ក្រុមមន្ត្រីបាននិយាយកាលពីថ្ងៃអង្គារថា កូនឆ្មាអាយុបីខែមួយក្បាលកំពុងមានស្ថានភាពសុខភាពល្អប្រសើរឡើងវិញ ហើយ នៅក្នុងរដ្ឋកាលីហ្វ័រញ៉ា បន្ទាប់ពីការធ្វើដំណើរកាត់តាមមហាសមុទ្រប៉ាស៊ីហ្វិកនៅក្នុងកុងតឺន័រ មួយដែលដឹកជញ្ជូនតាមនាវាពីប្រទេសចិន ដោយគ្មានអាហារនិងទឹក។
កូនសត្វសម្បុរសលាយពណ៌ទឹកក្រូចនេះត្រូវបានដាក់ឈ្មោះឲ្យថា នី ហៅ ឬមានន័យថា "សួរស្តី" ជាភាសាចិនកុកងឺ បន្ទាប់ពីគេបានប្រទះឃើញនៅពេលដែលកុងតឺន័រនោះត្រូវបានបើកកាលពីសប្តាហ៍ មុន ក្រោយពីការធ្វើដំណើររយៈពេលពីរសប្តាហ៍ ចម្ងាយ១០.៤៥០គីឡូម៉ែត្រ ពីទីក្រុងសៀងហៃ។
នៅគ្រាដំបូងវាមានសភាពទន់ខ្សោយ ខ្លាំងពេកមិនអាចក្រោកឈររួច ប៉ុន្តែនៅទីបំផុតកូនឆ្មាឈ្មោលរោមខ្លីនេះចាប់ផ្តើមបោះជំហានដំបូង របស់វា ហើយពេលនេះក្រុមមន្ត្រីកំពុងស្វែងរកអ្នកស្រឡាញ់ឆ្មាក្នុងតំបន់ឲ្យ សុំវាយកទៅចិញ្ចឹម។
អ្នកស្រី ម៉ាឃា ម៉ាយេដា ប្រធាននាយកដ្ឋានថែទាំនិងត្រួតពិនិត្យសត្វទីក្រុងឡូសអ៊ែនជេឡេស បាននិយាយថា "នី ហៅ បានរាក់ទាក់ក្រុមគ្រូពេទ្យដោយសម្លេងម៉េវម៉េវដំបូងរបស់វានៅ ព្រឹកនេះ ហើយកំពុងតែព្យាយាមក្រោកឈរ"៕
No comments:
Post a Comment