្ឌិត។ លោកបានបន្តថា ក្នុងអំឡុងពេលសម្រាលកូន លោកវេជ្ជបណ្ឌិតត្រូវតែមានវត្តមានជាដាច់ខាត។ ករណីមួយទៀតនោះគឺ គិលានុប្បដ្ឋាយិកាទាំងពីរនាក់មិនបានរាយការណ៍ពីទារកដែលស្មានតែកើតមកស្លាប់នោះទៅវេជ្ជបណ្ឌិតប្រចាំការនោះទេ មុនពេលដែលបោះទារកនោះចោ នេះជាផ្នែកមួយនៃបញ្ហាផងដែរ ៕
No comments:
Post a Comment