ស្នេហា ក្នុងវ័យជំទង់គឺជារឿងពិបាក។ មនុស្សភាគច្រើនធ្លាក់ ដែលឧស្សាហ៍កើតមាន ចំពោះស្នេហាក្នុងវ័យជំទង់មានក្នុង អន្លង់ស្នេហ៍ដំបូងបំផុតនៅក្នុងវ័យជំទង់ ដែលប្រឈមមុខ ដោះស្រាយ នឹងអារម្មណ៍និងស្ថានភាពរបស់មនុស្សធំ។ ការ លង់ស្រឡាញ់ ជាពិសេសនៅក្នុងវ័យជំទង់ គឺមានអារម្មណ៍រំភើពណាស់ ប៉ុន្តែវាក៏មានបញ្ហាជាច្រើនដែរ។ បញ្ហាទូទៅដែលឧស្សាហ៍កើតមាន ចំពោះស្នេហាក្នុងវ័យជំទង់មាន ដូចជា ខ្វះភាពចាស់ទុំ គម្រោងសម្រាប់អនាគតផ្សេងគ្នា និងភាពគ្មានសុវត្ថិភាព។ភាពចាស់ទុំ
ការស្ថិតក្នុងវ័យជំទង់ គឺររឿងលំបាកមួយ។ ក្មេងជំទង់ត្រូវជាប់នៅចន្លោះវ័យកុមារនិងមនុស្សធំពេញវ័យ។ ការចាប់អារម្មណ៍ក្នុងការស្វែងរកសង្សារគឺជារឿងធម្មតា។ ប៉ុន្តែ ក្មេងជំទង់ភាគច្រើនមិនបានត្រៀមខ្លួនសម្រាប់កម្រិតនៃភាពចាស់ទុំ ដែលទំនាក់ទំនងស្នេហាពិតប្រាកដត្រូវការនោះទេ។ ស្នេហាទាមទារការចំណាយនិងការទទួលយកជាច្រើន ដែលជារឿងមួយដែលក្មេងជំទង់គ្រប់រូបមិនបានត្រៀមខ្លួនសម្រាប់វា ឡើយ។ វាប្រហែលជាមានភាពខុសគ្នានៃកម្រិតភាពចាស់ទុំរវាងភាគីទាំងពីរ។ ប្រសិនបើភាគីម្ខាងមានភាពចាស់ទុំជាងភាគីម្ខាងទៀត ទំនាក់ទំនងប្រហែលជាបង្កឱ្យមានភាពខកបំណងនិងការយល់ច្រលំច្រើន។ពេលវេលា
រវាងការសិក្សានៅសាលា ការធ្វើការ កិច្ចការផ្ទះ និងការជួបជុំមិត្តភក្តិ ធ្វើឱ្យក្មេងជំទង់មានភាពពិបាកក្នុងការបង្កើតពេលវេលាសម្រាប់ ស្នេហា។ ក្មេងជំទង់ភាគច្រើនត្រូវបានហាមមិនឱ្យចេញពីផ្ទះឬត្រូវចូលផ្ទះនៅ ម៉ោងកំណត់ណាមួយ ហើយក្មេងជំទង់ជាច្រើនដែលមិនអាចបើកបរបាន។ ស្នេហារបស់ពួកគេអាចនឹងអាស្រ័យទៅលើពេលទំនេរក្រៅពីការទៅមើលកុន ឬទៅភោជនីយដ្ឋានជាមួយក្រុមគ្រួសារ។ ក្មេងជំទង់ជាច្រើននឹងឃើញថាការមានស្នេហាគឺជាការប៉ះពាល់ដល់ពិន្ទុ សាលារបស់ពួកគេដោយការតែការចំណាយពេលបន្ថែមជាមួយ (និងគិតពី) ភាគីម្ខាងទៀត ដែលបង្កើតជាបញ្ហានៅសាលា និងជាមួយក្រុមគ្រួសារ ដែលអាចប៉ះពាល់ដល់ស្នេហាផងដែរ។
គម្រោងសម្រាប់អនាគត
ក្នុងកំឡុងពេលឆ្នាំ ចុងក្រោយនៃការសិក្សា ក្មេងជំទង់ចាប់ផ្តើមគិតពីអនាគតរបស់ពួកគេ ដោយរៀបចំគម្រោងសម្រាប់ការរៀនបន្តនិងការងារ។ វានឹងក្លាយទៅជាបញ្ហាសម្រាប់ស្នេហារបស់ក្មេងជំទង់ នៅពេលដែលដៃគូមិនមានគម្រោងប្រហាក់ប្រហែលគ្នា។ ប្រសិនបើភាគីម្ខាងទៅរៀនបន្តនៅក្នុងរដ្ឋផ្សេង ហើយដៃគូម្ខាងទៀតមិនបន្តការសិក្សាហើយនៅផ្ទះ នោះបញ្ហាប្រហែលជាកើតមានឡើង។
បើទោះបីជាវាមិនមែនជា បញ្ហាក្នុងស្នេហារបស់ក្មេងជំទង់ខ្លះក៏ដោយ ប៉ុន្តែវាអាចនឹងប៉ះពាល់ប្រសិនបើមានភាពខុសគ្នាផ្សេងទៀតនៃគម្រោង របស់ភាគីទាំងពីរ។ ប្រសិនបើភាគីម្ខាងមានគម្រោងនឹងផ្លាស់ប្តូរលំនៅអចិន្ត្រៃយ៍ទៅរដ្ឋ ផ្សេង, ចូលធ្វើជាទាហាន, ឬធ្វើដំណើរកំសាន្តមួយរយៈ វាអាចធ្វើឱ្យភាគីម្ខាងទៀតមានអារម្មណ៍ថាត្រូវគេបោះបង់ចោល។ ក្មេងជំទង់ជាច្រើនដែលបញ្ចប់ការសិក្សានិងចាកចេញពីផ្ទះ ក៏ត្រូវការសេរីភាពក្នុងស្វែងរកបទពិសោធន៍ថ្មី ដោយមិនត្រូវការការគ្រប់គ្រងពីមិត្តប្រុស ឬមិត្តស្រីឡើយ។
សម្ពាធមិត្តភក្តិ
សម្ពាធពីមិត្តភក្តិអាចជា បញ្ហាមួយសម្រាប់ស្នេហាក្នុងវ័យជំទង់។ ប្រសិនបើមិត្តរបស់ភាគីខាងស្រីមិនចូលចិត្តបុរសម្នាក់នោះ នាងអាចនឹងផ្តាច់ទំនាក់ទំនងស្នេហាដើម្បីការពារមិត្តភាព។ ប្រសិនបើភាគីខាងប្រុសត្រូវបានមិត្តភក្តិចំអកឡកឡើយដោយសារតែ មិត្តស្រីរបស់ខ្លួន គេក៏ប្រហែលជានឹងបញ្ចប់ស្នេហាដែរ។
អរម៉ូន
វ័យជំទង់គឺជាពេលដំបូង ដែលមនុស្សយើងជួបប្រទះនឹងតណ្ហា ហើយនិងអារម្មណ៍ឡូកលំគ្នាជាច្រើន។ បញ្ហាធំបំផុតនៃការមានស្នេហាក្នុងវ័យជំទង់គឺការប្រែប្រួលទាំងឡាយ ដែលកើតមានក្នុងរាង្គកាយរបស់ក្មេងជំទង់ រួមផ្សំជាមួយនឹងគំនិតប្រឆាំងពីមិត្តភក្តិ គ្រួសារ និងសារព័ត៌មានពីផ្នែករាង្គកាយនៃស្នេហា។ វាមានមូលហេតុជាច្រើនដែលរារាំងការរួមភេទក្នុងវ័យជំទង់ ហើយស្នេហានោះអាចនឹងមានបញ្ហាប្រសិនបើភាគីម្ខាងទាមទារ ភាពស្និទ្ធស្នាលច្រើនជាងអ្វីដែលភាគីម្ខាងទៀតបានត្រៀមខ្លួន។
No comments:
Post a Comment